ကျေးဇူးတင်တတ်သောဂျပန်ကြီးများ

မြန်မာပြည်ကကျွန်တော်တို့ဌာနမှာ Dr. Yamada လှူထားတဲ့အဆင့်မြင့်သွားရောဂါကုထိုင်ခုံတွေနဲ့လက်တွေ့ကုသမှုပေးနေတဲ့အလုပ်သင်ဆရာဝန်လေးများ

ဂျပန်ကြီးများလို့ပြောရတာက၊ ဂျပန်လူငယ်များမပါလို့ဖြစ်ပါတယ်။ အသက် ၆၀ တန်း ၇၀ တန်းဂျပန်ကြီးများဟာ၊ စစ်ရဲ့ခါးသီးတဲ့အတွေ့အကြုံ၊ စစ်ရှုံးလို့ပေးဆပ်ခဲ့ရလို့ အလုပ်ကြိုးစားခဲ့ရတဲ့အတွေ့အကြုံ..အမျိုးမျိုးသောအခက်အခဲတွေတွေ့ကြုံဖူးကြလို့၊ ဘ၀နာသူတွေဖြစ်ကြပါတယ်။ ဒီနေ့ဂျပန်တိုးတက်နေတာ၊ စံစားနေရတာဟာ၊ ဒီလူကြီးတွေအနစ်နာခံပြီးအလုပ်လုပ်ခဲ့တဲ့ရလာဒ်ဖြစ်ပါတယ်။ စစ်ရာဇ၀တ်ကောင်တွေအပထားလို့၊ ဂျပန်ပြည်သူတွေ၊ ခိုင်းလို့လုပ်ခဲ့ရတဲ့အောက်လက်ငယ်သားတွေဟာသနားစရာကောင်းလောက်အောင် ဖက်စစ်စနစ်ရဲ့နှိပ်စက်မှုကိုခံခဲ့ရတဲ့အတွက် ဒီစနစ်ကိုရွံမုန်းသူတွေ နာကျည်းသူတွေပါ။ ဒါ့အပြင် စစ်အတွင်းအသက်ဘေးကလွတ်ပြီးကျန်ခဲ့တဲ့ ဂျပန်ကြီးတွေက သူတို့ကိုကယ်ခဲ့တဲ့ကျေးဇူးရှင်တွေကို တသက်လုံးကျေးဇူးတင်နေတတ်ကြပါတယ်။

ဒီနေ့တက္ကသိုလ်ကမြန်မာသူငယ်ချင်းက သူ့ကို ၂ နှစ်လောက် ပညာသင်ဆုပေးခဲ့ဖူးတဲ့ imaizumi foundation ကိုတည်ထောင်ထားသူ ဂျပန်အဖိုးကြီးရဲ့မွေးနေ့ပွဲသွားတဲ့အကြောင်းပြောပြရင်း၊ တချို့မြန်မာတွေမလိမ္မာလို့ imaizumi scholarship အစီအစဉ်ကို ရပ်လိုက်ပြီဖြစ်ကြောင်းပြောပြပါတယ်။ တစ်လကိုဂျပန်ယန်း (၄၀၀၀၀) ထောက်ပံ့တဲ့အဲဒီscholarship ကိုငွေကြေးအခက်အခဲရှိတဲ့ ကိုယ့်ပိုက်ဆံနဲ့ကိုယ်ကျောင်းလာတက်တဲ့ မြန်မာကျောင်းသားတွေကို လွန်ခဲ့တဲ့ ၁၉နှစ်ကတည်းက ပေးခဲ့တာဖြစ်ပါတယ်တဲ့။ ဒီဂျပန်ကြီးက စစ်အတွင်းမြန်မာပြည်စစ်မျက်နှာမှာတာဝန်ကျပြီး၊ စစ်ရှုံးလို့ပြေးရတဲ့အချိန်၊ ရိက္ခာအထောက်အပံ့လည်းမရှိ၊ အင်္ဂလိပ်အိန္ဒိယစစ်သားတွေလိုက်ဖမ်းတာကို၊ ပုန်းရှောင်နေခဲ့ရတဲ့အချိန်မှာ၊ စိတ်ကောင်းရှိတဲ့ မြန်မာတွေက အသက်ကိုပဓာနမထားဘဲ ဖွက်ထားပေး၊ အစားအသောက်ကျွေးလုပ်ပေးခဲ့လို့ အသက်ရှင်ကျန်ပြီး ဂျပန်ကိုပြန်နိုင်ခဲ့တဲ့ ဂျပန်တွေထဲက တစ်ဦးလို့ဆိုပါတယ်။ အသက်သခင်ကျေးဇူးရှင်မြန်မာလူမျိုးတွေကိုကျေးဇူးဆပ်တဲ့အနေနဲ့ ဂျပန်ရောက်မြန်မာကျောင်းသားတွေကို ငွေကြေးထောက်ပံ့ပေးခဲ့တာဖြစ်ပါတယ်။ သြော်...ရန်သူကိုတောင်မေတ္တာထားတတ်တဲ့ ဘိုးဘွားမြန်မာတွေရဲ့ကျေးဇူးကို နောင်လာနောက်သားတွေက ခံစားရတာပါလား။ ကျွန်တော်တို့ခေတ်မြန်မာတွေကျတော့လည်း မြန်မာအချင်းချင်းရန်သူမဟုတ်တာတောင် တစ်ဦးအပေါ်တစ်ဦးမေတ္တာမထားနိုင်၊ ချစ်ချစ်ခင်ခင်မနေနိုင်ကြတော့ဘူးနော်။

