Wednesday, October 15, 2008

တရုတ်တွင်ထုတ်လုပ်သည်


တရုတ်စက်..တစ်ရက်စုတ် ...ဆိုတာကတော့ တရုတ်ကလာတဲ့စက်ပစ္စည်းတွေ quality မကောင်းလို့တင်စားပြောလေ့ရှိတဲ့အသုံးအနှုံးပါ။
မဟုတ်တရုတ်..ဆိုတဲ့အသုံးအနှုံးကလည်းရှိပြန်သေး။
ဒီရက်ပိုင်းတရုတ်ထုတ်အစားအသောက်တွေသတင်း hot ဖြစ်နေတာနဲ့ဒီပို့စ်ရေးဖြစ်သွားပါတယ်။
အခုလေးတင် (ည၁၁နာရီ) သတင်းထဲမှာ၊ ဂျပန်ကစတိုးတချို့မှာရောင်းတဲ့ တရုတ်ကသွင်းတဲ့ ပဲသီးတွေမှာ လူကိုသေစေနိုင်တဲ့အထိပမာဏရှိတဲ့ပိုးသတ်ဆေးပါဝင်နေလို့ စားမိတဲ့လူတချို့ဆေးရုံရောက်ရတဲ့သတင်းကြည့်လိုက်ရပါတယ်။ ဒီလောက်များတဲ့ပမာဏဟာ၊ သီးနှံထုတ်လုပ်တဲ့အဆင့်ကနေပါတာမဖြစ်နိုင်ဘဲ ရည်ရွယ်ချက်ရှိရှိပိုးသတ်ဆေးကိုအစာထဲထည့်ထားတာလို့ ဂျပန်ရဲက ခန့်မှန်းပါတယ်။ (သတ်မှတ်ပမာဏရဲ့34,500 ဆပါဝင်နေပါတယ်)ဖေဖော်ဝါရီလတုံးကလည်း တရုတ်ကလုပ်တဲ့ဖက်ထုတ်တွေမှာ ပိုးသတ်ဆေးတွေအများကြီးပါလို့ လူတော်တော်များများအဆိပ်ဖြစ်ပြီးဆေးရုံရောက်ရတဲ့အဖြစ်က ပူပူနွေးနွေးဘဲရှိပါသေးတယ်။ ဒီနေ့ထုတ်သတင်းစာတွေထဲမှာ မယ်လမင်းပါတဲ့နို့မှုန့်တွေ၊ ဂျပန်ကတချို့တရုတ်ပစ္စည်းသွင်းတဲ့ကုမ္ပဏီတွေရဲ့နို့မှုန့်တွေထဲမှာ စစ်ဆေးတွေ့ရှိရကြောင်းပါလာပါတယ်။
တရုတ်ပစ္စည်းတွေကဈေးပေါတော့ လူတော်တော်များများသုံးကြတယ်။ တရုတ်ပစ္စည်းတွေနဲ့အတူနောက်ကလိုက်လာတဲ့အန္တရာယ်ကိုတော့ တနေ့တခြားမြင်လာကြရပြီဖြစ်ပါတယ်။

