Monday, November 17, 2008

အလှအပရဲ့လျို့ဝှက်ချက်များ - လှပတဲ့အပြုံး

မျက်နှာလေးဘယ်လောက်လှလှ အပြုံးမလှရင်မပြည့်စုံသေးပါဘူး။ လှပတဲ့အပြုံးကိုဖြည့်စွမ်းပေးနိုင်တာက သွားလေးတွေပါ။ သွားနဲ့မျက်နှာအလှအပဆက်စပ်နေတာကို အရပ်ပြောနဲ့တောင်သိနိုင်ပါတယ်။ သွားကျိုးရင်ပါးကျိုးတယ်..တဲ့။ ဆုံးရှုံးသွားတဲ့သွားကိုပြန်အစားမထိုးရင်၊ အစာဝါးတာ၊ စကားပြောပီသတာမှာထိခိုက်တာတင်မကဘဲ ပါးတွေနှုတ်ခမ်းတွေချိုင့်သွားတာကိုဆိုလိုချင်ကြတယ်လို့ထင်ပါတယ်။ အထူးသဖြင့်ရှေ့သွားတွေပုံမကျရင်၊ ကျိုးနေရင်ပိုပြီးသိသာပါတယ်။ ပြုံးအလှဆိုတာရဲ့စံတွေကိုဗဟုသုတဝေမျှလိုက်ပါတယ်။

ရှေ့မျက်နှာစာရှုထောင့်
၁။ မျက်ဆံနှစ်လုံးကိုဆက်တဲ့လိုင်း (AB) ဟာ၊ သွားတွေရဲ့ကိုက်ဝါးတဲ့မျက်နှာပြင်တွေကိုဆက်ဆွဲထားတဲ့လိုင်း(CD) နဲ့ပြိုင်နေရပါမယ်။ Fig-6



၂။ ရှေ့အလယ်သွားနှစ်ချောင်းဟာ မျက်နှာရဲ့ကန့်လန့်ဖြတ်အလယ်မျဉ်းတဖက်တချက်မှာညီညီညာညာရှိနေရပါမယ်။ ဒါကို symmetry - အချိုးညီခြင်းလို့ခေါ်ပါတယ်။ နှာခေါင်းနဲ့အပေါ်နှုတ်ခမ်းကြားကဒေါင်လိုက်မြောင်း (philtrum) ဟာလည်း ဒီအလယ်မျဉ်းပေါ်မှာဘယ်ညာမစောင်းဘဲရှိနေရမှာဖြစ်ပါတယ်။ အပေါ်အောက်နှုတ်ခမ်းနှစ်ခုဟာလည်း ဘယ်ညာအပိုအလိုမရှိအချိုးညီရှိနေတာဟာစံဖြစ်ပါတယ်။


ဘေးတိုက်ရှုထောင့်
၁။ နှာခေါင်းအောက်ခြေနဲ့အပေါ်နှုတ်ခမ်းတို့ဆုံတဲ့ထောင့်-Nasolabial angle ဟာ ထောင့်မှန်ကျနေရပါမယ်။ fig. 7
အပေါ်ရှေ့သွားသို့မဟုတ်သွားဖုံးရိုးခေါတဲ့သူတွေမှာ ဒီထောင့်ဟာ ၉၀ဒီဂရီထက်ကျဉ်းနေပါတယ်။ convex profile လို့ခေါ်ပါတယ်။ မျက်နှာခုံးပေါ့လေ။ ၉၀ဒီဂရီထက်များနေရင်တော့၊ အပေါ်သွား-သွားဖုံးရိုးကအတွင်းကိုရောက်နေလို့ ဖြစ်ပါတယ်။ concave profile မျက်နှာခွက်လို့ခေါ်ပါတယ်။ ရှေ့သွားတွေနှုတ်ထားရတဲ့သူတွေမှာ၊ ကြာရင်သွားဖုံးရိုးပါအတွင်းကိုနိမ့်ဝင်သွားလို့ concave profile ဖြစ်သွားပါတယ်။ သွားတုပြန်ထည့်တဲ့အခါ၊ နိမ့်ကျသွားတဲ့သွားဖုံးရိုးအတွက်ပါ၊ အစားထိုးပေးရပါတယ်။ မဟုတ်ရင်၊ အပေါ်နှုတ်ခမ်းကိုပင့်ထောက်မထားနိုင်လို့ သဘာဝမျက်နှာအလှပြန်မရနိုင်ပါဘူး။


