Saturday, June 13, 2009

သွားပြန်အစားထိုးတော့မယ်ဆိုရင်...


သွားတစ်ချောင်းနှုတ်လိုက်ရပြီးရင်၊ သွားဖုံးရိုးအနာကျက်လို့ သွားဖုံးသားပြည့်လာတာနဲ့ သွားပြန်အစားထိုးလို့ရပါတယ်။ အကြမ်းအားဖြင့်၊ သွားနှုတ်ပြီး၂လလောက်အကြာလို့ပြောလို့ရပါတယ်။ ဒီလိုသွားအစားထိုးတာကို၊ မြန်မာလိုနားလည်အောင် သွားစိုက်တယ်လို့ဘဲ လွယ်လွယ်ပြောလေ့ရှိပါတယ်။ တကယ့်ကုသမှုအရ၊ သွားဖုံးရိုးထဲ သတ္တုတိုင် (dental implant) စိုက်ထည့်ပြီး သွားပြန်အစားထိုးတာကိုမှ၊ သွားစိုက်တယ်လို့ ခေါ်နိုင်ပါတယ်။ မြန်မာပြည်မှာ အခုလက်ရှိလုပ်နိုင်တဲ့နည်းက၊ သွားအရှင်အစားထိုးနည်းနဲ့ သွားအသေအစားထိုးနည်းနှစ်ခုဘဲရှိပါသေးတယ်။


၁။သွားအသေအစားထိုးခြင်း (fixed partial denture/ dental bridge)
ဒီနည်းမှာတော့၊ သွားတစ်ချောင်းသို့မဟုတ်နှစ်ချောင်း ကျိုးသွားတဲ့၊ နှုတ်လိုက်ရတဲ့နေရာမှာ၊ ဘေးတစ်ဖက်တစ်ချက်မှာ ကျန်နေတဲ့ သွားအကောင်းပေါ်ငုံပြီး၊ ကပ်တဲ့ဆေးနဲ့ ပြုတ်မထွက်အောင် ကပ်ထားလိုက်တဲ့ အတွက်၊ အလွယ်တကူမပြုတ်နိုင် မဖြုတ်ထုတ်နိုင်ပါဘူး။ မြန်မာလိုတော့၊ သွားအသေစိုက်လို့သုံးစွဲခေါ်ဝေါ်နေကြပါတယ်။ တကယ်က အသေစိုက်ထည့်လိုက်တာမဟုတ်ဘဲ၊ ဘေးသွားတွေကို သေးသွားအောင် စက်နဲ့စားပစ်လိုက်ပြီး၊ သွားတုကိုအပေါ်က ငုံပြီးစွပ်လိုက်တာပါ။ ဘေးသွားတွေကိုတံတားလိုတွဲထားတဲ့အတွက် dental bridge လို့ခေါ်တာပါ။ သဘာဝသွားတွေပေါ်တင်ထားတဲ့အတွက်၊ ၀ါးအားကောင်းပါတယ်။


ဒါပေမယ့်ဒီနည်းက၊ သွားတစ်ချောင်းနှစ်ချောင်းပြန်အစားထိုးတာမျိုးမှသာကောင်းပါတယ်။ နှစ်ချောင်းထက်ပိုရင်တော့၊ ဘေးကသဘာဝသွားတွေက၊ ၀န်ပိုထမ်းရလို့ ခဏနဲ့ ယိုင်နဲ့လာတတ်ပါတယ်။
အားသာချက်-ဖြုတ်ရန်တတ်ရန်သီးသန့်ဆေးကြောရန်မလို၊ ပုံမှန်သွားတိုက်ရင်းသန့်စင်နိုင်။
- သဘာဝသွားလိုဝါးနိုင်
-သတ္တုသို့မဟုတ်ကြွေ (porcelain) ရွေးချယ်စိုက်နိုင်။
အားနည်းချက်-ဘေးသဘာဝသွားကို သေးအောင်စားပစ်လိုက်ရတဲ့အတွက်၊ သဘာဝသွားအထိနာပါတယ်။ အထူးသဖြင့်ကြွေသွားပြန်ထည့်တဲ့အခါ၊ ငုံမယ့်သွားကို သေးနိုင်သမျှသေးအောင်စားပစ်လိုက်ရတဲ့အတွက်၊ သွားကျဉ်တာမျိုးခံစားရတတ်ပါတယ်။
-စိုက်သွားနဲ့သဘာဝသွားကြားမှာ အစာတွေတွယ်ပြီး သွားဖုံးရောဂါဖြစ်စေနိုင်ပါတယ်။
-သွားတုကိုကပ်ထားတဲ့ဆေးက အချိန်ကြာလို့ ပျော်သွားအားနည်းသွားတဲ့အခါ၊ သွားတုကိုချက်ချင်းဖြုတ်ပြီးဆေးပြန်ကပ်ရပါတယ်။ လူတော်တော်များများဟာဒါကိုသတိမပြုမိတဲ့အတွက်၊ ငုံထားတဲ့ စွပ်သွားအောက်ကို အစာတွေဝင်အောင်းပြီး၊ သဘာဝသွားကိုပိုးစားသွားတာများပါတယ်။ ဒီလို ငုံထားတဲ့သွားပါပိုးစားပြီးနှုတ်ရပြီဆို စိုက်သွားတစ်တွဲလုံးပစ်လိုက်ရပါတယ်။ သုံးလို့မရတော့ပါဘူး။

