Friday, June 5, 2009

နိုင်ငံခြားသွားသူများနှင့် သွားပြဿနာ


ကျွန်တော်တို့မြန်မာနိုင်ငံမှာ public health education လို့ခေါ်တဲ့ လူထုကျန်းမာရေးပညာပေးလုပ်ငန်းနဲ့ကျောင်းကျန်းမာရေးဟာ၊ အများကြီးအားနည်းနေသေးတာတွေ့ရပါတယ်။ အထူးသဖြင့်သွားနဲ့ခံတွင်းကျန်းမာရေးနဲ့ပတ်သက်လို့ပါ။ ဂျပန်မှာတော့ nursery schools တွေကစပြီး၊ သွားနဲ့ခံတွင်းကျန်းမာရေးအလေ့အကျင့်ကောင်းလေးတွေရအောင် ပညာပေးလေ့ကျင့်ပေးတာတွေ့ရပါတယ်။ တစ်နှစ်တစ်ကြိမ်အမြဲကလေးသွားနဲ့ခံတွင်းစစ်ဆေးပေးပြီး၊ ကုသမှုလိုအပ်ရင် လိုအပ်တဲ့အကြောင်းမိဘတွေကိုအကြောင်းကြားစာပို့ပေးပါတယ်။ လိုအပ်တဲ့ကုသမှုပြီးဆုံးပြီးကြောင်းတဲ့ဆရာဝန်ရဲ့ထောက်ခံချက်ကိုကျောင်းကိုပြန်ပြရပါတယ်။ ကုသမှုစရိတ်က မူလတန်းစမတက်ခင်အထိ၊ free of charge ဖြစ်ပါတယ်။ ကျောင်းတွေမှာ ကိုယ်ပိုင်သွားတိုက်တံလေးတွေယူလာစေပြီး အစာစားပြီးတိုင်းသွားတိုက်စေပါတယ်။ ဆရာမတွေက စနစ်မှန်အောင်ပြသပေးပါတယ်။ ဒါကတော့၊ သွားဆရာဝန်၊ ပညာရေးဝန်ထမ်းနဲ့ အစိုးရ သုံးဦးသုံးဖက်ဟန်ချက်ညီညီနဲ့ primary prevention လို့ခေါ်တဲ့ ရောဂါမဖြစ်ခင်ကြိုတင်ကာကွယ်ခြင်း၊ secondary pevention လို့ခေါ်တဲ့ ရောဂါကိုစောစောစီးစီးရှာတွေ့ပြီး ချက်ချင်းကုသပေးခြင်းအားခြင့် ပိုဆိုးတဲ့အဆင့်မရောက်အောင်ကာကွယ်ခြင်းစတာတွေကို လက်တွေ့လုပ်ဆောင်ပေးနေတာတွေပါ။
လူတစ်ဦးချင်းဝင်ငွေအရအားနည်းပြီး၊ သွားဆရာဝန်အရေအတွက်နည်းသေးတဲ့ (စုစုပေါင်း ၁၇၀၀ခန့်) ကျွန်တော်တို့နိုင်ငံမှာ၊ primary prevention ကိုဦးစားပေးလုပ်ရမှာဖြစ်ပါတယ်။ ဂျပန်လိုချမ်းသာပြီး၊ သွားဆရာဝန်ပေါင်း ၄သောင်းကျော်ရှိတဲ့၊ convenient stores အရေအတွက်ထက်သွားဆေးခန်းအရေတွက်က များတဲ့နိုင်ငံမှာတောင်၊ primary prevention ကိုကျယ်ကျယ်ပြန့်ပြန့်လုပ်တာတွေ့ရပါတယ်။ တီဗီအစီအစဉ်တွေမှာ ကျန်းမာရေးပညာပေးအကြောင်းအရာတွေကို၊ စိတ်ဝင်စားစရာကောင်းအောင်၊ လူတွေစိတ်ထဲစွဲသွားအောင်၊ မင်းသားမင်းသမီးသရုပ်ဆောင်တွေနဲ့ ၊ animation သရုပ်ပြတွေနဲ့ လုပ်ဆောင်ပြပေးတာတွေတွေ့ရပါတယ်။ ကျွန်တော်တို့ဆီမှာတော့ ပါမောက္ခကြီးတစ်ယောက်ယောက်က ရုံးခန်းထဲမှာထိုင်ပြီးကျန်းမာရေးပညာပေးပြောနေတာကိုရိုက်ပြရုံဆိုတော့ တော်ရုံလူစိတ်မ၀င်စားပါဘူး။ အတူယူစရာတွေ၊ ပြင်စရာတွေကတော့ အများကြီးပါဘဲ။

