Sunday, June 28, 2009

ကိုမျိုးဇေသို့...အဖြေ

စီဘုံးမှာတွေးစရာမေးခွန်းလေးတွေမေးလာတဲ့ကိုမျိုးဇေရဲ့မေးခွန်းတွေကို ဖြေနိုင်သလောက်ပို့စ်အနေနဲ့ဖြေပေးပါရစေ။
ပထမဆုံး ပြောရရင်၊ ကျွန်တော်ရေးနေတဲ့ သွားခံတွင်းကျန်းမာရေးဆောင်းပါးတွေက၊ ဆေးပညာအသုံးအနှုံးတော်တော်များများကို တိုက်ရိုက်ဘာသာပြန်လေ့မရှိတဲ့ မြန်မာစာဖတ်သူတွေနားလည်လွယ်အောင်၊ bacteria fermentation (ဘက်တီးရီးယားပိုးကကာဘွန်ဟိုက်ဒြိုက်ဓာတ်ကိုသုံးပြီး သူလိုအပ်တဲ့စွမ်းအင်ထုတ်လုပ်ယူတဲ့ဖြစ်စဉ်-ဓာတ်ကျန်အဖြစ်အက်စစ်ထွက်သည်) ကို အရပ်သုံးစကားနဲ့နားလည်လွယ်အောင်၊ ဘက်တီးရီးယားတွေက လူတွေသွားပေါ်မှာကပ်ကျန်တဲ့စားကြွင်းစားကျန်တွေကိုစားပြီး၊ အက်စစ်ဓာတ်စွန့်ထုတ်တယ်လို့ ရေးရတာဖြစ်ပါတယ်။ ဘက်တီးရီးယားမှာက လူတွေလိုပါးစပ်နဲ့စအိုမပါလို့ စားတယ်၊ အီအီးပါတယ်လို့တော့ တိုက်ရိုက်ပြောလို့မရပါဘူး။ ဒါပေမယ့်လည်း ခန္ဓာကိုယ်အပြင်က စားစရာကို စွမ်းအင်ထုတ်လုပ်နိုင်အောင်ရည်ရွယ်ပြီး ကိုယ်ထဲသွင်းထည့်တာကို၊ စားတယ်လို့ ပညတ်မယ်ဆိုရင်တော့၊ ဘက်တီးရီးယားတွေကလည်း သူ့ဆဲလ်အကာကနေ၊ ဂလူးကို့စ်စတာကို ဆဲလ်အတွင်းထဲဝင်လာစေပြီး၊ စွမ်းအင်အဖြစ်ပြောင်းနိုင်လို့ စားတယ်လို့ (ကပ်သီးကပ်သတ်)ပြောမယ်ဆိုပြောလို့ရပါတယ်။

ဘက်တီးရီးယားဟာ၊ cell (သက်ရှိများရဲ့ဖွဲ့စည်းတည်ဆောက်မှုမှာ အခြေခံအကျဆုံးအစိတ်အပိုင်း) တစ်လုံးထဲနဲ့ဖွဲ့စည်းထားတဲ့သက်ရှိဖြစ်ပါတယ်။ ဒီနေရာမှာသတ္တ၀ါဆိုတာကို ဘယ်လိုဖွဲ့စည်းမှုမျိုးသက်ရှိမျိုးကို သတ္တ၀ါလို့ခေါ်လည်း ဆိုတာ မြန်မာတစ်ယောက်အနေနဲ့မသိဘူးလို့ဘဲ ရှက်ရှက်နဲ့ဝန်ခံပါရစေ။မြန်မာအဘိဓာန်မရှိလို့ ရှာကြည့်လို့လည်းမရဖြစ်နေပါတယ်။ ဒါ့အပြင် ဘက်တီးရီးယားမှာ စိတ်ဆိုတဲ့ နာမ် ရှိမရှိ ကျွန်တော်မသိပါဘူး။

ဇီဝဗေဒ(သက်ရှိတို့ကိုလေ့လာတဲ့သိပ္ပံပညာ)မှာတော့ သက်ရှိတွေကို organisms လို့ခေါ်ပြီး၊ ဘက်တီးရီးယားဟာ ဆဲလ်တစ်လုံးထဲနဲ့ဖွဲ့စည်းထားတဲ့ unicellular organism ဆဲလ်တစ်လုံးသာရှိသည့်သက်ရှိ ဖြစ်ပါတယ်။ Universe စပြီးဖြစ်တည်ရာကနေ၊ ကမ္ဘာဂြိုလ်ဆိုပြီးစဖြစ်ပေါ်ဖွဲ့စည်းချိန်ကစလို့၊ ဆဲလ်တစ်ခုထဲမှာပါဝင်တဲ့အစိတ်အပိုင်းတွေတဖြည်းဖြည်းပေါင်းစုမိသွားပြီး၊ ဆဲလ်တစ်လုံးအဖြစ်ဖြစ်လာတဲ့ unicellular ဘက်တီးရီးယားဘ၀ရောက်ချိန်မှာ၊ အသွင်တူဆဲလ်တွေကိုထပ်မံပွားများနိုင်တဲ့ သက်ရှိအဖြစ်ဖြစ်လာခဲ့တယ်လို့ evolutionary biology ပညာရှင်တွေက ဆိုပါတယ်။ လူအပါအ၀င်အခုခေတ်မှာရှိနေတဲ့သက်ရှိတွေအားလုံး ဒီမူလဘက်တီးရီးကနေ တဆင့်ပြီးတဆင့်၊ မူလဗီဇမှသွေဖည်မှု-ပတ်ဝန်းကျင်ကိုလိုက်ပြီးပြုပြင်ပြောင်းလဲမှုစတာတွေကြောင့်မျိုးမတူတဲ့သက်ရှိတွေတဆင့်ပြီးတဆင့်ဖြစ်ပေါ်လာတယ်လို့ဆိုပါတယ်။