၂။ သွားအရှင်အစားထိုးခြင်း (removable denture)
ကိုယ်တိုင် သွားတုကို ခံတွင်းထဲထည့်ပြီး၊ ၀ါးနိုင်သုံးနိုင်၊ ပြန်ဖြုတ်ပြီးဆေးကြောသန့်စင်နိုင်လို့၊ အရှင်စိုက်လို့ခေါ်ကြပါတယ်။ သွားအားလုံးမကျိုးခင်၊ ကျန်တဲ့သဘာဝသွားတွေမှာ၊ ချိတ်-ကွင်း စတာတွေနဲ့ အလွယ်တကူပြုတ်မထွက်အောင်၊ ချိတ်ပြီးသုံးရတဲ့အရှင်စိုက်ကို removable partial denture-တစ်ပိုင်းအံကပ်လို့ခေါ်ပါတယ်။ အောက်ပုံမှာတွေ့ရတဲ့အတိုင်း သွားအတုတွေအပြင်၊ သွားဖုံးအတု (အပန်းရောင် acrylic resin ခေါ်ပိုလီမာတစ်မျိုး) ကိုပေါင်းထည့်ထားတာကိုတွေ့ရပါမယ်။ သွားအားလုံးမရှိတော့တဲ့သူတွေမှာ၊ သွားတစ်ခွေလုံးကို အရှင်စိုက်အတုထည့်တာကိုတော့ complete denture-အံကပ်အပြည့်လို့ခေါ်ပါတယ်။ လေထုဖိအား (atmospheric pressure) နဲ့ ခံတွင်းထဲမှာမြဲနေတာဖြစ်ပါတယ်။ အပေါ်သွားတစ်ခွေလုံးစိုက်ရတဲ့သူတွေအတွက်၊ ဒီလိုမြဲပြီးပြုတ်မကျအောင်၊ လေဖိနိုင်တဲ့ဧရိယာကျယ်အောင်၊ အာခေါင်မှာပါ၊ ဖုံးထားရပါတယ်။ အာခေါင်မှာကပ်ထားသလိုဖြစ်နေတာကြောင့်လည်း အာကပ်-အံကပ်လို့ မြန်မာလိုခေါ်ကြပါတယ်။
အောက်အံကပ်အပြည့်တပ်ရတဲ့သူတွေမှာတော့၊ သွားတုကဖုံးထားတဲ့ဧရိယာကလည်းနည်းပြီး၊ လျှာကလည်းလှုပ်ရှားနေတတ်တာကြောင့်၊ အပေါ်အံကပ်နဲ့စာရင် မြဲမြံမှုအားနည်းပါတယ်။ အရှင်စိုက်က၊ သွားဖုံးပေါ်တင်ထားပြီး၊ သွားဖုံးသားကို အဓိက အားပြုဝါးရတာပါ။
အားသာချက် - ဘေးသဘာဝသွားတွေကို သေးအောင်စားပစ်ရန်မလို။
-သွားနောက်ထပ်နှုတ်ရလျှင်လည်း ရှိပြီးသားအရှင်စိုက်အံကပ်တွင် ထပ်ပေါင်းပြီးအစားထိုးနိုင်။
-ကုန်ကျစရိတ်နည်း
အားနည်းချက်- စားပြီးတိုင်းဖြုတ်ဆေးရ။
- သန့်ရှင်းမှုမရှိရင် ဘေးကပ်ရက်သွားကိုပိုးစား။
-အားပြုထားသောချိတ်ကြောင့်သဘာဝသွားဝန်ပို။
-သွားဖုံးသားကိုအားပြုပြီးဝါးရတဲ့အတွက် ပင်ကိုယ်သွားလို ၀ါးအားမကောင်း။
- သွားတုအပြင်၊ သွားဖုံးသားအတုနဲ့ ၀န်ကိုပြန့်သွားအောင်ဧရိယာကျယ်ကျယ်အုပ်ထားတဲအံကပ်ကိုပါးစပ်ထဲထည့်ထားရတဲ့အတွက်၊ ကျင့်သားမရခင်အလွန်နေရထိုင်ရခက်။
-ငါးနှစ်တစ်ကြီမ်ခန့် အသစ်လဲပေးရ။ (အချိန်ကြာလာရင်သွားဖုံးရိုးနိမ့်ကျသွားပြီး အံကပ်က ချောင်လာတဲ့အတွက်)
-သွားဖုံးရိုးနိမ့်လာရင် အံကပ်မြဲမြံမှုအားနည်းလာ။