မသင်္ကာလို့အင်တာနက်မှာရှာကြည့်လိုက်တာ၊ တရုတ်သွားတိုက်ဆေးတွေစိတ်မချရတာသွားတွေ့ပါတယ်။ တရုတ်လုပ်သွားတိုက်ဆေးမှာ ကျောက်ကပ်ပျက်ပြီးသေစေနိုင်တဲ့ diethylene glycol ဆိုတဲ့ဓာတ်အများကြီးပါလို့၊ သုံးစွဲသူတချို့ဆေးရုံရောက်ကြတာ၊ အမေရိကန်နဲ့ဥရောပနိုင်ငံတွေမှာ ၂၀၀၇ ကဖြစ်ပွားခဲ့ပြီး ဈေးကွက်ထဲကနေပြန်သိမ်းစေခဲ့ပါတယ်။ တချိန်ထဲမှာအလားတူဂျပန်မှာလည်းတွေ့ခဲ့ကြပါတယ်။ သွားတိုက်ဆေးဆိုတာစားစရာမဟုတ်ပေမယ့် အနည်းနဲ့အများကိုယ်ထဲကို ၀င်နိုင်ပါတယ်။ အထူးသဖြင့်ကလေးတွေဆို၊ အရသာလေးကချိုအနံ့လေးကမွှေးဆိုတော့ မျိုချတတ်ကြပါတယ်။ ကလေးရှိတဲ့အိမ်တွေသတိထားသင့်ပါတယ်။
မြန်မာပြည်မှာဆိုလည်းနေရာတကာ တရုတ်လုပ်ပစ္စည်းတွေပါဘဲ။ အစစ်အဆေးမရှိအန္တရာယ်ဖြစ်စေတဲ့ကုန်ပစ္စည်းတွေဝင်နေ၊ လူတွေသုံးနေကြရမယ်ဆိုတာမှန်းလို့ရနေပါတယ်။ သတိပြုမိတဲ့သူတွေကိုတော့ တရုတ်သွားတိုက်ဆေးကအစ
ဝယ်မသုံးကြဖို့တိုက်တွန်းပါရစေ။ Colgate, Pepsodent တို့လို နာမည်ရပြီးသား အရည်အသွေးမီသွားတိုက်ဆေးအစစ်တွေက တရုတ်သွားတိုက်ဆေးနဲ့စာရင် ဈေး ၂ဆ ၃ဆ လောက်ကွာပါတယ်။ (အတုလည်းရှိနိုင်ပါတယ်)
ဒါပေမယ့် မသေမချင်းနေ့စဉ်နဲ့အမျှသုံးရ၊ ပါးစပ်ထဲမှာမဖြစ်မနေထည့်ရမယ့် ပစ္စည်းကိုတော့၊ ကိုယ့်အသက်နှမျောရင်၊ ဆေးရုံတက်ကုရတဲ့စားရိတ်နှမျောရင်၊ ငွေကိုမနှမျောသင့်ပါကြောင်း အကြံပြုလိုက်ရပါတယ်။
(နောက်ပို့စ်တွေမှာ သွားတိုက်တံသွားတိုက်ဆေးရွေးချယ်ဖို့၊ တခါတိုက်ရင်သုံးသင့်တဲ့ပမာဏ၊ တိုက်ပုံတိုက်နည်း၊ သွားတိုက်ဆေးနဲ့ကလေးတွေအတွက်သတိထားရမယ့်အန္တရာယ်စတာတွေရေးချင်ပါသေးတယ်။ အားလုံးကျန်းမာကြပါစေ။)

1 comments:

မိုးသောက် said...

အခုလို ရှင်းပြပေးတာ ကျေးဇူးအစ်ကိုရေ
အစ်ကိုရေးတာတွေ လိုက်ဖတ်မှပဲ
တစ်ချို့လူတွေ ခံတွင်းနံ့ ဘာလို့ ဆိုးတာလဲ ဆိုတာ သိတော့တယ် ..
ခံတွင်းနံ့ ဆိုးတဲ့ ကောင်မလေး တစ်ယောက် တွေ့ဖူးတယ် . သူဆိုတော်တော် စိတ်ညစ်နေတာ ..
အဲ့ဒီတုန်းက မသိခဲ့တော့ သူ့ကို ဘာအကြံမှ မပေးခဲ့နိုင်ခဲ့ဘူး..
အခုတော့ တစ်ကယ်လို့များ ထပ်တွေ့ခဲ့ရင် လျှာကိုပါ တိုက်ပေးဖို့ ပြောလို့ ရသွားပြီပေါ့ ..
ကျေးဇူးတင်ပါတယ် အစ်ကိုရေ