Friday, October 17, 2008

ခံတွင်းလေးလည်းလှစေ၊ မွှေးစေချင်...

image from the Huffingtonpost - 19/08/2008
"လှပါတယ်မေရယ်..ကြည့်လို့မ၀တဲ့ကိုယ့်မျက်လုံးထဲမယ်..
လှပါတယ်မေရယ်..လှပါတယ်မေလေးရယ်.."
ဒီသီချင်းလေးလူတိုင်းကြားဖူးမယ်ထင်ပါတယ်။ အလှတရားဟာလူတွေရဲ့စိတ်နှလုံးကိုစွဲဆောင်ပါတယ်။ လှလို့ချစ်တယ်၊ ချစ်လို့လှတယ်၊ ဘယ်လိုဘဲပြောပြော အမျိူးသမီးတွေအများစုကလည်းလှချင်တယ်။ အမျိုးသားများကလည်း၊ လှတာလည်းနှစ်သက်၊မိမိကိုယ်ကိုလည်း ကြည့်ပျော်ရှုပျော်ဖြစ်အောင်၊ အနည်းဆုံးတော့ ဆံပင်လောက်ကတော့ဖီးလိုက်ကြတာပါဘဲ။ အ၀တ်အစားသပ်သပ်ရပ်ရပ်ဝတ်တယ်၊ သန့်သန့်ပြန့်ပြန့်နေတယ်စသည်ဖြင့် နေ့စဉ်လိုဘဲ ဂရုစိုက်နေကြမှာပါ။ ဒီနေရာမှာ အင်္ဂလန်မှာလုပ်တဲ့စစ်တမ်းတစ်ခုအရ၊ အမျိုးသမီးတစ်ဦးဟာ၊ ဘ၀မှာ နာရီပေါင်း ၃၂၇၆ နာရီကို ဖီးလိမ်းအလှပြင်ရာမှာ အချိန်ပေးကြပါတယ်တဲ့။ ဒီလောက်အချိန်အတိုင်းအတာဟာ၊ အာကာသယာဉ်မှူးတွေ လဆီကိုအသွားအပြန် ၂၂ ခေါက်ခရီးဆန့်နိုင်တဲ့ပမာဏဖြစ်ပါတယ်တဲ့။ အမျိုးသားတွေကတော့ ၁၀၉၂ နာရီသုံးပါတယ်တဲ့။ (တော်တော်များသား..)
လူမှုဘ၀၀န်းကျင်မှာ၊ အပြင်ပန်းအပြင်အဆင်၊ အသွင်အပြင်ဟာ၊ လူတစ်ယောက်ရဲ့ကိုယ်ရည်ကိုယ်သွေး - personality ကိုအကဲဖြတ်ရာမှာ၊ ပထမဆုံးကြည့်လေ့ရှိကြတဲ့အစိတ်အပိုင်းဖြစ်တာမို့၊ အရေးကြီးပါတယ်။

ဒါပေမယ့်အပြင်ပန်းလှနေတာနဲ့သူ့ရဲ့တကိုယ်ရည်သန့်ရှင်းမှု၊ ကျန်းမာရေးအသိအမြင်ရှိမှုနဲ့လက်တွေ့ကျင့်သုံးမှုရှိမရှိမသိနိုင်သေးပါဘူး။ (ကျွန်တော်တို့သွားဆရာ
ဝန်တွေကတော့ လူတွေ့ရင်သွားတွေကိုအရင်မျက်စိကရောက်တယ်။ စိတ်ထဲမှာအကဲဖြတ်ပြီးသားဖြစ်သွားတယ်။ သွားတွေကိုတချက်ကြည့်လိုက်တာနဲ့လူတစ်ယောက်ရဲ့တကိုယ်ရည်သန့်ရှင်းမှု၊ ကျန်းမာရေးအသိရှိမရှိ၊ ဓနဥစ္စာအင်အား၊ အစားအစာဓလေ့၊ ...စသည်ဖြင့်အများကြီးပါဘဲ...စကားချပ်)

တချို့အမျိုးသမီးတွေနှုတ်ခမ်းနီဆိုးထားတာ၊ ကိုက်စားချင်လောက်အောင်လှလွန်းလှပေမယ့်၊


သွားသေချာမတိုက်လို့ သွားတွေပေါ်မှာကပ်နေတဲ့ဘက်တီးရီးယားပိုးမွှားအလွှာ (dental plaque/biofilm)ကိုဆေးဆိုးကြည့်လိုက်ရင်ဒီလိုမြင်ရပါလိမ့်မယ်။ (plaque disclosing solution နဲ့ဆေးဆိုးမကြည့်ရင်သာမန်မျက်စိနဲ့မမြင်ရပါဘူး)


