ငယ်စဉ်ဘ၀မှာ လူတိုင်းလိုလို အနာဂတ်ဘာဖြစ်ချင်တယ်ဆိုတာ အနည်းနဲ့အများ စိတ်ကူးယဉ်ဖူးကြမယ်လို့ထင်ပါတယ်။ ဘာမှအထွေအထူးဖြစ်ချင်တယ်ဆိုတာမရှိခဲ့ဘူးဆိုတဲ့သူတွေလည်းအများကြီးရှိမှာပါ။ ကျွန်တော်မှတ်မိသလောက်တော့ အလယ်တန်းကျောင်းသားဘ၀ကစပြီး၊ ဆရာဝန်ဖြစ်ချင်စိတ်စပြီးသန္ဓေတည်ခဲ့ပါတယ်။ ဖြစ်နိုင်တဲ့စေ့ဆော်ချက်အကြောင်းတစ်ခုကတော့ ဆေးရုံဆေးခန်းမကြာခဏရောက်ခဲ့ရတဲ့ ကျွန်တော်ငယ်ငယ်ကျန်းမာရေးအခြေအနေပါ။ ငယ်ငယ်လေးကတည်းက နေမကောင်းခဏခဏဖြစ်ပြီး ဆေးရုံပြခဲ့ရတာ၊ ဆေးတွေထိုးခံခဲ့ရတာမှတ်မိနေပါသေးတယ်။ ခွဲစိတ်ကုသလည်းခံရဖူးတယ်။ စက်ဘီးနဲ့ကားတိုက်မိလို့သတိလစ်ပြီးဆေးရုံရောက်ဖူးတယ်။ အစုံပါဘဲ။ လူကျန်းမာရေးမကောင်းရုံသာမက၊ စိတ်ကလည်းကြီးတယ်လေ။ ရီစရာ၊ တရားကျစရာပြောပြပါဦးမယ်။ ကျွန်တော် ငယ်ကတည်းက တခုခုကို လုပ်ချင်ပြီဆို ဖြစ်မြောက်မှစိတ်ကျေနပ်ခဲ့တယ်။ လုပ်မရရင်အရမ်းစိတ်ဆိုးတယ်။ ၅တန်းနှစ်လောက်ကထင်တာပါဘဲ။ တစ်ရက်မှာတစ်ယောက်ထဲဂျင်ပေါက်ကစားနေရင်း အဲဒီဂျင်စုတ်(ထိုစဉ်ကစိတ်ထဲမှာခေါ်ခဲ့မိတာ) က မလည်ခဲ့ဘူး။ ညမိုးချုပ်ခါနီးအထိမလည်မချင်းကြိုးစားပေါက်တယ်။ နောက်ဆုံးဘယ်လိုမှမလည်တဲ့အဆုံး ဒေါသစိတ်အထွတ်အထိပ်ရောက်သွားပြီး ..ဂျင်စုတ်..ဂျင်စုတ်..ကဲဟာ..ဆိုပြီး၊ ဘာပြောကောင်းမလဲ၊ ဖိနောက်နဲ့ဆက်ကာဆက်ကာပေါက်ချပစ်လိုက်တယ်လေ။ သုံးချက်မြောက်လောက်ထင်ပါတယ်၊ ဂျင်ရဲ့သံချွန်ကမိုးပေါ်ထောင်လာချိန်နဲ့ဒေါသ ဖိနောက်နဲ့တွေ့တော့တာပါဘဲ။ ခုပြန်စဉ်းစားတော့အသည်းယားစရာကြီး။ သွေးပူနေတော့နာမှန်းလည်းမသိ၊ ဂျင်သံစူးသွားမှန်းတောင်သတိမထားမိခဲ့ဘဲ၊ နောက်နေ့မနက်အိပ်ယာထဲမှာ သွေးတွေရွှဲနေတော့မှ ဂျင်သံစူးမှန်းလူကြီးတွေပါသိသွားပြီး ချက်ချင်းဆေးရုံပြေး၊ မေးခိုင်ကာကွယ်ဆေးတွေရော၊ ပိုးသတ်ဆေးတွေပါထိုးခံရ၊ ၂ပါတ်လောက်ဆေးထည့်ခဲ့ရနဲ့ တော်တော်ခံလိုက်ရပါတယ်။ ဒေါသဆိုးကျိုးပြောပါတယ်။
အဓိကအကြောင်းကိုပြန်ဆက်ရရင်၊ ဖြစ်ချင်ခဲ့တာက လူဆရာဝန်ပါ။ (ရောဂါအားလုံးကုတဲ့ဆရာဝန်ကိုဆိုလိုပါတယ်) အလယ်တန်းပြီးခါနီးရောက်တော့ဆေးနဲ့နီးစပ်တဲ့ ကြက်ခြေနီ-ရှေးဦးသူနာပြုသင်တန်းတွေတက်၊ ကိုယ့်အိမ်မှာ အနာဖြစ်ရင်ထည့်တဲ့ဆေးဗူးတွေ၊ ဆေးအိတ်လေးတွေလုပ်နဲ့ အနာဂတ်မှာဖြစ်ချင်တဲ့ရည်မှန်းချက်က ပိုအားကောင်းလာခဲ့ပါတယ်။ ယောင်္ကျားလေးပီပီ အင်ဂျင်နီယာလည်းဝါသနာပါခဲ့တာပါဘဲ။ ဒီလိုနဲ့၉တန်းအောင်ပြီး ကျောင်းပြန်မဖွင့်ခင်မှာ၊ မိဘတွေက ဆရာဝန်ဖြစ်အောင်ဆိုပြီး၊ စစ်တပ်ဆရာဝန်နဲ့အိမ်ထောင်ကျတဲ့ ကျွန်တော့်အဖေရဲ့တူမရှိရာ မေမြို့ကိုပို့လိုက်ပါတော့တယ်။ ဆရာဝန်နားနီးရင်ဖြစ်ဖို့ပိုနီးစပ်မလားဆိုတဲ့အတွေးနဲ့ပါ။ ဒါပေမယ့် ဒါဟာ ကျွန်တော်လူဆရာဝန်မဖြစ်ခဲ့ခြင်းရဲ့အဓိကအကြောင်းရင်းဖြစ်ခဲ့ပါတော့တယ်။
