Wednesday, November 18, 2009

သွားတုအရှင်စိုက်ထားရပြီလား...


သွားတုအရှင်ဆိုတာ...
သွားတွေကျိုးသွားလို့၊ ဒါမှမဟုတ်နှုတ်လိုက်ရလို့ အတုပြန်စိုက်တဲ့အခါ၊ လိုအပ်တဲ့သွားနေရာတွေမှာ သွားတုတွေထည့်ပေးပြီး၊ အဲဒီသွားအတုတွေကို သတ္တု-ဒါမှမဟုတ်ပလတ်စတစ်ပြားပေါ်မှာ ပေါင်းထည့်ထားတဲ့စိုက်သွားမျိုး၊ အသုံးပြုသူကိုယ်တိုင်ခံတွင်းတွင်းထည့်နိုင်၊ ကိုယ်တိုင်ဖြုတ်ဆေးနိုင်တဲ့ သွားတုစိုက်ခြင်းမျိုး။

သွားတုအရှင်ဘယ်အခါမျိုးမှာသွားတုအရှင်စိုက်
၁။ သွားတုကိုခံတွင်းထဲမြဲနေအောင်၊ ချိတ်နဲ့ချိတ်ထားနိုင်ဖို့ သဘာဝသွားကျန်ရှိသေးတဲ့အခါ
၂။ သွားသုံးချောင်းထက်ပိုပြီးတဆက်တည်းစိုက်ရမယ့်အခါ၊ (ဒီလိုနေရာမျိုးမှာ ဘေးသွားတွေကိုစွပ်ပြီးတံတားတွဲသလိုတွဲစိုက်တဲ့ သွားတုအသေစိုက်မျိုးစိုက်မိရင်၊ ၀ါးသမျှအားတွေကို သဘာဝဘေးသွားတွေကခံရတဲ့အတွက် ခဏလေးနဲ့သွားအကောင်းတွေနဲ့လာလှုပ်လာပြီး၊ ပျက်စီးလာနိုင်လို့ပါ။ ခုခေတ်ကုသမှုအရ၊ dental implant လို့ခေါ်တဲ့ တိုက်တေနီယမ်ဝက်အူကို အရိုးသားထဲစိုက်ထည့်ပြီး၊ သွားအသေစိုက်နိုင်ရင်အကောင်းဆုံးဖြစ်ပါတယ်။)
၃။ သွားတွေအများကြီးအစားထိုးရမယ့်အခါ
၎။ ကုန်ကျစရိတ်နည်းနည်းနဲ့သွားစိုက်ချင်တဲ့အခါ (မှတ်ချက်။ ။တကယ့်အဆင့်မီအရှင်စိုက်သွားတုက၊ သတ္တုအောက်ခံနဲ့ clasp လို့ခေါ်တဲ့ခိုင်မြဲမှုအတွက် သဘာဝသွားမှာချိတ်ရတဲ့ချိတ်၊ occlusal rest လို့ခေါ်တဲ့ သဘာဝသွားပေါ်မှာမှေးတင်ဝါးလို့ရအောင်ဆန့်ထုတ်ထားတဲ့ သတ္တုပိုင်းစတာတွေကို သတ္တုပုံလောင်းပညာ (metal casting) နဲ့လောင်းပြီး၊ ဒီအပေါ်ကမှ ပလတ်စတစ်စိုက်သွားတုကိုပေါင်းထည့်တဲ့ သွားတုပါ။ Skeletal denture လို့ခေါ်ပါတယ်။ ကုန်ကျစရိတ်လည်းကြီးပါတယ်)

သွားတုအရှင်စိုက်ခြင်းရဲ့ကောင်းချက်
၁။ သွားအသေစိုက်လို သဘာဝဘေးသွားတွေကို သေးသွားအောင်စက်နဲ့စားလိုက်စရာမလိုခြင်း
၂။ ပလတ်စတစ်သွားအံပုံနှင့်သွားတုများသုံးနိုင်ခြင်းကြောင့်၊ မတော်တဆကျိုးပဲ့သွား၊ သွားများနိမ့်သွားပါက ပြင်ဆင်ရလွယ်ခြင်း၊ ဘေးသွားပါနှုတ်ရသည့်အခါ၊ ရှိနှင်ြ့ပီးသားသွားတုအံကပ်တွင် စိုက်သွားထပ်ပေါင်းထည့်နိုင်ခြင်း
၃။ ဖြုတ်ဆေးနိုင်ခြင်းကြောင့် သန့်ရှင်းခြင်း