၂။ နှာခေါင်းထိပ်နဲ့မေးဖျားထိပ်ကိုဆက်ဆွဲတဲ့မျဉ်းကို Rickets E-Plane လို့ခေါ်ပါတယ်။ အပေါ်နှုတ်ခမ်းဟာဒီမျဉ်းကနေ ၄မီလီမီတာ၊ အောက်နှုတ်ခမ်းဟာ ၂ မီလီမီတာကွာဝေးနေရပါတယ်။


နှုတ်ခမ်းနဲ့သွားများ

၁။ ပြုံးရယ်လိုက်တဲ့အချိန်မှာအပေါ်နှုတ်ခမ်းဟာ၊ အပေါ်ရှေ့သွားတွေရဲ့၎ပုံ၁ပုံသာသာလောက်ကိုဘဲဖုံးထားရမှာဖြစ်ပါတယ်။ နှုတ်ခမ်းနိမ့်တဲ့သူတွေမှာ သွားရဲ့တစ်ဝက်ထက်ပိုပြီးဖုံးထားရင်သွားအလှမပေါ်နိုင်လို့ စံနှုန်းပြည့်လှပတဲ့အပြုံးမဖြစ်နိုင်သလို၊ နှုတ်ခမ်းကအပေါ်ကိုမြင့်လွန်းလို့၊သွားအရင်းသွားဖုံးထိပေါ်နေရင်တော့ gummy smile - သွားဖုံးပြုံး လို့ခေါ်ပါတယ်။ ပုံ (i)


၂။ အပေါ်ရှေ့သွားတွေရဲ့အဖျားတွေကိုဆက်ဆွဲတဲ့မျဉ်းဟာ အောက်ဖက်ကိုခုံးတဲ့မျဉ်းကွေး (convex curve) ပုံဖြစ်နေရင်အလှဆုံးပါဘဲ။
မျဉ်းတစ်တန်းတည်း(straight line)နဲ့အပေါ်ဖက်ခွက်တဲ့မျဉ်းကွေး (concave curve) တို့လည်းဖြစ်နိုင်ပါတယ်။


၃။ ပြုံးလိုက်တဲ့အခါမှာ အပေါ်ရှေ့သွားအဖျားတွေဟာ အောက်နှုတ်ခမ်းနဲ့နည်းနည်းလေးကွာနေ၊ ဒါမဟုတ်ထိရုံလေးထိနေရပါတယ်။


၎။ အပြည့်ပြုံးရယ်လိုက်ရင်ပေါ်တဲ့သွားအချောင်းရေ - ၆ချောင်း (ဘယ်ဖက်စွယ်သွားမှညာဖက်စွယ်သွားအထိ)၊ ၈ချောင်း (ဘယ်ဖက်ပ-အံကလေးသွားမှညာဖက်ပ-အံကလေးသွားအထိ)၊ ၁၀ချောင်း (ဘယ်ဖက်ဒု-အံကလေးသွားမှညာဖက်ဒု-အံကလေးသွားအထိ)ပေါ်နေတတ်ကြပါတယ်။ အံသွားတွေအထိပေါ်တဲ့သူတွေလည်းရှိပါတယ်။



၅။ Philtrum၊ နဲ့အပေါ်အောက်ရှေ့အလယ်သွားနှစ်ချောင်းတို့ဟာ၊ မျက်နှာအလယ်ခေါင်ဒေါင်လိုက်မျဉ်းနဲ့အပြိုင်ရှိနေရပါတယ်။ အပေါ်အောက်အလယ်ရှေ့သွားနှစ်ချောင်း (upper and lower central incisors) ကြားကိုဆက်ဆွဲတဲ့မျဉ်းဟာ အလယ်မျဉ်းပေါ်မှာ မစောင်းဘဲတည့်တည့်ရှိနေရပါမယ်။