အဲဒီအချိန်က တောင်ကြီးမှာအထက်တန်းကျောင်းတွေက အပြိုင်အဆိုင်တွေပါ။ ဘယ်ကျောင်းက ၁၀တန်းအောင်ချက်အကောင်းဆုံး၊ ဂုဏ်ထူးအများဆုံးစသည်ဖြင့် ပြိုင်ကြပါတယ်။ ကျွန်တော်နေခဲ့တဲ့ အမှတ်(၄)ကျောင်းကနာမည်ကြီးခဲ့ပါတယ်။ ကျွန်တော့်သူငယ်ချင်းတွေတော်တော်များများ ဆေး၊ အင်ဂျင်နီယာလိုင်းတွေဝင်ခဲ့ကြပါတယ်။ အပြိုင်အဆိုင်ဆိုတော့ ၉တန်းမှာအဆင့်ကောင်းခဲ့တဲ့ကျွန်တော့်ကို ကျောင်းက မပြောင်းစေချင်ခဲ့ဘူး။ ကျောင်းထွက်လက်မှတ်ကိုတော်တော်နဲ့မထုတ်ပေးပါဘူး။ ကျွန်တော့်အဖေကိုလည်း တောင်ကြီးမှာဘဲပြန်ထားပါ..ဆိုပြီးကျောင်းထွက်လက်မှတ်သွားတောင်းတိုင်းပြောပါသတဲ့။ အဲဒီချိန်လူကမေမြို့ရောက်နေပြီ။ ကျောင်းတွေလည်းဖွင့်နေပြီ။ ကျွန်တော်ကျောင်းတက်ခွင့်မရခဲ့သေးပါဘူး။ နောက်ဆုံး ၅လလောက်နောက်ကျပြီးမှ ကျွန်တော်မေမြို့အထက ၃မှာ ကျောင်းဝင်ခွင့်ရခဲ့ပါတော့တယ်။ ကျောင်းဝင်ခွင့်မရသေးခဲ့ချိန်တွေကို အိမ်မှာ ဆရာမရှိဘာမရှိနဲ့ကိုယ့်ဘာသာ သင်္ချာတို့၊ ရူပ-ဓာတုတို့လေ့လာခဲ့ရပါတယ်။ အမ၀မ်းကွဲရဲ့အမျိုးသားစစ်တပ်ဆရာဝန်က ကျွန်တော့်ကို အင်္ဂလိပ်စာသင်ပေးတယ်။ သင်တယ်ဆိုတာထက် ဖတ်စာအုပ်ထဲက ၀ါကျတစ်ကြောင်းမကျန်အကုန် ၀ါကျတစ်ကြောင်းဖတ်ခိုင်းလိုက်၊ မြန်မာလိုအဓိပ္ပါယ်ပြန်ခိုင်းလိုက်၊ မှားနေရင်ထောက်ပေးလိုက်လုပ်ပေးခဲ့တာပါ။ Grammer ကတော့ လက်ဦးဆရာဖြစ်တဲ့အဖေရဲ့အင်္ဂလိပ်စာသင်တန်းတွေလိုက်တက်ရင်း အထိုက်အလျောက်ရနေခဲ့ပါတယ်။ ကျောင်းကနှစ်ဝက်နီးပါးနောက်ကျပြီးမှဝင်ခွင့်ရတော့၊ စာတွေကမစုံ၊ သူငယ်ချင်းကမရှိနဲ့ အတော်အထီးကျန်ခဲ့ရပါတယ်။ ဒီလိုနဲ့စာမေးပွဲကြီးနီးလာခဲ့ပါတယ်။ အင်္ဂလိပ်၊သင်္ချာနဲ့ရူပ-ဓာတုသိပ္ပံတွဲကိုလေ့လာမှတ်သားရတာ ပျော်ပေမယ့်၊ သမိုင်း၊ မြန်မာ၊ ပထ၀ီ ကျက်စာတွေကျတော့ ပျင်းလှပါတယ်။ နာမည်မှာ ဥာဏ်ပါပေမယ့် ကျွန်တော့်ရဲ့အလွတ်ကျက်မှတ်ဥာဏ်ကမကောင်းပါဘူး။ ၁၀တန်းစာမှတ်စုတွေကိုလည်းပြန်မကူးခဲ့တော့ ကျက်စာတွေမှာ အတော်အခြေအနေဆိုးခဲ့ပါတယ်။ တောင်ကြီးကပါလာတဲ့၉တန်းစာမှတ်စုနဲ့ ၁၀တန်းဖတ်စာအုပ်ထဲကတိုက်ရိုက်ကျက်ခဲ့ရတော့၊ ၉တန်းစာဘဲကောင်းကောင်းရခဲ့ပါတယ်။ အဲဒီတုန်းက စနစ်ဟောင်းနောက်ဆုံးနှစ်။ ၉တန်းစာတ၀က် ၁၀တန်းစာတ၀က် စာမေးပွဲမှာပါတာလေ။
လူဆရာဝန်မဖြစ်ခဲ့ရတဲ့နောက်အကြောင်းတချက်က မှတ်ဥာဏ်မကောင်းရုံမက အိပ်ပုတ်ကြီးခဲ့တာပါ။ ငယ်ကတည်းက ည၈နာရီမကျော်ဖူးခဲ့တာ၊ ၁၀တန်းရောက်တော့လည်း ၈နာရီထိုးတာနဲ့ မျက်စိလေး အိပ်ငိုက်တော့တာပါဘဲ။ အင်္ဂလိပ်စာ၊ သင်္ချာ၊ သိပ္ပံတွဲတွေက ကျောင်းဝင်ခွင့်မရခင် ၅လလောက်ကိုယ့်ဘာသာအိမ်မှာလုပ်ထားလို့ အကုန်ရနေခဲ့ပါပြီ။ ကျက်စာတွေကျတော့ ဘယ်လိုမှမမှတ်မိတဲ့အပြင် အိပ်ငိုက်တာက