အုန်းဆီ-စားအုန်းဆီနှင့်ကျန်းမာရေးအန္တရာယ်

မြန်မာနိုင်ငံအပါအ၀င်အရှေ့တောင်အာရှနိုင်ငံတွေမှာ စားဆီအဖြစ်တွင်တွင်ကျယ်ကျယ်သုံးနေကြတဲ့ စားအုန်းဆီကို၊ တခြားနိုင်ငံတွေမှာလည်း မာဂျရင်းထောပတ်၊ cream, crackerနဲ့မုန့်အမျိုးမျိုး စတဲ့ အစားအစာတွေမှာထည့်သွင်းအသုံးပြုနေကြပါတယ်။ အမေရိကန်ကထုတ်တဲ့ Nabisco Golden Oreos, Newman’s Own Organics Alphabet Cookies, or Devonsheer
Classic Original Water Crackersစတာတွေမှာ စားအုန်းဆီကိုအဓိကသုံးပါတယ်။


ဒီစားအုန်းဆီထုတ်တဲ့ ဆီအုန်းကို အင်ဒိုနီးရှားနဲ့မလေးရှားက အဓိကစိုက်ပျိုးထုတ်လုပ်ပါတယ်။ ၈၀%ကျော်ကို ဒီနိုင်ငံတွေကထုတ်လုပ်နေတာဖြစ်ပါတယ်။ ဒီစားအုန်းဆီရဲ့အကျိုးအပြစ်တွေကို ငြင်းခုံနေခဲ့ကြတာကြပါပြီ။ ပတ်ဝန်းကျင်ထိန်းသိမ်းရေးပညာရှင်တွေက ဆီအုန်းအကြီးအကျယ်တိုးချဲ့စိုက်ပျိုးမှုကြောင့် သဘာဝသစ်တောပြုန်းတီးခြင်း၊ ပိုးသတ်ဆေးတွေကြောင့်မြေထုညစ်ညမ်းခြင်း၊ တချို့တိရိစ္ဆာန်မျိုးစိတ်များ သေဆုံးပျောက်ကွယ်နိုင်တဲ့အန္တရာယ်ရှိခြင်းစတာတွေကိုအကြောင်းပြုပြီး ကန့်ကွက်နေကြသလို၊ လူသားတွေအတွက်တော့၊ ကျန်းမာရေးအန္တရာယ်တွေပေးနိုင်တာကြောင့် လျှော့သုံးကြဖို့ ကျန်းမာရေးဌာနတွေက နှိုးဆော်နေကြရပါတယ်။

စားအုန်းဆီကို ဆီအုန်းတစ်မျိုးဖြစ်တဲ့ (Elaeis guineensis) ပင်ကရတဲ့အုန်းသီးအတွင်းသားကနေထုတ်ယူပါတယ်။ ဆီအုန်းလုပ်ငန်းတွေနဲ့ဆက်စပ်နေတဲ့ သုတေသီတွေက စားအုန်းဆီမှာ လူကိုအန္တရာယ်ဖြစ်စေတဲ့ trans fat လို့ခေါ်တဲ့အဆီခဲမပါဝင်ဘဲ၊ သွေးထဲက ကိုလက်စထရောဓာတ်ကို မတိုးစေဘူးလို့ပြောကြပါတယ်။ ဒါပေမဲ့ ၁၉၉၇မှာ ဗြိတိန်ကသုတေသီတွေက ဆီအုန်းမှာပါတဲ့ palmitic acid က သွေးအတွင်းကိုလက်စထရောဓာတ်ကိုတိုးစေတယ်ဆိုတာဖော်ထုတ်ခဲ့ပါတယ်။ တခြားဟင်းသီးဟင်းရွက်ဆီတွေကသာ ကိုလက်စထရောဓာတ်ကိုကျစေကြောင်း တွေ့ရှိခဲ့ကြပါတယ်။ ၂၀၀၃ခုနှစ်က နယ်သာလန်ကသုတေသီတွေက ဆီအုန်းနဲ့ အုန်းဆီတွေဟာ LDLလို့ခေါ်တဲ့ နှလုံးသွေးကြောရောဂါတွေဖြစ်စေတဲ့သွေးထဲကအဆီဓာတ်ကိုများစေပြီး၊ ကျန်းမာရေးအတွက်ကောင်းမွန်တဲ့ HDL ဆိုတဲ့အဆီဓာတ်ကိုလျော့နည်းစေတာ တွေ့ရှိခဲ့ကြပါတယ်။ အုန်းသီးနဲ့စားအုန်းဆီကို အများဆုံးသုံးကြတဲ့ တရုတ်၊ အိန္ဒိယနဲ့အရှေ့တောင်အာရှနိုင်ငံတွေမှာ နှလုံးသွေးကြောရောဂါတွေကြောင့်သေဆုံးသူတွေနှစ်စဉ်သန်းနဲ့ချီလာတယ်လို့ သုတေသနတွေကဆိုပါတယ်။ ကိုလက်စထရောသွေးထဲမှာများလာတဲ့အတွက်နှလုံးရောဂါနဲ့ သွေးတိုး-လေဖြတ်စတဲ့သွေးကြောရောဂါတွေအပြင်၊ အ၀လွန်ရောဂါနဲ့ ဆီးချိုရောဂါတွေပါဖြစ်စေနိုင်ပါတယ်။

