Wednesday, May 27, 2009

ကိုယ်ဝန်ဆောင်များ သတိပြုစရာသွားခံတွင်းပြဿနာ


ဒီရက်ပိုင်းနောက်ဆုံးစာတမ်းလေးအပြီးသတ်သွားလို့ နားထားတဲ့ဘလော့ဂ် ကို ပြန်ဆက်လိုက်ပါတယ်။
တနင်္လာနဲ့သောကြာနေ့တွေမှာ ကုသရေးမှာ လက်တွေ့ဝင်ရင်းလေ့လာပြီး၊ ကျန်တဲ့ရက်တွေမှာ dental implant (အသေစိုက်သွားတု) နဲ့ပတ်သက်တဲ့ သုတေသနတစ်ခုကို တခြားဌာနတစ်ခုမှာလုပ်နေဆဲမို့၊ အချိန်အားသိပ်မရှိလှပါဘူး။ ကျောင်းပိတ်ရက်အချိန်တွေကိုတော့၊ အထီးကျန်ရှာတဲ့သမီးလေးကို စာကူကျက်ဖို့၊ ကစားကူဖို့၊ သူကြိုက်တဲ့ဂျပန်စတိုင်ဟင်းလေးမုန့်လေးတွေချက်ကျွေးဖို့ ပေးထားလို့ ဘလော့ဂ်ဖက်မလှည့်နိုင်ဘူးလေ။ အိမ်မှာစာရေးဘို့ အချိန်မရနိုင်လို့ ကျောင်းမှာ နေ့လည်စာစားရင်း ဘလော့ဂ်ပါမယ်။ အချိန်နည်းလို့ လိုက်မလည်နိုင် မနှုတ်ဆက်နိုင်တဲ့အတွက် ဘလော့ဂ်မိတ်ဆွေများခွင့်လွှတ်ပေးပါလို့ပြောချင်ပါတယ်။
ကျန်းမာရေးနဲ့ပတ်သက်တာလေးနဲ့စလိုက်ပါတယ်။
--------------------------------

အမျိုးသမီးတစ်ယောက်ကိုယ်ဝန်ဆောင်ရပြီဆိုရင်၊ ကျန်းမာရေးနဲ့ပတ်သက်ပြီး ဂရုစိုက်လေ့ရှိကြပါတယ်။ မီးယပ်နဲ့သားဖွားအထူးကုတွေနဲ့ အပ်ပြီး မှန်မှန်စစ်ဆေးတာတွေ၊ အစားအသောက်အနေအထိုင်ဆင်ခြင်တာတွေလုပ်လေ့ရှိကြပါတယ်။ ဒီနေရာမှာ အများစုသိပ်ဂရုမပြုမိတာကတော့၊ ကိုယ်ဝန်စရပြီဆိုတာနဲ့၊ မီးယပ်သားဖွားအပြင်၊ သွားဆရာဝန်ဆီကိုပါ သွားပြီး လိုအပ်တဲ့ကုသမှုနဲ့အကြံဥာဏ်ရယူဖို့ အရေးကြီးတယ်ဆိုတာကိုပါဘဲ။

အပေါ်နဲ့အောက်ဘာဆိုင်လဲလို့ တွေးကောင်းတွေးကြပါလိမ့်မယ်။ လူ့ခန္ဓာကိုယ်ဟာ တဆက်တစပ်တည်းမို့ တနေရာကအပြောင်းအလဲဟာ တခြားတနေရာမှာ လည်းပြောင်းလဲမှုဖြစ်ပေါ်စေနိုင်ပါတယ်။
ကိုယ်ဝန်ဆောင်ပြီဆိုတာနဲ့၊ ကိုယ်ထဲက ဟော်မုန်းဓာတ်တွေ သာမန်ချိန်မှာလိုမဟုတ်တော့ဘဲ ပြောင်းလဲလာပါတယ်။ ဒီပြောင်းလဲမှုကြောင့် ခံတွင်းထဲက သွားဖုံသားတွေဟာ၊ သာမန်ထက်ပိုပြီး၊ရောဂါ ပိုးမွှားတွေကိုတုန့်ပြန်မှုများလာတဲ့အတွက်၊ သွားဖုံးရောင်ရောဂါပိုဖြစ်စေပါတယ်။ သာမန်ချိန်မှာ ရောဂါမပေးတဲ့ သွားပိုးလွှာ (dental plaque) ကနေ၊ ကိုယ်ဝန်ဆောင်ချိန်မှာ နီမြန်းဖောင်းကြွပြီး သွေးတစိမ့်စိမ့်ထွက်စေတဲ့ သွားဖုံးရောင်ရောဂါလက္ခဏာကို ဖြစ်စေပါတယ်။ သွားဆေးပညာအခေါ်အရ pregnancy tumour လို့ခေါ်ရလောက်အောင် သွားဖုံးကနေ အလုံးအကြိတ်ပုံစံနဲ့ ရောင်လာတတ်လို့၊ သတိပြုမိတဲ့ကိုယ်ဝန်ဆောင်တချို့သွားဆေးခန်းကို လာပြကြတာကြုံဖူးပါတယ်။ ဒီလိုဖြစ်တတ်တဲ့အတွက် ကိုယ်ဝန်ဆောင်တွေအနေနဲ့ ကိုယ်ဝန်ရှိမှန်းသိတာနဲ့ အနည်းဆုံးတကြိမ်၊ သွားဆေးခန်းမှာပြသပြီး၊ သွားဖုံးအောက်မှာရောဂါပိုးခိုအောင်းနိုင်တဲ့သွားကျောက်တွေရှိမရှိစစ်ဆေးပြီး ဖယ်ရှားကုသစေတာ၊ oral prophylaxis လို့ခေါ်တဲ့၊ သွားမျက်နှာပြင်တွေပိုးကပ်တွယ်မှုနည်းအောင် ချောမွေ့နေအောင် polishing လုပ်တာတွေလုပ်သင့်ပါတယ်။ အစာစားပြီးတိုင်းနဲ့ ညမအိပ်ခင် မဖြစ်မနေသွားတိုက်တာကို သာမန်ချိန်မှာ မလုပ်ဖြစ်ခဲ့တောင် ကိုယ်ဝန်ဆောင်ချိန်၁၀လလုံး သတိထားလုပ်ပေးသင့်ပါတယ်။
ဒါကတော့ သွားဖုံးနဲ့ပတ်သက်တာပါ။