(ကဲ..ကိုက်စားချင်ပါသေးလား?)
ပါးစပ်ထဲတချက်လေးငဲ့ကြည့်လိုက်ရင် ဒီလိုတွေလည်းတွေ့နိုင်ပါတယ်။



မြှားပြထားတာကတော့ သွားမှာကျောက်တွေတည်နေတာပါ။ ကျောက်သူဌေးပေါ့။ ကျောက်တွေပေါ်မှာ ပိုးမွှားလွှာတွေရှိနေပါတယ်။

ဒီ dental plaque လို့ခေါ်တဲ့ပိုးမွှားအလွှာဟာ၊ သွားမှာကပ်နေတဲ့ တံတွေးမှာပါတဲ့ glycoprotein ပေါ်မှာ ခံတွင်းထဲက normal flora - ပုံမှန်မှီခိုနေထိုင်ကြတဲ့ဘက်တီးရီးယားပိုးတွေခိုကပ်ပေါက်ပွားရာက ဖြစ်ပေါ်လာပါတယ်။ သွားတိုက်ပြီးတာနဲ့ဒီအလွှာဟာသန့်စင်ပျောက်ကွယ်သွားပေမယ့်၊ သိပ်မကြာခင်တံတွေးကဓာတ်တွေနဲ့ ပြန်စပြီးအသစ်ဖြစ်ပြန်ပါတယ်။ အချိန်နဲ့အမျှ၊ maturation လို့ခေါ်တဲ့ရင့်ကျက်မှုဖြစ်စဉ်မှာ၊ ပိုးမွှားကုဋေပေါင်းများစွာပွားပြီး၊သွားကိုသေချာမတိုက်ဘဲ ကြာလာရင် calcification လို့ခေါ်တဲ့ဖြစ်စဉ်ဖြစ်ပြီး ကျောက်သားလိုမာသွားပါတယ်။ ဒါကို dental calculus သွားကျောက်တည်တယ်လို့ခေါ်ပါတယ်။ သွားကျောက်တည်တဲ့အဆင့်ရောက်ရင်၊ ပိုးမွှားတွေက သွားကျောက်တွေပေါ်နဲ့ အောက်ခြေတွေမှာခိုအောင်းဖို့နေရာရသွားပြီး၊ ပျော်ပျော်ကြီး အက်စစ်တွေထုတ်၊ အဆိပ်တွေထုတ်၊ ဟိုက်ဒြိုဂျင်ဆာလ်ဖိုဒ်လိုဘဲဥပုတ်နဲ့နံတဲ့ဓာတ်ငွေ့တွေထုတ်ကြပြီး၊ သွားပိုးစားရောဂါ၊ ရေစီးကမ်းပြိုလို့မြန်မာလိုအသိများတဲ့ သွားဖုံးနဲ့သွားမြစ်မြှေးရောင်ရောဂါတို့ဖြစ်စေတာအပြင် ခံတွင်းနံ့ပါနံလာပါတယ်။ သွားဘယ်လောက်တိုက်တိုက်၊ လျှာဘယ်လောက်တိုက်တိုက် ခံတွင်းနံ့က မပျောက်နိုင်ပါဘူး။ သွားတိုက်ရုံနဲ့ကျောက်တွေကို မဖယ်ရှားနိုင်တော့ဘူးလေ။ ခံတွင်းနံ့နံရခြင်းရဲ့အကြောင်းရင်းတွေအများကြီးရှိတဲ့အထဲမှာ၊ ကျွန်တော့်အတွေ့အကြုံအရ၊ သွားကျောက်တည်တာကတော့၊ တွေ့ရအများဆုံးအကြောင်းရင်းဖြစ်ပါတယ်။ ပါးစပ်ထဲမှာပိုးစားပေါက်ရှိနေတာ၊ မလုံတဲ့စွပ်သွား (dental crown) ရှိနေတာ၊ စိုက်သွားတုအောက်မှာအစာကျန်တာ စတာတွေကတော့ ဒုတိယအများဆုံးတွေ့ရပါတယ်။