အကြီးဆုံးအဟန့်အတားဖြစ်ခဲ့ပါတယ်။ ပထမအဆင့် အမက လှုပ်နှိုးပြီး စာဆက်ကျက်ခိုင်းတယ်။ ဒုတိယအဆင့်ကျတော့ အမအမျိုးသားစစ်တပ်ဆရာဝန်က သားရေကွင်းလေးနဲ့ စာအုပ်ရှေ့ချပြီးအိပ်ပျော်နေတဲ့ ကျွန်တော့် နားရွက်ကိုခပ်စပ်စပ်လေးပစ်ပေးပါတယ်။ ဒါလည်းခဏဘဲခံပါတယ်။ တသက်လုံး၈နာရီအိပ်ခဲ့တဲ့ဦးနှောက်က ပြန်အိပ်ခိုင်းတာပါဘဲ။ နောက်ဆုံးအဆင့်ကျတော့ ကဲ..ကိုယ်တော်လေး..ဒီလိုသာဆိုစာမေးပွဲကျမှာဘဲ..လမ်းလျှောက်ပြီးကျက်စမ်း..ဆိုပြီး သူတို့ရှေ့မှာ အခန်းထဲခေါက်တုန့်ခေါက်ပြန်လမ်းလျှောက်ပြီးကျက်စေပါတော့တယ်။ အဲဒီမှာ သူတို့လက်လှန်တာပါဘဲ။ ဆန်စပါး..ဆန်စပါး..ဆန်စပါးကို... (ကျွန်တော်မုန်းတဲ့ပထ၀ီထဲကစာသား) တတွတ်တွတ်ရွတ်ရင်း လမ်းလျှောက်ရင်းအိပ်ပျော်တဲ့ကျွန်တော့်ကို သူတို့နောက်ဆုံးလက်လျှော့လိုက်ကြပါတော့တယ်။
ဒီလိုနဲ့ ၁၀တန်းစာမေးပွဲ။ ကျက်စာကလွဲလို့ ကျွန်တော်ပိုင်တဲ့သင်္ချာ၊ အင်္ဂလိပ်တွေမှာ အေးဆေးပါဘဲ။ အမှတ်ယူမယ် ၉၅ကနေ၁၀၀အတွင်းရအောင်ဖြေမယ်လို့မှန်းထားတဲ့ သိပ္ပံတွဲနေ့မှာ ဖြစ်ခဲ့တာက ကျွန်တော့်ကိုလူဆရာဝန်မဖြစ်စေခဲ့တဲ့နောက်ဆုံးအကြောင်းရင်းဖြစ်ခဲ့ပါတော့တယ်။ အဲဒီနေ့ကမနက်၅နာရီထ၊ စာတွေထနွှေးပြီးတော့ ကျွန်တော်ရေချိုးချင်စိတ်ပေါက်တာနဲ့ချမ်းချမ်းစီးစီးကြီးမှာ ရေချိုးလိုက်မိပါတယ်။အဲဒီနောက် စာမေးပွဲဖြေမယ့်ကျောင်းကိုအသွားကားပေါ်မှာ စပြီး ခေါင်းမူးပြီး၊ အန်လာခဲ့တယ်။ ကျောင်းရောက်တော့လည်းအန်တုန်း၊ ခေါင်းကပိုမူးလာပြီး၊ ငုတ်တုတ်ထိုင်နေရတယ်။ ခေါင်းမထောင်နိုင်ဘူး။ သူငယ်ချင်းလည်းမရှိ ဘာဖြစ်နေလည်းမေးမယ့်သူလည်းမရှိ၊ ကြိတ်မှိတ်ခံနေရင်း စာမေးပွဲခန်းထဲဝင်ချိန်ရောက်တော့ ခုံပေါ်ထိုင်ပြီးခေါင်းမှောက်ပြီးခေါင်းမူးတဲ့ဒဏ်ကိုအလူးအလဲခံခဲ့ရပါတယ်။ မေးခွန်းတွေဝေတော့၊ ဒီတိုင်းဆိုရင်ငါစာမေးပွဲကျတော့မယ်ဆိုပြီး၊ ခုံပေါ်ခေါင်းချလျက်နဲ့ဘဲ၊ ဓာတုဗေဒဓာတ်ငွေ့ထုတ်ဖော်ပုံရယ်၊ အီကွေးရှင်းတွေရယ်၊ စဉ်းစားစရာမလိုတဲ့မေးခွန်းတွေကို ခေါင်းမထူနိုင်တဲ့ကြားကဘဲ ကြိုးစားပြီးရေးချခဲ့ပါတယ်။ တသက်နဲ့တကိုယ်တခါမှမခံစားဖူးတဲ့ဝေဒနာကို အရေးကြီးဆုံးချိန်မှာခံစားခဲ့ရတာပါ။ ဓာတုချိန်တ၀က်လောက်ရောက်မှအခန်းစောင့်တဲ့ဆရာမတွေက ရိပ်မိသွားပြီး ဘယ်လိုဖြစ်တာလဲ၊ ဘာလဲလာမေးဖော်ရပါတော့တယ်။ အိမ်ကိုဖုန်းဆက်ပေးလို့ ဓာတုချိန်မပြီးခင် ၁၀မိနစ်လောက်အလိုမှာ အမအမျိုးသားရောက်လာပြီး အကြောဆေးတလုံးလာသွင်းပေးပါတယ်။ ဆေးသွင်းပြီးသိပ်မကြာခင်ခေါင်းမူးတာအရှင်းပျောက်သွားပြီး၊ ကျန်တဲ့အချိန်လေးမှာ မဖြေရသေးတဲ့မေးခွန်းတွေမြန်မြန်ဆက်ဖြေရပါတော့တယ်။ အချိန်လုနေရလို့ စဉ်းစားချိန်လည်းမရ၊ အကုန်လည်းမမီခဲ့တော့ပါဘူး။ ဒုတိယပိုင်းရူပဗေဒချိန်မှာတော့ နေကောင်းနေပြီမို့ အကုန်ဖြေနိုင်ခဲ့ပါတယ်။ အိမ်ရောက်တော့အမကဆူပါတယ်။ နောက်ဘာသာတွေမဖြေနဲ့တော့၊ ခြစ်ချလိုက်တော့..