နောက်အရေးကြီးတာတစ်ခုက သွားပိုးစားရောဂါ၊ အံဆုံးပြဿနာရှိမရှိစောစောစီးစီးစစ်ဆေးဖို့ပါ။ ကိုယ်ဝန်ဆောင်လူနာတွေသွားဆေးခန်းရောက်လာချိန်က အများအားဖြင့် မွေးခါနီးဖွားခါနီး၊ ကိုယ်လေးလက်ဝန်သွားကလည်းကိုက်၊ အံဆုံးကရောင် စသဖြင့် ဒုက္ခရောက်လေ့ရှိကြပါတယ်။ ကိုယ်ဝန်ရစက သွားပိုးစားအပေါက်ရှိတာကို မဖာထေးမိတော့၊ မွေးခါနီးမှ ကိုက်ပြီလေ။ ကိုယ်ဝန်ပထမသုံးလနဲ့မွေးခါနီးသုံးလကို ခွဲစိတ်ကုသမှု (သွားနှုတ်ခြင်း) မလုပ်သင့်ဘူးလို့ အကြမ်းအားဖြင့် သတ်မှတ်ထားပါတယ်။ မွေးခါနီးမှာ သန္ဓေသားရဲ့အနေအထားကြောင့် အချိန်ကြာကြာပေးကုသရတဲ့သွားကုသမှုကိုမလုပ်သင့်ပါဘူး။ သွားကုသခုံပေါ်မှာ ပက်လက်အနေအထားနေရတာဟာ ကိုယ်ဝန်ဆောင်တစ်ယောက်အတွက် ခက်ခဲဒုက္ခပါ။ သွေးအသွားအလာနဲ့သွေးပေါင်ချိန်ပေါ်မှာလည်း အများကြီးသက်ရောက်မှုရှိပါတယ်။ ကိုယ်ဝန်ပထမသုံးလကတော့ သန္ဓေသားအတွက် critical time အရေးကြီးတဲ့အချိန်၊ ကိုယ်လက်အဂါင်္တွေဖွဲ့စည်းနေတဲ့အချိန်မို့၊ stress လို့ခေါ်တဲ့ ကိုယ်၊စိတ်ပင်ပန်းမှုတွေကိုတတ်နိုင်သလောက်ရှောင်ရမယ့်အချိန်၊ ပိုးသတ်ဆေးဝါးစတဲ့သန္ဓေသားကိုအနည်းနဲ့အများထိခိုက်စေတဲ့ဆေးတွေရှောင်ရမယ့်အချိန်ဖြစ်ပါတယ်။ သွားနှုတ်တာစတဲ့သွားခံတွင်းခွဲစိတ်ကုသမှုတွေဟာ၊ လူတိုင်းလိုလိုက ကြောက်ကြတဲ့၊ ဆေးခန်းထဲဝင်ခုံပေါ်တက်လိုက်တာနဲ့၊ နာတော့မလားမသိဘူးဆိုတဲ့အတွေးနဲ့တင်၊ stress များလှပါတယ်။ ဒါကြောင့် ပထမသုံးလမှာ သွားကျန်းမာရေးကောင်းအောင်၊ ပိုးမွှားလွှာဖယ်ရှားသန့်ရှင်းတာနဲ့ သွားမျက်နှာပြင်ချောမွေ့အောင်ပြုလုပ်ပေးတာ၊ ပိုးစားတဲ့သွားကိုဖာထေးတာစတဲ့ ၊ ထုံဆေးမထိုးရ မနာမကျင်တဲ့ကုသမှုမျိုးဘဲ တတ်နိုင်သလောက် ပေးလေ့ရှိပါတယ်။ ဖြစ်နိုင်ရင်ခွဲစိတ်ကုသမှုတွေကို မွေးဖွားပြီးမှလုပ်တာကောင်းပြီး၊ မဖြစ်မနေနှုတ်ရ ခွဲရမယ့်အနေအထားမှာ ဒုတိယသုံးလအထိစောင့်ရလေ့ရှိပါတယ်။ ဒါကိုသိထားရင် ကိုယ်ဝန်ဆောင်ဘ၀မှာ ဘာသွားရောဂါမှမဖြစ်အောင်ထိန်းသိမ်းဖို့အရေးကြီးတယ်ဆိုတာ မြင်သာပြီထင်ပါတယ်။