၆။ ပြုံးရယ်နေတဲ့အခါ နှုတ်ခမ်းထောင့်စွန်းနဲ့ဘေးသွားတွေကြားမှာကွက်လပ်သေးသေးလေးလွတ်နေတာပုံမှန်ဖြစ်ပါတယ်။ (bilateral negative spaces)

ကျွန်တော်မာစတာဘွဲ့အတွက်အထူးပြုလေ့လာခဲ့တဲ့ ဘာသာကသွားတုဆေးပညာ - Prosthetic Dentistry ပါ။ မျက်နှာမေးရိုးနဲ့သွားစတာတွေကို ပြန်အစားထိုးကုသတဲ့ပညာရပ်ပါ။ ဒီလိုကုသရာမှာ ဒီအချက်တွေက အလွန်အရေးကြီးပါတယ်။ လူတစ်ယောက်မှာဆုံးရှုံးသွားတဲ့သွားတွေ၊ မျက်နှာနဲ့မေးရိုးတွေပြန်အစားထိုးတဲ့အခါ၊ သဘာဝနဲ့တူအောင်၊ ပြုံးအလှပြန်ရအောင်၊ ဒီအချက်တွေကိုမြင်အောင်ကြည့်ပြီး ကုသမှုပေးရပါတယ်။ သွားညှိကုပညာ - Orthodontics မှာလည်း၊ သွားတွေ၊ သွားဖုံးရိုးတွေကိုနေရာမှန်အောင်ဆွဲညှိတဲ့အခါ ဒီစံနှုန်းတွေနဲ့ညှိပြီးလုပ်ရပါတယ်။
နောက်ဆုံးဝန်ခံချင်တာကတော့၊ မျက်နှာ၊သွားစတဲ့ ရုပ်ခန္ဓာတွေကို ကျွန်တော်တို့ကလှပအောင်ပြုပြင်ကုသပေးနိုင်ပေမယ့်၊ မလှတဲ့စိတ်ကိုတော့ မပြုပြင်ပေးနိုင်ပါဘူး။ စိတ်ယုတ်စိတ်ပုတ်၊ စိတ်ဆိုးစိတ်ကောက်၊ စတဲ့စိတ်မလှတာတွေကိုတော့ ကိုယ့်ကိုကိုယ်မြင်အောင်ကြည့်ပြီးကိုယ်တိုင်ပြင်နိုင်မှ စိတ်အလှတွေရကြမှာဖြစ်ပါကြောင်းရေးသားလိုက်ရပါတယ်။
ကိုယ်စိတ်နှစ်ဖြာပြုံးအလှပိုင်ရှင်တွေဖြစ်ကြပါစေ။

2 comments:

nu-san said...

နောက်ဆုံးနိဂုံးလေးကတော့ လှတယ် ဆရာ။ အပေါ်ယံ အလှတွေ ဘယ်လောက်ပဲ လှလှ စိတ်ထား မလှရင် အလကားပဲနော်။ တချို့လည်း ရုပ်မလှပေမယ့် စိတ်လှတော့ အကြည့်ခံပြီး အတော်လေး ကြက်သရေရှိတယ်.. တတ်နိုင်သလောက်တော့ စိတ်လှအောင် ကြိုးစားရတာပေါ့ ဆရာရေ.. မ၀ါရဲ့ ဂျပန်စာ သင်ခန်းစာရော ဆရာ့ရဲ့ ဆေးပညာဗဟုသုတတွေရော အခုမှ အချိန်ပေးပြီး လာဖတ်ရတယ်.. :)

sin dan lar said...

ပေတံမရှိပါဘူးဆို..angle တွေပါ ပါလာပြီ..
:P:P:P