ဆရာဝန်လိုင်းလည်းဝင်မှာမဟုတ်ဘူးဆိုပြီးဆူပါတယ်။ တောင်ကြီးမှာသာဆက်နေခဲ့ရင်ဒီလိုဖြစ်မှာမဟုတ်ဘူးဆိုပြီး ကျွန်တော်နောင်တရမိပါတယ်။ ခြစ်ချဖို့တော့စိတ်မကူးပါဘူး။ ကျွန်တော်ခေါင်းမထူနိုင်ဘဲဖြေခဲ့တာလေးက အောင်မှတ်ရနိုင်တယ်ဆိုတာ ကိုယ့်ဘာသာယုံကြည်နေခဲ့ပါတယ်။
တွက်ထားတဲ့အတိုင်းဘဲ အောင်စာရင်းတွေထွက်တော့ အင်္ဂလိပ်-သင်္ချာနှစ်ဘာသာဘဲဂုဏ်ထူးပါပါတယ်။ အမှတ်စာရင်းထွက်တော့ သင်္ချာ ၁၀၀၊ အင်္ဂလိပ်စာ ၈၉။ အဲဒီနှစ်က (the whole Burma first)တပြည်လုံးပထမရသူရဲ့အင်္ဂလိပ်စာအမှတ်ထက်ကျွန်တော်ကများပါတယ်။ (ကြံဖန်ပြီးဂုဏ်ယူဖြေသိမ့်တာပါ) သိပ္ပံတွဲ ၇၉ (၈၀ ရမှဂုဏ်ထူးပါ)။ ကျက်စာတွေက အောင်ရုံလေးတွေ။ အမှတ်ပေါင်း၄၄၅။ တက္ကသိုလ်တွေလျှောက်တော့၊ အဲဒီချိန်က ဆေးကအမှတ်အမြင့်ဆုံး၊ ဒုတိယက သွား-ဆေး၊ တတိယ အင်ဂျင်နီယာ၊ သူ့နောက်က တိမွေးကုနဲ့စိုက်ပျိုးရေး။(တကယ်ကလျှောက်သူနည်းတာများတာပေါ်မူတည်ပြီး အမှတ်မြင့်တာနိမ့်တာဟာ တနှစ်နဲ့တနှစ်မတူပါဘူး၊) ဘာပဲဖြစ်ဖြစ်ရတဲ့အမှတ်နဲ့အကောင်းဆုံးလျှောက်မယ်ဆိုပြီး၊ ရလိုရငြား၊ ဆေးက ပထမဦးစားပေး၊ နောက် သွား-ဆေး၊ နောက်ဆုံးအင်ဂျင်နီယာ၊ သုံးခုဘဲလျှောက်ခဲ့ပါတယ်။ တိမွေးကုကတော့မလျှောက်ခဲ့ပါဘူး။ ငယ်ငယ်ကခွေးလိုက်ဆွဲခံရဖူးလို့ တိရိစ္ဆာန်ဆိုကြောက်လို့ပါ။ အဲဒီနှစ်မှာဆေးနောက်ဆုံးအမှတ်က ၄၆၂မှတ်။ ၁၇မှတ်နဲ့ပြုတ်ပြီပေါ့။
ဒီလိုနဲ့မရည်ရွယ်ဘဲသွားဘက်ဆိုင်ရာဆေးတက္ကသိုလ်ဆိုတာကို ရောက်ခဲ့ရပါတယ်။ လူဆရာဝန်မလုပ်ရလည်း သွားဆရာဝန်လုပ်ရတော့မှာဘဲဆိုပြီး၊ ရောက်ရာနေရာမှာ အကောင်းဆုံးဖြစ်ဖို့ကြိုးစားရပါတော့တယ်။ သွားဆေးပညာဝါသနာမပါလို့ အမှတ်တဆင့်နိမ့်တဲ့အင်ဂျင်နီယာလိုင်းကို စတက်ခါစမှာဘဲပြောင်းသွားတဲ့သူတွေလည်းရှိခဲ့ပါတယ်။ ၉နှစ်တာ (စာသင်နှစ်၆နှစ်+အပိတ်ခံရတာ၃နှစ်) လိပ်ခုံးနဲ့ဆေး(၁)မှာ လူဆရာဝန်တွေတတ်အပ်တဲ့ပညာတွေထဲက သားဖွားမီးယပ်ကလွဲလို့အားလုံးတွဲသင်ခဲ့ရပြီး၊ တချိန်ထဲမှာ ကိုယ့်သွားဘက်က ဘာသာကိုလည်းအထူးပြုသင်ရလို့ အတိုင်းအတာတခုအထိပင်ပန်းခဲ့ကြပါတယ်။ ဒီလိုနဲ့ ၁၉၉၆ ဘွဲ့နှင်းသဘင်မှာတော့...
အဖဦးသာဥာဏ်၏သားမောင်ဥာဏ်..ဂုဏ်ထူး..သွားကျန်းမာရေးပညာအပိုင်း (၁) (သွားမြစ်ဝန်းဆိုင်ရာဆေးပညာ+ကာကွယ်ရေးနှင့်လူထုသွားကျန်းမာရေးပညာ)၊ ဂုဏ်ထူး..သွားကျန်းမာရေးပညာအပိုင်း (၂) (ကလေးသွားရောဂါကုဆေးပညာ+ သွားညှိကုပညာ) ...ဆိုတဲ့အလှည့်ကျပါမောက္ခရဲ့ခေါ်သံနဲ့အတူ၊ မိဘတွေရဲ့ကျေနပ်ပီတိအပြုံး၊ ချစ်သူငယ်ချင်းတွေရဲ့အားပေးလက်ခုပ်သံတွေနဲ့ ဘွဲ့လက်မှတ်တက်ယူအပြီးမှာတော့.......