သွားတုအရှင်စိုက်ခြင်းရဲ့အားနည်းချက်
၁။ အဆင့်မြင့်Skeletal denture မဟုတ်ရင်၊ သွားတုအံပုံကို သွားဖုံးသားပေါ်တင်ထားရပြီး၊ သွားဖုံးသားပေါ်အားပြုဝါးရတဲ့အတွက်၊ ၀ါးအားနည်းခြင်း
၂။ သွားတုပြားက သွားဖုံးပေါ်ဧရိယာကျယ်ကျယ်အုပ်ထားရသဖြင့် နေထိုင်ရခက်ခြင်း၊ စုိုက်ခါစတွင် ကျင့်သားရဖို့အချိန်ယူရခြင်း
၃။ အံကပ်အောက်နှင့်ဘေးသွားများ၊ ချိတ်များပတ်ဝန်းကျင်တွေမှာ အစာတွေကပ်နေတတ်ပြီး၊ စားပြီးတိုင်းသန့်ရှင်းပေးဖို့၊ တိုက်ဆေးပေးဖို့လိုအပ်ခြင်း၊ မှန်မှန်ဖြုတ်မဆေးပါက ဘေးကပ်လျှက်သဘာဝသွားများပိုးစား၊ သွားဖုံးရောင်ဖြစ်တတ်ခြင်း
၎။ သွားဖုံးသားပေါ်တင်ထားအားပြုထားရတဲ့ ပလတ်စတစ်ခံသွားတွေကို ရေရှည်သုံးရရင် သွားဖုံးရိုးများတဖြည်းဖြည်းနိမ့်ကျလာခြင်း

သွားတုအရှင်သုံးတဲ့အခါလိုက်နာသင့်သည်များ
၁။ အစာစားပြီးတိုင်းဖြုတ်ဆေးပါ။
၂။ ဆေးတဲ့အခါ သွားပွတ်တံနုနု-ဆပ်ပြာတို့နဲ့ဆေးပါ။ သွားတိုက်ဆေး-သွားပွတ်တံအမျှင်ကြမ်းတို့နဲ့တိုက်ရင် ပလတ်စတစ်သားကပွန်းလာတတ်ပါတယ်။ ဆေးနေရင်းချော်ပြီးလွတ်ကျတတ်လို့ ရေဇလုံခံထားပြီးဆေးပါ။
၃။ သွားတုကိုဖြုတ်ဆေးချိန်၊ ခံတွင်းထဲကသဘာဝသွားတွေကိုလည်း၊ သွားတိုက်ဆေးသွားတိုက်တံနဲ့ တိုက်ပါ။ အထူးသဖြင့်သွားတုနဲ့ဘေးကပ်ရက်သွားမျက်နှာပြင်တွေ၊ ချိတ်ချိတ်ထားတဲ့သွားတွေကို အထူးဂရုစိုက်ပြီး တိုက်ပေးပါ။
၎။သွားတုကို အစာဝါးချိန်၊ လူတွေနဲ့စကားပြောရမယ့်အချိန်တွေမှာဘဲတပ်ပါ။ အိမ်မှာအနားယူချိန်၊ အထူးသဖြင့်ညအိပ်ချိန်တွေမှာ ဖြုတ်ထားပြီး၊ သွားဖုံးသားနဲ့ဘေးသွားတွေကို အနားပေးပါ။ သွားတုကိုတပ်ထားတဲ့အချိန်များလေ၊ သွားဖုံးရိုးနိမ့်ကျတာမြန်လေဖြစ်ပါတယ်။
၅။ ပလတ်စတစ်သွားတုက ခြောက်ကပ်သွားရင်၊ ပူလွန်းရင်ပုံပြောင်းသွားပြီး အံမကျဖြစ်တတ်လို့၊ ရေပူနှင့်မဆေးပါနှင့်၊ ချွတ်ထားချိန်မှာ၊ ရေထည့်ထားတဲ့ အဖုံးပါဘူးထဲထည့်သိမ်းပါ။
၆။ ဖြစ်နိုင်ရင်နှစ်စဉ်သွားဆရာဝန်ထံပြန်ပြပြီး၊ လိုအပ်တဲ့ ပြုပြင်မှုခံယူပါ။ နှစ်ကြာလာလျှင် သွားဖုံးရိုးများနိမ့်လာပြီး သွားတုချောင်လာ၊အံမကျဖြစ်လာတတ်သဖြင့်၊ ပလတ်စတစ်သားပိုးခြင်း၊ အသစ်လုပ်ခြင်းစသည်ဖြင့်လိုအပ်သလို ပြုပြင်ဖို့လိုအပ်ပါသည်။
၇။ ဘေးသဘာဝသွားများပိုးစားခြင်းစတဲ့ရောဂါဖြစ်လာပါက ချက်ချင်းကုသမှုလုပ်ပါ။

3 comments:

Ven. said...