ဒီတော့ချုပ်ပြောရရင် dental plaque - ပိုးမွှားလွှာဟာ၊ ပုပုရွရွ၊ နုနုလှလှ၊ ရုပ်ချောချောဆိုးဆိုး၊ လူတိုင်းလူတိုင်းရဲ့ခံတွင်းထဲကသွားတွေပေါ်မှာ အချိန်တိုင်းရှိနေတယ်။ ပိုးတွေမပွားများမရင့်ကျက်ခင်၊ မနက်စာစားပြီးတစ်ကြိမ်၊ ညအိပ်ရာမ၀င်ခင်တစ်ကြိမ်အနည်းဆုံးတနေ့နှစ်ကြိမ်သွားမတိုက်ရင်၊ (တိုက်တော့တိုက်တယ် မပြောင်ရင်) အစာစားပြီးတိုင်းပလုတ်မကျင်းရင်၊ သွားခံတွင်းရောဂါတွေသေချာပေါက်ဖြစ်မယ့်အပြင်၊ ခံတွင်းနံ့နံလို့ လူမှုရေးထိခိုက်နိုင်တဲ့ဒုက္ခကိုပါခံစားရမှာဖြစ်တဲ့အကြောင်း၊ ဗဟုသုတ
ဝေမျှလိုက်ရပါတယ်။ နောက်ပို့စ်တွေမှာသွားဘယ်လိုပြောင်အောင်တိုက်ကြမလဲဆိုတာရေးပါဦးမယ်။

(ညီလေးမိုးသောက်ရဲ့ခံတွင်းနံ့ဆိုးသောကောင်မလေးအကြောင်း comment ကိုအခြေတည်ပြီးရေးလိုက်တာပါ)
စာညွှန်း
Women spend 3,276 hours getting ready

12 comments:

တောင်ပေါ်သား said...

ကိုကြီးရေ ဗဟုသုတတွေ မျှဝေတဲ့အတွက် ရှဲ့ရှဲ့

Anonymous said...

အစ်ကို ရေးထားတာ ဖတ်ပြီး
နည်းနည်း တွန့် ဆုတ်ဆုတ် ဖြစ်သွားသလိုပဲ :P ..
တော်ပါပြီ နုတ်ခမ်း လှလှလေးတွေ မြင်တိုင်း
ကိုက်မစားချင်တော့ပါဘူး :D
အခု လို ရေးပေးတာ ကျေးဇူး အများကြီး တင်ပါတယ် အစ်ကိုရေ :)

Andy said...

အီးးး တော်ပြီ... နောက်ကိုက်မချားတော့ပါဘူးဗျ

Unknown said...

အစ်ကို ရေးတဲ့ပို့စ် ဖတ်ပြီးတော့ ဒုက္ခပေးနေတဲ့ အံဆုံးကို ပါးစပ်ထဲ တစ်ရက်တောင် မထားချင်တော့ဘူး။ သွားဆရာဝန်ဆီ သွားဖို့ ဒီနှစ်လအတွင်း ခွင့်မလွယ်လို့ ဒီအံဆုံးကို ကိုယ့်ဟာကိုယ် အိမ်မှာ ပလာယာ (သန့်သန့်နဲ့) နှုတ်ရင် ရမလား။ ဒါမှမဟုတ် ကလေးတွေလို အပ်ချည်ကြိုးတုတ်တုတ်နဲ့ နှဲ့နှုတ်ရင် ရမလားခင်ဗျ။ မရရင်တော့ ခွင့်ရမှ သွားဆရာဝန်ဆီ သွားပါ့မယ်။ မအောင့်နိုင်လို့ မေးတာပါ။

Dr. Nyan said...

ဟား..ဟား..
ကိုယ့်ဘာကိုယ်တော့ မလုပ်လိုက်ပါနဲ့ဗျာ။
ကလေးငယ်သွားလဲချိန်မှာလို နဲ့မနေလို့
အပ်ချည်နဲ့လည်းမဖြစ်နိုင်ဘူးခင်ဗျ။
သိပ်မစိုးရိမ်ဘဲခံတွင်းကိုသာသန့်အောင်
မကြာခဏပလုတ်ကျင်းသွားတိုက်လုပ်ပေးထားပြီး၊
အခွင့်ရတော့မှဆရာဝန်ပြကြည့်ပါဗျာ။

ဆောင်း said...