သက်ရှိတို့ဖြစ်ပေါ်ပြောင်းလဲလာပုံဆက်စပ်ပုံအဆင့်ဆင့်ပြပုံ

သက်ရှိတွေမျိုးရိုးအလိုက်ဆက်လက်တည်ရှိမှုအတွက်ပွားများကြရာမှာ asexual reproduction-ဆဲလ်တစ်လုံးမှဆဲလ်နှစ်လုံးအဖြစ်ကွဲထွက်ခြင်း နဲ့ sexual reproduction သားဥမျိုးဥ-gamete နှစ်ခုပေါင်းပြီး သက်ရှိအသစ်ဖွဲ့စည်းခြင်းဖြင့်မျိုးပွားခြင်း ဆိုပြီးနည်းနှစ်မျိုးအနက်မှ ဘက်တီးရီးယားတွေဟာ binary fission- ဆဲလ်တစ်လုံးကနေ နှစ်လုံးအဖြစ်ကွဲထွက်ခြင်းနဲ့ conjugation-ဆဲလ်နှစ်လုံးထိစပ်ရာကဗီဇဖလှယ်နည်းတွေနဲ့ ပွားများကြပါတယ်။ sexual reproduction မရှိပါဘူး။ ပုံမှာ ဘက်တီးရီးယားတွေရဲ့မျိုးပွားခြင်းနဲ့ အပင်တွေရဲ့sexual reproduction ကိုပြထားပါတယ်။




ဝဲဖြစ်စေတဲ့ပိုးက Sarcoptes scabei လို့ခေါ်တဲ့ mite - ပိုးကောင်ဖြစ်ပါတယ်။ အထီးအမ-သားဥစတာတွေရှိပြီးsexual reproduction နည်းနဲ့မျိုးပွားပါတယ်။


HIVပိုးက virus ဗိုင်းရပ်စ် လို့ခေါ်တဲ့ သက်ရှိလို့မသတ်မှတ်တဲ့အရာဖြစ်ပါတယ်။ ဗိုင်းရပ်စ်ဟာ လက်တင်ဘာသာအရ အဆိပ်လို့အဓိပ္ပါယ်ရပါတယ်။ ဗိုင်းရပ်စ်တွေဟာ သက်ရှိဆဲလ်တစ်ခုခုထဲဝင်ရောက်ပြီးမှသာ ပွားများနိုင်ကြပါတယ်။ ဒါကိုreplicationလို့ခေါ်ပါတယ်။ reproduction လို့မခေါ်ပါဘူး။ မျိုးပွားတာမဟုတ်ပါဘူး။ HIVဗိုင်းရပ်စ်က သူဝင်ရောက်တဲ့တခြားဆဲလ် (ရောဂါပိုးကိုတိုက်ခိုက်တဲ့ CD4-T-cell) ရဲ့ဗီဇ-ပရိုတင်းထုတ်လုပ်မှုဖြစ်စဉ်တွေကို မှီပြီး၊ သူ့ရဲ့အစိတ်အပိုင်းတွေ ပွားများစေပြီး၊ ဗိုင်းရပ်စ်အဖြစ်အလိုလိုပြန်ဖွဲ့စည်းနိုင်ပါတယ်။ ပိုနားလည်လွယ်အောင် youtube ကဗီဒီယိုလေးတင်ပေးလိုက်ပါတယ်။


သိပ္ပံပညာမှာလည်း အဖြေမတွေ့သေးတာတွေအများကြီးရှိသေးတာမို့၊ ရုပ်နာမ်ကိစ္စတွေအပါအ၀င်နည်းမလည်သေးတာတွေအများကြီးကျန်ပါသေးတယ်။ ကျွန်တော့်လို သာမန်သုတေသနသမား-သွားဆရာဝန်-ကျောင်းဆရာငယ်အဆင့်နဲ့မဖြေနိုင်တာတွေရှိတာ နားလည်ပေးနိုင်မယ်လို့မျှော်လင့်ပါတယ် ကိုမျိုးဇေခင်ဗျား။

1 comments:

AHlaTaya said...

ကောင်းတယ်အကို
မဟာစည်ဆရာတော်ကတော့ ဗိုင်းရပ်စ်နဲ့ ဘက်တီးရီးယားကို သက်ရှိမဟုတ်ဘူးလို့ ဗုဒ္ဓတရားတော်ရှုထောင့်က ဖြေပေးထားတယ်။