အဓိကပြောချင်တဲ့အကြောင်းက၊ ကျွန်တော်တို့ဆီမှာ ရောဂါမဖြစ်ခင်ကြိုကာကွယ်တာ၊ ရောဂါဖြစ်မှန်းသိရင်မြန်မြန်ကုတာစတဲ့အလေ့အထတွေသိပ်မတွင်ကျယ်သေး၊ စီးပွားရေးအရလည်း၊ လူတိုင်းအတွက်မဖြစ်နိုင်သေးဘူးဆိုတာပါ။

တကယ်ကသွားနဲ့ခံတွင်းကျန်းမာရေးကိုလည်းတခြားဆေးစစ်မှုတွေနဲ့အတူ နှစ်စဉ်အနည်းဆုံးတစ်ကြိမ်လုပ်နေသင့်ပါတယ်။ မြန်မာပြည်မှာကတော့၊ သွားကိုက်ချိန်ရယ်၊ နိုင်ငံခြားသွားခါနီးရယ် နှစ်ကြိမ်သာ ဆေးခန်းပြေးကြတာများပါတယ်။ ဒါတောင် တော်တော်များများကသွားကိုက်တာကို အက်စပရင်လေးသောက်လိုက်၊ လေးညှင်းလေးသိပ်လိုက်လုပ်ကြည့်ပြီး မခံနိုင်တော့မှပြေးကြတာပါ။ နိုင်ငံခြားထွက်သူတွေကတော့၊ နိုင်ငံခြားမှာသွားကုသစရိတ်တွေကြီးတာကြားဖူးကြတော့ မထွက်ခင် ပေါပေါရတဲ့မြန်မာပြည်မှာလုပ်သွားမှ..ဆိုပြီး သွားဆေးခန်းသွားတတ်ကြပါတယ်။ ဆိုးတာက၊ လေယာဉ်ထွက်ခါနီးတပတ်အလိုတို့၊ ၂ရက်အလိုတို့မှ ဆေးခန်းသွားကြတာပါ။ သွားနဲ့ခံတွင်းကုသမှုတော်တော်များများက တခါတည်းနဲ့အပြီး၊ ရက်တိုတိုအတွင်းအပြတ်ကုသလို့ရတဲ့ကုသမှုမျိုးမဟုတ်ပါဘူး။ အထူးသဖြင့်၊ သွားအစားထိုးတာတို့၊ သွားအကြောသတ်ကုတာတို့ကို အချိန်ယူပြီး တစ်ဆင့်ချင်းလုပ်ရပါတယ်။ ကပ်မှလာကြတဲ့နိုင်ငံခြားသွားသူတွေကို၊ သွားဆရာဝန်တွေကလည်း မဖြစ်ဖြစ်အောင် ကုသပေးဖို့ ကြိုးစားကြတာပါဘဲ။ ဒီလိုနဲ့၊ ကုသလို့မပျောက်သေးဘဲ သွားဖာလိုက်ရတာတို့၊ ပုံစံမကျသေးဘဲသွားစိုက်လိုက်ရတာတို့ဖြစ်လာပါတယ်။ အချိန်မရလို့ အကြောသတ်ကုသပြီးဖာလို့ရတဲ့သွားကိုနှုတ်ပစ်လိုက်ရတာမျိုးလည်း ကြုံဖူးပါတယ်။ တချို့ဆို အံဆုံးသွားလေးချောင်းလုံး စောင်းပေါက်လို့ တစ်ရက်တည်းနဲ့ အပြီးအားလုံးနှုတ်ခိုင်းပြီး လေယာဉ်ပေါ်မှာ လူဝကြီးဖြစ် (ပါးတွေရောင်လာတာ) အစာမစားနိုင်စတဲ့ဒုက္ခတွေတွေ့တတ်ကြပါတယ်။ နိုင်ငံခြားရောက်မှ မြန်မာကလုပ်ထားတာပုံမပီလို့ ဆိုပြီး ပိုပြီးကုန်ကျခံပြန်ကုရတဲ့သူတွေလည်းနည်းမှာမဟုတ်ပါဘူး။
ချုပ်ပြောရရင်၊ နိုင်ငံခြားထွက်ခါနီးမှမဟုတ်ပါဘူး၊ သွားခံတွင်းစစ်ဆေးမှုကို နှစ်တိုင်း (ဖြစ်နိုင်ရင်) လုပ်ပေးကြပါ၊ အနည်းဆုံးနိုင်ငံခြားထွက်ရတော့မယ် အသံသဲ့သဲ့ကြားတာနဲ့ သွားဆေးခန်းပြေးကြပါလို့ စေတနာကောင်းနဲ့ တိုက်တွန်းချင်ပါတယ်။

4 comments:

ဆန်းဝင်း said...