ကမ္ဘာတစ်လွှား ကျော်ကြားထင်ရှား ခဲ့သော သမားဟူးရားကြီးများ အား သက်သေ ထား၍ အကျွန်ုပ်သည် ဤအဓိဌာန်ပြု ကတိသစ္စာကို ရွတ်ဆို သစ္စာပြုပါအံ့။
၁။ ကျွန်ုပ် သည် လူသားအားလုံးတို့၏ ကိုယ်၏ကျန်းမာရေး၊ စိတ်၏ကျန်းမာရေး ကို ကျွန်ုပ်၏ အရေးကဲ့သို့ ယူဆပါအံ့။
၂။ ကျွန်ုပ်သည် ဆေးပညာသင်ကြားပေးသော ဆရာသမားများအား မိဘသဖွယ် ရိုသေလေးစားပါအံ့။
၃။ ကျွန်ုပ်သည် လုပ်ဖော်ကိုင်ဖက် ဆေးပညာရှင်များကို ညီရင်းအစ်ကို၊ မောင်ရင်းနှမကဲ့သို့ လေးစားစွာ ဆက်ဆံပါအံ့။
၎။ ကျွန်ုပ် သည် သမားကောင်းတစ်ဦး၏ ကိုယ်ကျင့်တရားနှင့် မွန်မြတ်သည့် ဂုဏ်သိက္ခာ၊ အစဉ်အလာကို ထိန်းသိမ်းပါအံ့။
၅။ ကျွန်ုပ်သည် ဆည်းပူးတတ်မြောက်ထားသော ဆေးပညာဖြင့် ဂီလာနပုဂ္ဂိုလ်များ၏ ကျန်းမာရေးကို စေတနာ၊ မေတ္တာ၊ ရှေ့ ထား၍ လူမျိုးဘာသာ ဆင်းရဲ ချမ်းသာမရွေး စွမ်းစွမ်းတမံ စောင့်ရှောက်ကုသပါအံ့။
၆။ ကျွန်ုပ်သည် ဂီလာနပုဂ္ဂိုလ်တို့အား ကုသစဉ် တွေ့မြင်ကြားသိရသည့် လျှို့ ဝှက်အပ်သော အတွင်းရေးကိစ္စများကို ဖွင့်ဆိုအပ်သည်တို့မှ လွဲ၍ မည်သည့်အခါတွင်မဆို ဖွင့်ဟခြင်းမှ ရှောင်ကြဉ်ပါအံ့။
၇။ ကျွန်ုပ်သည် လူသားတို့အား ဘေးဥပဒ်ဖြစ်စေမည့်ဆေး၊ သေစေတတ်သည့်ဆေးများကို ကိုယ်တိုင် ပေးခြင်းမှ လည်းကောင်း၊ သူတစ်ပါးအား ပေးစေခြင်းမှ လည်းကောင်း အခါခပ်သိမ်းရှောင်ကြဉ်ပါအံ့။
၈။ ကျွန်ုပ်သည် တရားမ၀င်သောခွဲစိတ်ကုသခြင်းတို့မှ အမြဲတစေ ရှောင်ကြဉ်ပါအံ့။
၉။ ကျွန်ုပ်သည် ဆည်းပူးတတ်မြောက်ထားသော ဆေးပညာဖြင့် လူသားတို့၏ ဘ၀နှင့်အသက်ကို တန်ဖိုးထား လေးစားစွာ ကာကွယ်စောင့်ရှောက်ပါအံ့။
ယခု ကတိသစ္စာပြုသည့်အတိုင်းဆောင်ရွက်ပါသော် ကျွန်ုပ်သည် ကောင်းကျိုးမင်္ဂလာ အဖြာဖြာနှင့် ပြည့်စုံပါစေသား။
ဆိုတဲ့ ဆရာဝန်-သွားဆရာဝန်တိုင်းဘွဲ့ယူချိန်မှာ ဆရာသမားအားလုံးရဲ့ရှေ့၊ ဧည့်ပရိဿတ်အားလုံးရဲ့ရှေ့မှောက်မှာဝန်ခံကတိသစ္စာပြုကြရတဲ့ကတိသစ္စာကို အလေးအနက် ရွတ်ဆိုရင်း၊ သွားဆရာဝန်တစ်ယောက်ဖြစ်ပါပြီကောဆိုတဲ့အတွေးနဲ့၊ ငယ်စဉ်ချိန်တွေကို ပြန်သတိရလိုက်မိတဲ့အကြောင်း၊ ဆရာဝန်ကတိသစ္စာကိုစောင့်ထိန်းရင်းလူတွေကိုအကျိုးပြုနိုင်ဖို့ကြိုးစားနေဆဲဖြစ်ကြောင်း၊ သွားဆရာဝန်ဖြစ်လာရခြင်းအကြောင်းတွေကို စီကုံးမျှဝေလိုက်ရပါတယ်ခင်ဗျား။
Wednesday, December 16, 2009
သွားဆရာဝန်ဖြစ်လာရခြင်းအကြောင်းများ
Saturday, December 12, 2009
Referred pain သို့မဟုတ် ရောဂါတခြား-အနာတခြား
ရောဂါဖြစ်နေသည်ကတနေရာ-နာကျဉ်ခြင်းဝေဒနာခံစားနေရသည်ကတခြားတနေရာဖြစ်သည်ကို Referred pain ဟုခေါ်ပါသည်။ လူတို့၏ကိုယ်ခန္ဓာအစိတ်အပိုင်းများ-ကလီစာများကို အာရုံကြောများကတဆင့် ဦးနှောက်သို့ဆက်သွယ်ထားသည်။ ဦးနှောက်သို့မရောက်မီ၊ ကျောရိုးအာရုံကြောမကြီးနှင့် ကိုယ်ခန္ဓာအနှံ့အပြားမှ အာရုံကြောလေးများ ဆက်သွယ်ထားသည်။ တချို့အင်္ဂါအစိတ်အပိုင်းများမှာ တခုနှင့်တခုဆက်စပ်နေခြင်းမရှိသော်လည်း၊ သက်ဆိုင်ရာအာရုံကြောငယ်လေးများက ကျောရိုးအာရုံကြောမကြီးနှင့်ဆက်သည့်နေရာတွင် နီးကပ်စွာရှိနေတတ်ကြသည်။ တခါတရံ ရောဂါဖြစ်နေသည့်နေရာမှအနာကို၊ တခြားမဆိုင်သည့်နေရာတခုမှ နာသကဲ့သို့ ဦးနှောက်ဆီသတင်းပို့မှားသည့်အခါ၊ အနာကပြင်းထန်လွန်းသောအခါတွင် Referred pain ကိုခံစားရပါသည်။