ဆရာရေ ခံတွင်းနံ့ က လျှာပေါ်မှာလည်း မူတည်သေး လား။ ကျမဆိုရင် သွားတိုက်ပြီးတလက်စဘဲ လျှာကို သွားပွတ်တံ နဲ့ တိုက်ဆေးတယ်။ ဒါမှ အနံ့ ပျောက်တယ်။

ကျမသူငယ်ချင်းတွေ က သွားတိုက်ရင် သွားဘဲ တိုက်တာ။ လျှာ က အဖုလေးတွေမှာ အညစ်ကြေးတွေ ကျန်နေတာ ကို မသန့် သမျှ သွားတိုက်ပြီးပြီးခြင်းတောင် အနံ့ ဆိုးနေတာ။

ဟိန်းညီ said...

အစ်ကိုရေ.....
ဒီပို့စ်လေးဖတ်ပြီးပြီးချင်းသွားတောင်ထတိုင်မိတယ်။
စိတ်ထဲတစ်မျိုးပဲ။
ကျေးဇူးပဲအစ်ကိုရေ..ကျွန်းမာရေးအသိလေးတိုးသွားလို့။

Anonymous said...

Thanks a lot.

IloveMyanmar said...

တစ်နေ့သွား ဘယ်နှခါတိုက်ရမလဲဆိုတာမျိုး ရှိပါသလားရှင့်၊ သွားအ၇မ်းတိုက်ရင် ကြွေလွှာတွေပျက်စီးသွားတတ်တယ်လို့ ကြားထားဘူးလို့ပါ။
နောက်တစ်ချက်က ကျွန်မသားက ၂နှစ်ပါ၊ သွားပိုးမစားအောင် ဖာထားလို့ ရနေပါပီလားရှင့်၊ အဲဒါလေးလဲ သိချင်ပါတယ်။
သွားကျန်းမာရေးပညာပေး ဆောင်းပါးတွေဖတ်ခွင့်ရလို့ ကျေးဇုးတင်နေရပါတယ်။

Dr. Nyan said...

ကျေးဇူးတင်ပါတယ်။ စနစ်မှန်သွားတိုက်နည်းနဲ့ ပုံမှန်နူးညံ့မှုရှိတဲ့သွားတိုက်တံသုံးပြီးတိုက်မယ်ဆိုရင် ကြွေလွှာတွေမထိခိုက်ပါဘူးခင်ဗျ။ သွားပွတ်တံပွတ်တိုက်တဲ့အနေအထားမမှန်ရင်တော့ အချိန်ကြာတာနဲ့အမျှကြွေလွှာမှာ ပွန်းလာတတ်ပါတယ်။ ကလေးရဲ့ငယ်သွားအံသွားတွေက ကြီးသွားတွေနဲ့စာရင် မြောင်းတွေချိုင့်တွေတိမ်တတ်ပါတယ်။ ဒါကြောင့်ကလေးတိုင်းသွားပိုးမစားအောင် ကြိုဖာထားဖို့လိုချင်မှလိုပါလိမ့်မယ်။ ဒါပေမယ့် အံသွားရဲ့ဝါးတဲ့မျက်နှာပြင်မှာ မြောင်းတွေချိုင့်တွေနက်နက်ထင်ထင်ရှိနေခဲ့ရင်၊ ကလေးရဲ့အစားအသောက်ဓလေ့က သွားပိုးစားစေတဲ့ အချိုစာသွားရေစာမကြာခဏစားလေ့ရှိတာမျိုးဆိုရင်၊ သွားပိုးစားကာကွယ်တဲ့ဖလိုရိုက်ဓာတ်ပါဝင်တဲ့ဆေးတွေနဲ့သွားကိုကြိုဖြည့်ထားပေးဖို့လိုပါလိမ့်မယ်။ ဖြစ်နိုင်ရင် ၆လတခါလောက်ဆရာဝန်နဲ့ပုံမှန်စစ်ဆေးပြသနေသင့်ပါတယ်။

ပြည့်ဖြိုးဦး said...

ဆရာရေ ဆရာ့ပိုစ့်လေးများကိုကျွန်တော့blogမှာကူးယူပြီးပြန်လည်မျှဝေထားပါတယ်။ ပြန်share ထားတာကိုဆရာလက်မခံလျှင်ပြန်လည်comment ထားခဲ့ပေးပါ။ကျွန်တော့ရည်ရွယ်ချက်ကတော့ကျွန်တော်နှင့်သိသောမိတ်ဆွေအသိုင်းဝိုင်းကိုသိစေခြင်၏ကျွန်တော်blogမှာတင်ထားတာဖြစ်ပါတယ်။ ဆရာကိုအထူးကျေးဇူးတင်လျှက်...ppo

Unknown said...

good i ခံတွင်
နံမ ကောင်း