၃။ သွားဖုံးရိုးအတွင်းသွားအသေစိုက်ခြင်း (dental implant)


ဒီနည်းကတော့၊ အခုနောက်ဆုံးနိုင်ငံတကာမှာသုံးပြီး ခေတ်စားလာနေတဲ့နည်းဖြစ်ပါတယ်။ သွားဖုံးရိုးထဲကို၊ titanium သတ္တုနဲ့လုပ်ထားတဲ့ dental implant စိုက်ထည့်ပြီး၊ အပေါ်ကကြွေသွားစိုက်တဲ့၊ သွားအသေစိုက်နည်းဖြစ်ပါတယ်။ titaniumနဲ့အရိုးသားက၊ တွဲဆက်သွားတဲ့အတွက် အရိုးမှာပြဿနာမဖြစ်မချင်းပြန်မပြုတ်နိုင်တော့ပါဘူး။ လက်ရှိနည်းလမ်းတွေထဲက အကောင်းဆုံး၊ နှစ်ကြာရှည်အခံဆုံးနည်းလမ်းဖြစ်ပါတယ်။
အားသာချက်- သွားဖုံးရိုးဟာ သွားနှုတ်ပြီးတာနဲ့ တစ်နှစ်ကိုနည်းနည်းချင်းနိမ့်ဆင်းသွားပါတယ်။ ခုနကပြောခဲ့တဲ့သွားအစားထိုးနည်းနှစ်မျိုးလုံးမှာ၊ ဒီသွားဖုံးရိုးနိမ့်ဆင်းတဲ့ပြဿနာဟာ၊ တောက်လျှောက်ဖြစ်နေပါတယ်။ dental implant စိုက်ထည့်လိုက်ရင်တော့၊ သွားဖုံးရိုးဟာ နိမ့်မဆင်းတော့ပါဘူး။
- သွားဖုံးရိုးထဲစိုက်ထည့်ထားတဲ့သတ္တုချောင်းပေါ်အားပြုပြီး စိုက်တင်ထားတဲ့သွားတုကိုဝါးတာဖြစ်တဲ့အတွက်၊ သဘာဝသွားအတိုင်းဝါးနိုင်၊ သဘာဝသွားလိုခံစားရ။
- ဘေးသွားအကောင်းတွေကို သေးအောင်စားပစ်ရန်မလိုတော့။
အားနည်းချက် - ကုန်ကျစရိတ်ကြီး။
- တစ်နှစ်တစ်ခါ ဆေးခန်းမှန်မှန်ပြန်ပြပြီး ထိန်းသိမ်းဖို့လို
- ခံတွင်းသန့်ရှင်းရေးပုံမှန်လုပ်ဖို့အရေးကြီး။
-သွားဖုံးရိုးနိမ့်နေရင်၊ အရိုးသားပြန်တက်လာဖို့ အစားထိုးကုသမှု (bone graft) အရိုးပြန်တည်ဆောက်ကုသမှု (bone regenerative treatment) အရင်လုပ်ဖို့လို။


သွားစိုက်နည်းအမျိုးမျိုးရှိပေမယ့်၊ ကိုယ်နှုတ်လိုက်ရတဲ့သွားနေရာအနေအထား၊ အရေအတွက်နဲ့၊ ကိုယ်တတ်နိုင်တဲ့အပေါ်မူတည်ပြီး၊ အသင့်တော်ဆုံးဖြစ်မယ့်နည်းကို ရွေးရမှာဖြစ်ပါတယ်။ Dental implant နဲ့ပတ်သက်လို့ ကျွန်တော့်အရင်၊ မန္တလေးသွား-ဆေးတက္ကသိုလ်ကဆရာဝန်တစ်ယောက်၊ ကျွန်တော်အခုတက်နေတဲ့ဌာနမှာဘဲတက်ရောက်ပြီးစီးသွားပြီး အခုလောက်ဆို မြန်မာပြည်မှာ ကုသမှုတွေလုပ်နေလောက်ပါပြီ။ ကျွန်တော်လည်း အခွင့်ကောင်းလေးရခိုက်မှာ ရအောင် ကြိုးစားလေ့လာဆည်းပူးနေပါတယ်။ မြန်မာပြည်ပြန်တာနဲ့ စလုပ်နိုင်အောင် ရည်မှန်းထားပါတယ်။ အကြီးဆုံးပြဿနာက ကုန်ကျစရိတ်ပါဘဲ။ ဒီဂျပန်မှာတော့ Dental implant နဲ့ သွားသုံးချောင်းစိုက်ရင်၊ ကားအသစ်တစီးဝယ်လို့ရတဲ့ငွေပမာဏကုန်ကျပါတယ်။
နောက်ဆုံးတော့၊ အမေပေးထားတဲ့သဘာဝသွားကို စောင့်ရှောက်တာကမှ၊ ကုန်ကျစရိတ်အနည်းဆုံး၊ အထိရောက်ဆုံးဖြစ်တာကြောင့်၊ သွားရောဂါကာကွယ်ရေးဦးစားပေးကြပါလို့၊ တိုက်တွန်းပါရစေ။