နောက်အရေးကြီးတာတစ်ခုကတော့၊ သွားဖုံးရောင်ရောဂါနဲ့မွေးဖွားခြင်းဆိုင်ရာပြဿနာတွေရဲ့ဆက်စပ်မှုဖြစ်ပါတယ်။ လတ်တလောတွေ့ရှိချက်တွေအရ၊ သွားဖုံးရောင်ရောဂါရှိသူမိခင်တွေဟာ၊ လမစေ့ဘဲမွေးခြင်း၊ ပေါင်မပြည့်တဲ့ကလေးမွေးခြင်းစတာတွေဖြစ်ဖို့ ကျန်းမာတဲ့မိခင်များထက် ၇ ဆ ပိုများတာတွေ့ရပါတယ်။ အကြောင်းရင်းကတော့၊ သွားဖုံးရောဂါကိုကိုယ်ခန္ဓာကတန်ပြန်ရင်းထွက်လာတဲ့ ဓာတ်တွေက သားအိမ်ကိုလှုံ့ဆော်လို့ဖြစ်ပါတယ်။

ဒီလိုအကြောင်းတွေကြောင့် သွားနဲ့သွားဖုံးရောဂါကိုစောစောစီးစီးကုသဖို့အရေးကြီးတယ်ဆိုတာဗဟုသုတဝေငှလိုက်ရပါတယ်။

ကိုယ်ဝန်ဆောင်မိခင်အားလုံးကျန်းမာကြပါစေ။

5 comments:

ဖိုးစိန် said...

အကိုရေ စာလာဖတ်တယ်
အကိုစာရေးပီးဆိုတော့
တက်ဂ်ပါအုံးမယ်
ခင်မင်လေးစားစွာဖြင့်
ဖိုးစိန်

kyawkyaw said...

ဆရာရေ သွားတိုက်တိုင်း သွေးထွက်နေလို့ ဘယ်လိုလုပ်သင့်တယ်ဆိုတာ အကြံလေးပေးနိုင်မလားခင်ဗျာ။

Dr. Nyan said...

ကျေးဇူးပါဖိုးစိန်ရေ။
ကိုကျော်ကျော်ခင်ဗျား..
သွားတိုက်မှသွေးထွက်တာဆိုတော့၊ ကြောက်စရာရောဂါမဟုတ်လောက်ဘူးလို့ယူဆရပါတယ်။ သွားဖုံးကသွေးထွက်စေတဲ့အကြောင်းရင်းတွေအများကြီးရှိတဲ့ထဲမှာ၊ သွားဖုံးရောင်ရောဂါက မြန်မာတွေအတွက်အဖြစ်အများဆုံးဖြစ်ပါတယ်။ Scurvyလို့ခေါ်တဲ့ဗီတာမင်စီချို့တဲ့တဲ့ရောဂါမှာလည်း၊သွားဖုံးကသွေးထွက်တတ်ပါတယ်။ ဒါပေမဲ့မြန်မာတွေမှာအဖြစ်နည်းပါတယ်။ နေ့စဉ်အစားအစာတွေမှာဗီတာမင်စီဓာတ်အနည်းနဲ့အများပါလို့ဖြစ်ပါတယ်။
ဒါ့အပြင်၊ တခြားအရေးကြီးတဲ့ရောဂါတချို့မှာလည်း၊ သွားဖုံးကအလိုလိုသွေးထွက်တဲ့လက္ခဏာပြတတ်လို့ အရင်ဆုံးသွားဆေးခန်းမှာအရင်ပြသကြည့်ဖို့အကြံပေးပါရစေ။

nu-san said...

ဆရာ စာပြန်ရေးပြီး သွားနဲ့ ပတ်သက်တဲ့ဗဟုသုတတွေ ဝေမျှပေးတာ တကယ်အဖိုးတန်တယ်.. အခု ဒီပို့စ်လေး ဖတ်ပြီး သတိထားရမယ့်အချက် တခုရသွားပြန်ပြီ။ ကျေးဇူးပါ :)

kyawkyaw said...

Thanks a lot for your kind suggestion,sayar!