ကျွန်တော်တို့မြန်မာလူမျိုးတွေအတွက်တော့ ဆီပါမှဟင်းဖြစ်တယ်ထင်တဲ့ ဓလေ့၊ ဆီပြန်ဟင်းလေးချက်စားလိုက်ရမှအာသာပြေတဲ့လျှာ၊ စတာတွေရယ်၊ ဈေးပေါတဲ့စားအုန်းဆီရယ်ပေါင်းလိုက်တော့၊ ဒီရောဂါတွေဖိတ်ခေါ်နေသလိုပါဘဲ။ ကျွန်တော်တို့ရှမ်းပြည်မှာတော့ မနက်စာအဖြစ် ထိုဟူးနွေး-ရှမ်းခေါက်ဆွဲစတဲ့ အာဟာရဖြစ်ပြီး ဆီဓာတ်နည်းတဲ့ရိုးရာအစားအစာတွေစားလေ့ရှိကြပေမဲ့ အောက်ပြည်အောက်ရွာဗမာပြည်မှာတော့ မနက်စာ အုန်းနို့ခေါက်ဆွဲတို့၊ ၀က်ဆီပြန်နဲ့ထမင်းကြော်တို့စတာတွေ စားကြတာတွေ့ရပါတယ်။ အုန်းနို့ဟာလည်းအန္တရာယ်ပေးတဲ့အစာပါဘဲ။ အုန်းနို့နဲ့လုပ်တဲ့မုန့်မျိုးစုံကိုဗမာပြည်မှာတွေ့နိုင်ပါတယ်။

အုန်းဆီ-စားအုန်းဆီမကောင်းမှန်းသိလို့ အုန်းနို့နဲ့လုပ်တဲ့အစာတွေမစားတာ၊ မြေပဲဆီသုံးတာစသည်ဖြင့် ဆင်ခြင်စားသုံးနေကြတဲ့သူတွေများလာပေမဲ့၊ အများသတိမပြုမိတဲ့အစာလေးတွေကနေလည်း၊ ဆီအုန်းကကိုလက်စထရောဓာတ်တွေပေးနိုင်ပါတယ်။ မြန်မာပြည်မှာ နှစ်၂၀အတွင်းခေတ်စားလာတဲ့ ကော်ဖီမစ်-တီးမစ်တွေမှာပါတဲ့ creamer တွေမှာ ဆီအုန်းကထုတ်တဲ့ creamerတွေပါပါတယ်။ နွားနို့အသုံးနည်းတဲ့အတွက် နို့မှုန့်တို့ creamer တို့သုံးတဲ့သူတွေလည်း ဆီအုန်းကိုတနည်းနည်းနဲ့ စားမိကြတာပါဘဲ။

ဆီကိုဖြစ်နိုင်ရင် ပဲဆီသန့်-ဟင်းရွက်ဆီသန့်သုံးတာကောင်းပါတယ်။ ဟင်းချက်တဲ့ပုံစံကို မြန်မာတွေပြောင်းသင့်ပါပြီ။ မိရိုးဖလာအစဉ်အလာတွေပေမယ့်၊ အရင်ကမသိလို့လုပ်ခဲ့ကြပေမယ့် အခုသိလာကြတဲ့အချိန်မှာ ပြောင်းသင့်တာပြောင်းဖို့လိုပါတယ်။ ဆီကိုလျှော့သုံးတာ၊ ဆီမထည့်ရဘဲ အရသာရှိတဲ့ နိုင်ငံတကာက ဟင်းချက်နည်းမျိုးတွေလေ့လာ-ကိုယ်တိုင်လည်းတီထွင်ပြီးချက်ပြုတ်ကြည့်သင့်ပါပြီ။အုန်းသီးနဲ့လုပ်တဲ့သွားရေစာတွေကို လျှော့ပြီး တခြားအဟာရရှိတဲ့မုန့်တွေပိုထုတ်လုပ်သင့်ပါပြီ။
အုန်းဆီ-စားအုန်းဆီကြောင့်ရောဂါဝေဒနာတွေမခံစားရစေဖို့ အသိပေးရေးသားလိုက်ရပါတယ်။