4 comments:

maung said...

not so much, I think. I mean cannot buy a car.
it costs a lot but not so much, if i can buy a car, i won't to fill up again. :D
I already did.
using health insurance,.

Dr. Nyan said...

Dear Maung,

You are very lucky to have your implant with health insurance, if it is true. Unfortunately, in Japan, no health insurance system covers dental implant treatment so that the patients have to bear all costs by themselves. In Tokyo Medical and Dental University, one implant treatment costs about 350,000 Yen. Open price for Toyota Passon is 966,000 Yen. What I wish to emphasize in this post is to take care one's natural teeth. Thank you.

WWKM said...

မောင် ဆိုတဲ့ ညီမလေးရေ.း)

ညီမလေးတို့ ကျိုးတိုမှာတော့မသိဘူး. အမတို့ တိုကျိုမှာ
တော့ အင်ပလန့်သွားစိုက်ရင် insuranceကလုံးဝ မခံဘူး
ညီမလေးရေ..
အစ်မရဲ့ အရမ်းခင်ရတဲ့ အိုကားစံ အင်ပလန့်စိုက်ချင်လို့
ဦးဥာဏ်တို့ကျောင်းမှာ စိုက်ချင်ပေမယ့် ဈေးကပိုများနေ
လို့ အမတို့ အခုနေတဲ့မြို့မှာပဲစိုက်တာ တစ်ချောင်းကို
သောင်း ၄၀ နဲနဲကျော်သေးတယ် ညီမရေ..insurance
ကလည်း မခံဘူးလေ...
နယ်ဘက်တွေမှာ ဈေးသက်သာမယ်ဆိုရင်တော့ မိုက်တာပေါ့.. ဒါပေမယ့် အင်ပလန့်ဆိုရင်တော့ အရမ်းကြီး မသက်သာလောက်ဖူးလို့ထင်တာပဲ..
အမလည်း စိတ်ညစ်နေတာ ဂျပန်ရောက်မှ သွားတွေက
တကယ်မကောင်းဖြစ်နေလို့ သွားဆေးခန်းခဏခဏ
ရောက် ပိုက်ဆံခဏခဏကုန်နေလို့လေ.. အခုလည်း
သွားတွေက ကျင်နေဆဲပါပဲ.. ဆက်လုပ်ရဦးမယ်..း)
အမကတော့ အမတို့မိသားစုရတဲ့ဝင်ငွေနဲ့ အင်ပလန့်စိုက်
မလားဆိုရင်တောင် မစိုက်ရေးချ မစိုက်နိုင်ပါရှင်.
အိပ်မက်တောင်မမက်ဖူး..မြန်မာပြည်ရောက်မှပဲ
အတိုးချပြီး သက်သက်သာသာနဲ့ သွားစိုက်တော့မယ်.အဟီးးး)))
ညီမလေးက သက်သက်သာသာနဲ့ အင်ပလန့်စိုက်လို့ရ
တယ်ဆိုလို့ အံ့သြ၀မ်းသာမိပါတယ်ရှင်.
ဘယ်မြို့မှာ အင်ပလန့်တစ်ချောင်းကို ဈေးဘယ်လောက်
နဲ့ စိုက်လို့ရတယ်ဆိုတာ သိချင်လို့ ပြောပြပေးပါဦးနော်.
အမရဲ့ ဂျပန်မိတ်ဆွေတွေကိုပြောပြပေးချင်လို့ပါ။

ကျန်းမာပျော်ရွှင်ပါစေ.

Ko Boyz said...

Hi Dr. Nyan, thanks for this post. I'm looking for such knowledge and it definitely suit my requirements. Thanks again.