စာလာဖတ်ပါတယ် ခင်ဗျာ.. ကျွန်တော်ရွာ ပတ်ဝန်းကျင်ကပါ.. သွားတိုက်တာ ဘယ်သူမှ သင်မပေးပါဘူး။ တီဗွီမှာ ကြည့် အတုခိုးခဲ့ရပါတယ်။ အဌမတန်းလောက်ရောက်မှ ကျန်းမာရေး ပညာပေး စာအုပ်များမှတဆင့် ဖတ်ရပါတယ်။

minthikemon said...

ငယ်ငယ်ကတည်းက ညစဉ် အိပ်ရာဝင်ခါနီးမှာ သွားတိုက်တတ်တဲ့ အကျင့်ရခဲ့လို့ သွားပိုးမစားခဲ့ပါဘူး။ သွားမတိုက်ပဲ မအိပ်တတ်လောက်အောင်ကို အကျင့်ဖြစ်တာပါ။ ဒါကြောင့် သွားပိုး စားခြင်းသွားကိုက်ခြင်း ဝေဒနာ မခံစားဖူးပါဘူး။ တက္ကသိုလ်ကျောင်းသားဘ၀မှာ ကွမ်းစားတတ်တဲ့ အကျင့်ရလာပေမယ့် သွားတိုက်တဲ့ အကျင့်ကို မဖျောက်ပစ်ခဲ့ဖူး။ပြဿနာက ရန်ကုန်ဆေးရုံကြီးက ဒေါက်တာကြည်စောခွန်ဆိုတဲ့သွားဆရာဝန်ကြီးတစ်ယောက်ပါ။
အံသွားကို စောင်းနေတယ် မဲပြီး ပိုးစားနေတယ် ဆိုပြီး ပလာယာလို ကရိယာနဲ့ ဆွဲနုတ်တယ်ခင်ဗျ။ မဟုတ်ဘူး အဲဒါ ကွမ်းကျိုးပါ ပြောတာလဲ မရဘူး။ သွားက အကောင်းကြီးဆိုတော့ နုတ်မရဘူး ဒီတော့ သံဆောက်လို ကိရိယာထောက်ပြီး ရိုက်ချိုး ထုခွဲတယ်ဗျ ထုချေပြီးမှ တစ်စစီ ဆွဲထုတ်တယ်ဗျ။ အဲဒီအန်သွားနားက သွားတွေဆို ပဲ့နေတယ်။ နုတ်ပြီးတဲ့သွားကလည်း ဘာပိုးမှ မစားတဲ့ အကောင်းကြီးဆိုတာ သူသိပါတယ်။ အဲ နည်းနည်း ချီတာ ရှည်သွားတယ်။ ကျွန်တော်သိချင်တာက..အံဆုံးသွားစောင်းနေတာ ကျန်းမာရေးနဲ့ မညီဘူးလား....နိုင်ငံခြားပညာတော်သင်တွေ အတွက် မသင့်တော်တဲ့ ကိစ္စဖြစ်ပါသလားဆိုတာပါ။

thawna said...

ကိုမင်းထိုက်မွန်ရေ
အဲဒီသွားဆရာဝန်ကြီး လုပ်တာ မှန်ပါတယ်။ ကျွန်တော်လဲ အံဆုံးစောင်းနေတာကို ပြဿနာရှိမှန်း မသိခဲ့ဘူး။ ဒေါက်တာဥာဏ်ကို လာမေးမိမှ မြန်မြန်နှုတ်သင့်တယ်ဆိုတာ သိရတာ။ ခွင့်ရလို့ ထိုင်းဆရာဝန်ကြီးကို ပြတော့ ပါးစပ်ဖြဲကြည့်ပြီး အံဆုံးကို မြင်တာနဲ့ နှုတ်ပစ်ရမယ် ချက်ချင်း ပြောတာပဲ။ ပိုးစားနေတဲ့ ကျန်တဲ့ သွားတွေကိုတောင် ဖာရမယ်ပဲ ပြောတယ်။ စောင်းနေတဲ့ အံဆုံးကိုတော့ ချက်ချင်း နှုတ်ရမယ်တဲ့။ ကျွန်တော့်လဲ ခင်ဗျားလိုပါပဲ။ အုတ်နံရံ ဖြိုနေလား မှတ်ရတယ်။ ရိုက်ချိုးထုခွဲပြီး ခဲရာခက်ဆစ် နှုတ်ပေးရှာတာ။ 'That is operation in your jaws.' တဲ့ ပြောပြတယ်။ ပြီးတော့ တူးထုတ်တဲ့ အံဆုံးနေရာကို အပ်ချည်နဲ့ ပြန်ချုပ်ပေးရသေးတယ်။
ဒေါက်တာ စောကြည်ခွန်ကို ကျေးဇူးတင်သင့်ပါတယ်။ ကျွန်တော်နှုတ်တာ ဘတ် ၄၀၀၀ ကျတယ်ဗျ။ မြန်မာငွေနဲ့ဆို တစ်သိန်းနှစ်သောင်းပေါ့။ ထိုင်းဆရာဝန်ကြီးကလဲ စေတနာကောင်းပါတယ်။ ဒါက ခွဲစိတ်ထုတ်ပေးရတာဆိုတော့ သူယူတာ နည်းတောင် နည်းပါသေးတယ်။
အစ်ကိုဥာဏ်ကိုတော့ လာမေးတာ ဥာဏ်ပူဇော်ခ တစ်ပြားမှ မပေးရဘူး။ လူချင်းတွေ့ရင်လဲ လက်ဖက်ရည် ပြန်တိုက်ခိုင်းရမယ်။