နှလုံး၊ အဆုတ်၊ အသည်း၊ ကျောက်ကပ်၊ အစာအိမ်၊ သည်းခြေအိတ်စသည့်ကိုယ်တွင်းအင်္ဂါများမှရောဂါကို အခြားနေရာများတွင် နာနေကျဉ်နေသကဲ့သို့ခံစားရနိုင်ပါသည်။ ဖြစ်ခဲသည်ဆိုသော်လည်းဖြစ်တတ်သောရောဂါလက္ခဏာဖြစ်သဖြင့်၊ ဗဟုသုတသိရှိထားလျှင်၊ မပေါ့ဆဘဲ တတ်ကျွမ်းနားလည်သူဆရာဝန်များနှင့် အချိန်မီပြသနိုင်မည်ဖြစ်ပါသည်။
ခံတွင်း-မေးရိုး-မျက်နှာပိုင်းဆိုင်ရာ referred pain တချို့ကိုဖော်ပြလိုက်ပါတယ်-
နှလုံးရောဂါ- လက်ဝဲဖက်ရင်ပတ်အောင့်၊ လက်ဝဲဖက်လက်မောင်း၊ လက်ဝဲဖက်ပုခုံးအောင့်မှသည် အောက်မေးရိုးနာ၊ အောက်သွားများကိုက်သည်အထိ Referred pain ခံစားရနိုင်သည်။
နားကိုက်ခြင်း၊ ထိပ်ကပ်နာ (sinusitis) စသည်မှလည်း သွားကိုက်သည့်ဝေဒနာခံစားရနိုင်သည်။
သွားရောဂါ ကို နားကိုက်ခြင်း၊ မျက်စိကိုက်ခြင်းအနေနှင့်ခံစားရနိုင်သည်။
မေးရိုးဆစ်ရောဂါ (temporomandibular joint disorder) မှ သွားကိုက်၊ နားထင်ကိုက်-ပါးကိုက်ဝေဒနာခံစားရနိုင်သည်။
Trigeminal neuralgia - မျက်နှာမေးရိုးဆိုင်ရာအာရုံကြောမရောဂါ - ဘယ်ဘက် သို့မဟုတ် ညာဘက်မျက်နှာ၊ နားထင်၊ မေးရိုး၊ သွားများ ကိုက်ခြင်း၊ နာကျဉ်ခြင်းကို မကြာခဏခံစားရသည်။ စူးပြီးနာခြင်း၊ ကျဉ်စက်နှင့်တို့ခံရသကဲ့သို့နာကျဉ်ခြင်း၊ တခါတရံမျက်နှာနှင့်လက်ထိမိချိန်လေးတွင်နာခြင်း၊ လေစိမ်းတိုက်ခံရလျှင်နာတတ်ခြင်း။
Thursday, December 10, 2009
အရက်ပျံဓာတ်ပါသည့်ခံတွင်းငုံဆေးများသတိထား....
image from world dental.org
Are alcohol containing mouthwashes safe?
ဒီနေ့ည၀င်လာတဲ့ Bristish Dental Journal ကအီးမေးလ်ထဲက လူထုအတွက်အရေးကြီးတဲ့သုတေသနစာတမ်းတစ်စောင်တွေ့လိုက်ရလို့ အိပ်ချင်ချင်နဲ့ဘဲရေးလိုက်ရပါတယ်။ 
ခံတွင်းသန့်စေတယ်ဆိုတဲ့ငုံဆေးတွေအမျိုးမျိုးဈေးကွက်ထဲမှာ နှစ်ပေါင်းများစွာထဲကပေါ်ထွက်နေခဲ့ကြပြီး၊ သွားပိုးစားရောဂါ၊ သွားဖုံးရောဂါတွေကာကွယ်ရာမှာထိရောက်တဲ့ ကုသမှုအကူပစ္စည်း (Adjunct to dental treatment) အနေနဲ့သုံးလာခဲ့ကြပါတယ်။ တကယ်လည်းထိရောက်ပြီး၊ ဘေးထွက်ဆိုးကျိုးမရှိဘူးဆိုတဲ့သုတေသနတွေအရ ကျွန်တော်အပါအ၀င် ကမ္ဘာအရပ်ရပ်က သွားဆရာဝန်တွေဟာ၊ သွားဖုံးရောဂါရှိသူလူနာ၊ သွားခံတွင်းခွဲစိတ်ကုသမှုပြုထားခါစလူနာ၊ သွားတိုက်ခြင်းစတဲ့သွားခံတွင်းသန့်ရှင်းရေးသေချာလုပ်နိုင်စွမ်းမရှိတဲ့လူနာတချို့ကို သုံးဖို့တိုက်တွန်းခဲ့ဖူး၊ တိုက်တွန်းနေကြဆဲဖြစ်ပါတယ်။ ဒီလထုတ် BDJ ကစာတမ်းအရ၊ ဒီလိုညွှန်းနေကြတာကိုပြန်ဆန်းစစ်ကြရတော့မှာဖြစ်ပါတယ်။
ဒီပို့စ်အစမှာဖော်ပြထားတဲ့ သုတေသနစာတမ်းအရ၊ အရက်ပျံပါတဲ့ငုံဆေးတွေဟာ ဆိုးဝါးလှတဲ့ ခံတွင်းကင်ဆာရောဂါအထိဘေးထွက်ဆိုးကျိုးဖြစ်စေသလားဆိုတာ တခြားသုတေသနနှစ်ခုကိုနှိုင်းယှဉ်ပြီးသုံးသပ်ထားပါတယ်။ ငုံဆေးတိုင်းမဟုတ်ပေမယ့် ဈေးကွက်ထဲမှာနာမည်ရနေတဲ့လူသိများတဲ့ Listerine လိုငုံဆေးအပါအ၀င်တော်တော်များများမှာ အရက်ပျံဓာတ် ethanol ပါဝင်ဖော်စပ်ထားပြီး ၂၆%ထိတောင်ပါတဲ့ငုံဆေးတွေရှိပါတယ်။ ethanol ဟာထုတ်လုပ်ရလွယ်ကူပြီးဈေးသက်သာတာ၊ တခြားဓာတုဓာတ်တွေပျော်ဝင်မှုကိုအားပေးပြီး၊ ဆေးအာနိသင်ထိန်းသိမ်းပေးတာရော၊ ပိုးသေစေတယ်ဆိုတဲ့အယူအဆနဲ့ပါထည့်သွင်းဖော်စပ်ကြတာဖြစ်ပါတယ်။ ဒါပေမယ့် ဒီအရက်ပျံဓာတ်ကြောင့် ငုံဆေးပုံမှန်အမြဲသုံးတတ်သူတွေမှာ မသုံးတဲ့သူတွေထက် ခံတွင်းကင်ဆာပိုဖြစ်စေတယ်ဆိုတဲ့သုတေသနတွေ့ရှိချက်တချို့ထွက်လာတယ်လို့ဆိုပါတယ်။