Tokyo Medical and Dental University ကPhD ကျောင်းသားဟောင်း Dr. Yamada ဟာလည်း ကိုယ်တိုင်မကြုံခဲ့ရပေမယ့် မြန်မာတွေရဲ့ကျေးဇူးကိုကြားဖူးနေခဲ့ပြီး၊ ကျွန်တော့်ရဲ့မြန်မာပြည်တက္ကသိုလ်ကပါမောက္ခဆရာ TMDU မှာ တစ်နှစ်လာခဲ့ရတဲ့အချိန်မှာ တွေ့ဆုံမိတ်ဆွေဖြစ်ခဲ့ပါတယ်။ အဲဒီနောက်ပိုင်းမြန်မာပြည်ကိုသွားလည်ပြီး တက္ကသိုလ်မှာ ရှေးနှစ်ပေါင်းသုံးလေးဆယ်ကျော်က သွားကုထိုင်ခုံတွေသုံးပြီးဆရာတွေကျောင်းသားတွေ လူနာကုပေးနေကြတာတွေ့ပြီး ဒီလိုအခြေအနေနဲ့ဒီလောက်တော်တဲ့သူတွေဂျပန်ရောက်အောင်လာပြီး ပညာသင်နိုင်ကြတယ်ဆိုပြီး၊ လေးလည်းလေးစား၊ ဂရုဏာလည်းဖြစ်ပြီး၊ ဂျပန်ကနေအဆင့်မီသွားကုထိုင်ခုံ ၂၂ လုံးနဲ့ တခြားဆေးခန်းသုံးပစ္စည်းတွေ လှူခဲ့ပါတယ်။ အဲဒီခေတ်ကဈေးနဲ့တောင်တစ်ခုံကိုသိန်းလေးငါးဆယ်ကျပါတယ်။ ဒီခုံတွေသုံးပြီး အဆင့်မီကုသမှုတွေပေးနိုင်တဲ့ သွားဆရာ
ဝန်တွေအများကြီးမွေးထုတ်ပြီးသွားပြီ။ ဆက်ပြီးလှူဖို့လည်းသူငွေစုနေပါတယ်။
TMDU လာပြီးပညာသင်ကြတဲ့မြန်မာအားလုံးကိုလည်း အလျဉ်းသင့်သလိုကျွေးမွေးပြုစုလေ့ရှိခဲ့ပါတယ်။ ၂၀၀၅ ကျွန်တော်လာရတဲ့အချိန်ကစပြီး ကြာသာပတေးနေ့တိုင်းကျောင်းလာ၊ ဆေးခန်းမှာကျောင်းသားတစ်ဦးလိုဂျူတီကုတ်လေးဝတ်ပြီး ကုသမှုလေ့လာရင်းနဲ့ မြန်မာကျောင်းသားတွေကို နေ့လည်စာကျွေးလေ့ရှိတာ အပတ်စဉ်ပါဘဲ။ (Dr. Yamada ဟာအသက် ၇၀ကျော်ပြီဖြစ်ပြီး ကင်ဆာရောဂါခံစားနေရတာမို့ ဖြတ်ဖြတ်လတ်လတ်တောင်မသွားလာနိုင်တော့ဘဲ နောက်ဆုံးအချိန်ကိုဘဲစောင့်နေရတဲ့သူပါ။ ဒါတောင်မသေခင်လေးမှာ ပညာဆက်လက်လေ့လာနေတာကြည့်ရင်၊ ဟိုတုန်းကဂျပန်ကြီးတွေဘယ်လောက်စိတ်ဓာတ်ခိုင်မာတယ်ကြိုးစားတယ်ဆိုတာမှန်းကြည့်နိုင်ပါတယ်။)ဒီနေ့ကြာသာပတေးနေ့မို့သူလာလို့ စားသောက်အပြီးမှာ ကျွန်တော်ကပြင်သစ်က
ဝယ်လာတဲ့ချောကလက်လေးလက်ဆောင်ပေးတော့၊ ကျေးဇူးတွေအကြိမ်ကြိမ်တင်ရင်း၊ ဒီလိုရှင်းပြပါတယ်။ တစ်ဦးတစ်ယောက်ကိုလက်ဆောင်ပေးတယ်ဆိုတာ အလွန်ပင်ပန်းတဲ့ကိစ္စပါတဲ့။ ပထမဘာ
ဝယ်ပေးရင်ကောင်းမလဲစဉ်းစားရတယ်၊ နောက်ဆိုင်ကိုသွားရတယ်။ ငွေပေးပြီးဝယ်ရတယ်။ သယ်လာရတယ်။ အဆင့်ဆင့်မို့ ကျေးဇူးတင်စရာအရမ်းကောင်းတယ်တဲ့။ ဘယ်တော့မှ မမေ့သင့်ဘူးတဲ့။ သြော်..ကြံဖန်စဉ်းစားပြီးကျေးဇူးတင်တတ်တဲ့ဂျပန်လူကြီးတွေပါလား။ ဂျပန်လူငယ်တွေကတော့ဒီလိုမစဉ်းစားတတ်၊ ကျေးဇူးမတင်တတ်ကြတော့ဘူးတဲ့။ သိပ်လည်းကြိုးစားချင်စိတ်မရှိကြတော့ဘူးတဲ့။ အားလုံးပြည့်စုံနေတော့ အလွယ်လမ်းကိုဘဲလိုက်ကြတော့တယ်တဲ့။ Generation gap ပေါ့လေ။