ဒေါက်တာဉာဏ် ... ဒီ Post က တော့ ဥုးဇင်းနဲ့ ကွက်တိ ကို အကျိုးရှိသွားပါတယ်၊ ဥုးဇင်းလည်း သွားတုကို အရှင်တပ်ထားသူပါ၊ ဒေါက်တာဉာဏ် အခု ညွှန်ပြသလိုမျိုး သွားတုအရှင်တပ်ထားသူတွေ လိုက်နာရမယ့် အချက်တွေကို အိန္ဒိယကို ပညာသင်ထွက်လာပြီးနောက်မှာမှ ဥုးဇင်းကို သွားတုအရှင် တပ်ပေးခဲ့တဲ့ ဒေါက်တာဒေါ်ဆွေဆွေမြင့် (B.D.S, F.I.C.C.D.E, F.I.C.D) သွားဘက်ဆိုင်ရာဆရာဝန်ကို ဖုန်းဆက်မေးလို့ သိခဲ့ရတာပါ၊ ဒါပေမယ့် ဒေါက်တာဉာဏ်ရဲ့ ဒီ Post မှာတော့ အချက်အလက်တွေ ပိုပြည့်စုံလို့ သည် Post - အတွက် ကျေးဇူးတင်ပါတယ်။
နောက် ဥုးဇင်း သိချင်တာတစ်ခုက Skeletal denture လို့ခေါ်တဲ့ သွားတုကို တပ်မယ်ဆိုရင်ကုန်ကျစရိတ်လည်းကြီးတယ် ဆိုပေမယ့် ဈေးနှုန်းဘယ်လောက်လောက် ရှိပါသလဲ ဒေါက်တာ။
ဥုးဇင်းက သွားတုအရှင်ကို တပ်ထားတာ (၅) နှစ်ကျော်လာပါပြီ၊ ဒေါက်တာဉာဏ်ရဲ့ လမ်းညွှန်ချက်လိုမျိုး လမ်းညွှန်ချက်တွေကို မလိုက်နာ မိခဲ့လို့ သွားတုအရှင် ဘေးမှာ ကုတ်ထားတဲ့ သွားတွေလည်း ပိုးစားနေပါပြီ။
ဖြစ်နိုင်မယ်ဆိုရင် ... Skeletal denture သွားတုကို တပ်ချင်ပါတယ်။ ဥုးဇင်းတို့ နိုင်ငံမှာ ရော တပ်လို့ အဆင်ပြေနိုင်သလား ဒေါက်တာ။

အစစ အရာရာ အဆင်ပြေကြပါစေ...
မေတ္တာဖြင့် ... ဥုးဇင်း (ခေတ္တ - အိန္ဒိယ)

Ven. said...

ဥုးဇင်း ရေးလိုက်တဲ့ Comment လေး အဆင်ပြေပြေ ရောက်မှရောက်ပါ့မလား ကြည့်ရင်းနဲ့ ... မှ “ဥုးဇင်းမေးခွန်းအတွက်ပို့စ်တင်ထားပါပြီဘုရား။” ဆိုတဲ့ ဒေါက်တာရဲ့ ပြန်ကြားမှုလေးကို သိလိုက်ရတာပါ၊ သွားတုအရှင်စိုက်ထားရပြီလား... ဆိုတဲ့ Post ကို မြင်လိုက်ရတော့ ဥုးဇင်း သိချင်တာ သိလိုက်ရပြီဆိုပြီး ဘေးဘယ်ညာကို မကြည့်မိလိုက်ပါဘူး။

အခုလို ကျမ်းမာရေးကူညီစောင့်ရှောက်မှု ဘေသဇ္ဖဒါန ပြုပေးသည့်အတွက် ဗုဒ္ဓလက်ထက်တော် သက်တော်ရာကျော်ရှည် အရှင်ဗာကုလရဟန္တာမဟာထေရ်မြတ်ကဲ့သို့ အနာရောဂါကင်းရှင်းခြင်း အကျိုးထူးဖြင့် ဘ၀တစ်သက်တာ အေးချမ်းစွာ ရပ်တည် နေထိုင်နိုင်ပါစေကြောင်း ဆုမွန်ကောင်းတောင်းလျက်...

သတိတရ မေတ္တာဖြင့် ... ဥုးဇင်း (ခေတ္တ - အိန္ဒိယ)

Dr. Nyan said...

ဥုးဇင်းဘုရား
မြန်မာနိုင်ငံမှာလည်း skeletal denture စိုက်လို့ရပါတယ်ဘုရား။ ကုန်ကျစရိတ်က ပလတ်စတစ်ခံသွားတုထက် ၁၀ဆလောက်ပိုနိုင်ပါတယ်ဘုရား။