အရက်သောက်တဲ့သူတွေမှာ ခံတွင်းကင်ဆာနဲ့အစာရေမျိုပြွန်ကင်ဆာအဖြစ်များပြီး၊ အရက်ဟာခံတွင်းကင်ဆာဖြစ်စေတဲ့ဓာတ်တွေထဲကတခုဆိုတာ အရင်ကတည်းကတွေ့ရှိထားခဲ့တာပါ။ ကျွန်တော်တို့ကျောင်းသားဘ၀ကတော့ အရက်ပျံဓာတ်ပါတဲ့ငုံဆေးတွေရော၊ မပါတဲ့ငုံဆေးတွေပါ ကုသမှုအကူဆေးအနေနဲ့ဘေးအန္တရာယ်မရှိသုံးနိုင်တယ်ဆိုတာသင်ကြားခဲ့ကြရပါတယ်။ ဒါပေမယ့် ငုံဆေးသုံးတာတခုတည်းနဲ့ သွားတိုက်တာ၊ သွားကြားကြိုးနဲ့သန့်ရှင်းတာစတဲ့နေ့စဉ်လုပ်ရမယ့် ကျန်းမာရေးအလုပ်တွေကို အစားမထိုးနိုင်ဘူးဆိုတာ၊ အထူးအလေးပေးသင်ခဲ့ကြရပါတယ်။ အဲဒီအတိုင်းလည်းလူနာတွေကို ပြန်ပညာပေးခဲ့ကြပါတယ်။
ဒီစာတမ်းကရည်ညွှန်းထားတဲ့သုတေသနတခုအရ အရက်ပျံပါတဲ့ငုံဆေးရည်ကို တနေ့နှစ်ကြိမ်ထပ်ပိုပြီးသုံးတဲ့ သူတွေမှာ လုံးဝမသုံးသူတွေထက် ခံတွင်းကင်ဆာဖြစ်ဖို့အခွင့်အရေး ၆ဆပိုတယ်လို့ဆိုပါတယ်။ နောက်ထပ်သုတေသနတခုအရ အသက်၂၀မတိုင်မီကတည်းကအရက်ပျံပါတဲ့ ငုံဆေးကိုပုံမှန်သုံးလာခဲ့တဲ့အမျိုးသမီးတွေဟာ မသုံးသူတွေထက် ခံတွင်းကင်ဆာဖြစ်ဖို့ ၂.၃ဆပိုများတယ်ဆိုတာတွေ့ရပါတယ်။
အရက်ပျံပါတဲ့ငုံဆေးတွေဟာ၊ ခံတွင်းကင်ဆာအပြင်၊ ခံတွင်းခြောက်ကပ်စေခြင်း၊ ခံတွင်းသားများနာစေ၊ လောင်စေခြင်း၊ တချို့သွားဖာထားရတဲ့နေရာတွေပျော့လာစေခြင်းစတဲ့ ဆိုးကျိုးတွေလည်းရှိပါတယ်။
ဒါကြောင့် ဒီပို့စ်ကိုဖတ်မိတဲ့သူတွေအနေနဲ့ ခံတွင်းသန့်ဆေး ငုံဆေးတွေပုံမှန်သုံးနေခဲ့ကြရင်၊ ငုံဆေးထဲမှာ အရက်ပျံပါမပါစစ်ကြည့်ဖို့နဲ့၊ အရက်ပျံ ethanol ပါဝင်နေရင် ချက်ချင်းမသုံးတော့ဘဲ ရပ်လိုက်ဖို့ အလေးအနက်တိုက်တွန်းလိုက်ရပါတယ်။
(Oral-B, Colgate နဲ့ Chlorhexidine ငုံဆေးတွေမှာ ethanol မပါဝင်ပါဘူး။ Listerine ကတော့ ethanol-free ငုံဆေးကိုထုတ်နေပြီလို့ကြားရပါတယ်)
Wednesday, December 9, 2009
ပြည်သူ့အကျိုးပြုဆရာဝန်ဖြစ်ဖို့...
ခုတလောကျန်းမာရေးဘလော့ဂ်တခုတွင်လှိုင်းထန်နေသည်။ ထိုလှိုင်းထဲမှ မြင်တတ်ပါက ပြည်သူများ၏ခံစားချက်ကိုမြင်နိုင်သည်။ အတွေ့အကြုံရှိဆရာဝန်တချို့၊ဆရာဝန်ဘွဲ့ရတချို့ဧ။်အတွေးအခေါ်နှင့်ခံယူချက်ကို သင်ခန်းစာရနိုင်သည်။ နောင်မျိုးဆက်သစ်အတွက် ဘာတွေသင်ပေးရမည်၊ ဘာတွေပညာပေးရမည်ကို ဆရာဝန်ဖြစ်လာမည့်လူငယ်များအားပညာသင်ပေးနေသည့်ဆရာတစ်ယောက်အနေနှင့် တွေးမိဖြစ်ခဲ့ပါသည်။
ကျန်းမာရေးစောင့်ရှောက်မှုပေးသည့်ပုဂ္ဂိုလ်များနှင့် ကျန်းမာရေးစောင့်ရှောက်မှုကို ရယူသည့်ပုဂ္ဂိုလ်များသည် တစ်ဦးနှင့်တစ်ဦးအပြန်အလှန်လေးစားသင့်သည်။ လူနာ-ဆရာဝန်၊ လူနာ-သူနာပြု၊ လူနာ-ကျန်းမာရေးလုပ်သား၊ လူနာ-ဆေးရုံဆေးခန်းပေါက်စောင့်အလုပ်သမား.....စသည်စသည်ဖြင့် ဆက်ဆံနေရသော လူမှုဆက်ဆံရေးသည်၊ နွေးထွေးပွင့်လင်းသော၊ ကိုယ်ချင်းစာတရားရှိသောဆက်ဆံရေးဖြစ်သင့်သည်။ ဆရာဝန်တွေငွေမက်တယ်၊ လူနာကိုဂရုမစိုက်ဘူး၊ ဆရာဝန်တွေက...လူနာတွေက....သူနာပြုတွေက ဆိုသည့်အရေးအသားများက နဂိုကမှ အေးစက်လာနေခဲ့သော ထိုဆက်ဆံရေးများကို ရေခဲရေလောင်းပေးသကဲ့သို့ဖြစ်စေပြီးပဋိပက္ခပင်ဖြစ်လာစေပါသည်။