Dr. Nyan said...

အားလုံးကိုကျေးဇူးတင်ပါတယ်။ ကိုဆန်းဝင်းတို့၊ကိုသောနတို့မတွေ့တာကြာပေါ့လား။ ကိုမင်းသိုက်မွန်ရေ..ကိုသောနပြောတာမှန်ပါတယ်။ အံဆုံးနဲ့ပတ်သက်လို့ကျွန်တော်ပို့စ်တစ်ခုရေးထားဖူးပါတယ်။ အံဆုံးရဲ့ဖြစ်လာနိုင်တဲ့ဆိုးကျိုးတွေဆွေးနွေးထားပါတယ်။ အဲ..တစ်ခုတော့ရှိတယ်ခင်ဗျ။ နိုင်ငံခြားထွက်မယ့် State scholars တွေ ဆေးစစ်ကြရတဲ့အခါ၊ စိတ်အညစ်ရဆုံးက သွားစစ်ဆေးမှုဖြစ်နေရပါတယ်။ ဒါဟာလည်း ကျွန်တော်တို့ဆီမှာပြုပြင်စရာတွေထဲက တစ်ခုဖြစ်ပါတယ်။ ဒီမှာလို စစ်ဆေးပြီး၊ ကုသမှုလိုအပ်နေတာတွေကို အကြံပြုပေးပြီး ကိုယ်နှစ်သက်ရာဆေးရုံ၊ ဆေးခန်းတွေမှာ ကုသခွင့်ပြုပြီး၊ သက်ဆိုင်ရာဆရာဝန်ရဲ့ ကုသမှုပြီးစီးကြောင်းထောက်ခံချက်ပြနိုင်ရင်ဆေးအောင်ကြောင်းအသိအမှတ်ပြုပေးတာမျိုး မြန်မာပြည်မှာလည်းဖြစ်သင့်နေပါပြီ။ အခုတော့အများစုက ဆန္ဒမပါဘဲ ကုသမှုခံကြရလို့ စိတ်ညစ်ခဲ့ရတာတွေ၊ ခဏခဏကြားရပါတယ်။ ကျွန်တော်ကိုယ်တိုင်လည်း ဒီမလာခင်ဆေးစစ်ခဲ့တုန်းက စိတ်ပျက်စရာတွေတခြားနေရာတွေမှာကြုံခဲ့ဖူးလို့ ကိုယ်ချင်းစာပါတယ်။ အံဆုံးကုသမှုကတော့ စောင်းပေါက်တဲ့အနေအထားပေါ်မူတည်ပြီး၊ ခက်ခက်ခဲခဲခွဲနှုတ်ရတာတွေရှိပါတယ်။ ဒီလိုခွဲစိတ်ကုသမှုမျိုးကို အထူးပြုလေ့လာထားပြီး ကျွမ်းကျင်တဲ့ဆရာဝန်တွေဆီမှာသွားရောက်ကုသမှုခံသင့်ပါတယ်။ ကျွန်တော်ရန်ကုန်မှာရှိခဲ့စဉ်ကတော့ မေးရိုးနဲ့ခံတွင်းခွဲစိတ်ပါရဂူပါမောက္ခဦးကိုကိုမောင်ဆီကို အမြဲလွှဲပို့ပေးလေ့ရှိခဲ့ပါတယ်။