တဖက်မှလည်း ပြည်သူများနှင့်အနီးကပ်ဆက်ဆံကုသမှုပေးခဲ့ဖူးသဖြင့်လည်းကောင်း၊ ကိုယ်ကိုယ်တိုင်မိသားစုကျန်းမာရေးကိစ္စများအတွက်ဆေးရုံဆေးခန်းသွားခဲ့ရသည့်အတွေ့အကြုံအရလည်းကောင်း၊ ပြည်သူများခံစားနေရသည့်ခံစားချက်ကို ကိုယ်ချင်းစာနားလည်မိပါသည်။ ကျန်းမာရေးစောင့်ရှောက်မှုဖက်မှ၊ အထူးသဖြင့်ကျန်းမာရေးဝန်ထမ်းများ (ပြည်သူ့ဆေးရုံ-ပုဂ္ဂလိကဆေးရုံဆေးခန်း) တော်တော်များများ (အားလုံးမဟုတ်ပါ) မေ့နေကြသောလိုက်နာရမည့် အရေးကြီးသည့်အချက်တချက်ရှိသည်။ လူတစ်ဦးကိုယ်အင်္ဂါတခုခုတွင်ရောဂါရသဖြင့် ဆေးရုံဆေးခန်းပြရသည်။ ထိုအခါကုသရေးဖက်မှတချို့သည်၊ ရောဂါဖြစ်သောအပိုင်းလေးကိုပဲကုလိုက်ဖို့ဘဲ စိတ်သန်လာခဲ့ကြသည်။ We are treating the patient as a whole, not merely the disease...ဆိုသည့်ကုသရေးသမားများထားရမည့်ခံယူချက်၊ ကိုယ်ချင်းစာတရားဖြင့်ကုသပေးရမည်ဆိုသည့်သမားကောင်းကျင့်ဝတ်စသည်တို့ကို မေ့လာကြ-လျစ်လျှူရှုလာကြသည့်သူများခုခေတ်မှာများလာသည်။ ရောဂါကုသပြီးရေးတစ်ခုတည်းကိုခေါင်းထဲထည့်ကာ၊ လူနာနှင့်ဆက်ဆံရေး၊
လူနာဧ။်တင်ပြချက်၊ ခံစားချက်၊ ရွေးချယ်ပိုင်ခွင့်၊ စိတ်ပိုင်းဆိုင်ရာ စသည်တို့ကိုထည့်မစဉ်းစားကြတော့သည့်သူများ-များလာခဲ့သည်ကို ဆေးလောကအသိုင်းအ၀ိုင်းက အမှန်ကိုအမှန်အတိုင်း အရှိကိုအရှိအတိုင်းလက်ခံကြရမည်ဖြစ်သည်။
အလားတူအရေးကြီးသည်မှာ ဆေးလောကသားများ စဉ်ဆက်မပြတ်ပညာဆည်းပူးရေးဖြစ်သည်။ အချိန်နှင့်အမျှ တိုးတက်ပြောင်းလဲနေသည့်ပိုမိုကောင်းမွန်သည့်ဆေးဝါးများ၊ ကုသနည်းများ၊ ရောဂါရှာဖွေဖော်ထုတ်သည့်ကိရိယာများစသည်တို့ကို မပြတ်လေ့လာနေ၊ ဖတ်ရှုနေပြီး၊ ကုသရေးကိုအဆင့်မြှင့်တင်နေသင့်သည်။ ကိုယ်ပေးနိုင်သည့်ကျန်းမာရေးစောင့်ရှောက်မှုသည် ခုခေတ်ခါတွင်အများလက်ခံသည့်အဆင့်မီစောင့်ရှောက်ကုသမှုမှဟုတ်ပါရဲ့လားဆိုတာ အမြဲဆန်းစစ်နေသင့်သည်။ လူနာတစ်ယောက်ကို ဆေးမပေးမီ၊ မခွဲစိတ်မီ၊ လူနာသာကိုယ့်မိဘ-ကိုယ့်သားသမီးသာဆိုလျှင် ဒီလိုကုသမှုမျိုးပေးမလား၊ ဒီလိုဆေးသောက်စေမလား...ကိုယ်တိုင်ကုသခံရမည်ဆိုလျှင်ရော...ဆိုသည်ကို၊ ကိုယ့်ဘာသာပြန်မေးခွန်းထုတ်ကြည့်ဖို့အလွန်အရေးကြီးသည်။ ချုပ်ပြောရလျှင်၊ စေတနာနှင့်ကိုယ်ချင်းစာတရားအရင်းခံဖို့ဖြစ်သည်။
ခေတ်စနစ်၏ဆိုးကျိုးကြောင့်ဖြစ်ရသည်ကို မီးမောင်းထိုးရေးပြသူများလည်းရှိသည်။ အလွန်မှန်ပါသည်။ ဒါကိုအများစုက မြင်တတ်ဖို့အရေးကြီးသည်။ သည်ခေတ်စနစ်ကြီးထဲမှာ စီးမျှောနေလိုက်ကြသူကများလာသည်။ လုပ်သင့်တာလုပ်သူကိုပင်သိုးမည်းဟုထင်လာသူများလာသည်။ ကျန်းမာရေးတခုတည်းမဟုတ်၊ ဘက်ပေါင်းစုံ နယ်ပယ်ပေါင်းစုံတွင်ဖြစ်သည်။ သိုးမည်းဟုပဲအခေါ်ခံရပါစေ သည်လိုဖောက်ထွက်မည့်သူတွေများလာစေရန်မှာ ကိုယ်တိုင်လည်းကျင့်ကြံ၊ နောက်မျိုးဆက်လူငယ်များကိုလည်းသင်ပြပေးရမည့် သင်ကြားရေးဆရာတို့၏တာဝန်ပင်ဖြစ်ပါတော့သည်။
