Tuesday, October 21, 2008

သွားတိုက်ဆေးရွေးဝယ်ကြမယ်


သွားတိုက်ဆေးဆိုတာကို အီဂျစ်တွေက BC ၅၀၀၀လောက်ကတည်းက၊ စသုံးခဲ့ကြတယ်လို့ဆိုပါတယ်။ သွားတိုက်တံစပေါ်တာက BC ၃၅၀၀ ၀န်းကျင်မှပါ။ အဲဒီခေတ်ကသွားတိုက်ဆေးတွေမှာ နွားခွာနဲ့ကြက်ဥအခွံကိုမီးရှို့လို့ရလာတဲ့ပြာတွေကို၊ မီးတောင်ကချော်ရည်ခဲကရတဲ့ကျောက်မှုန့် (pumice) နဲ့ရောပြီးပြုလုပ်အသုံးပြုခဲ့ကြတယ်လို့ဆိုပါတယ်။ ဂရိနဲ့ရောမကလူတွေကတော့ ပိုပြီးပွတ်တိုက်လို့ပြောင်အောင် ခြေထားတဲ့အရိုးမှုန့်တွေ၊ oyster ခွံတွေ၊ မီးသွေးမှုန့်တွေထည့်ခဲ့ကြပြီး၊ တရုတ်တွေကတော့၊ ဂျင်ဆင်း-ဆေးမွှေးနဲ့ဆားတို့ထည့်ခဲ့တယ်လို့ဆိုပါတယ်။ ခေတ်သစ်သွားတိုက်ဆေးတွေစပြီးသုံးလာကြတာကတော့ ခရစ်နှစ်၁၈၀၀ လောက်ကစတယ်လို့ဆိုပါတယ်။ အဲဒီအချိန်တုံးက သွားတိုက်ဆေးတွေမှာ ဆပ်ပြာ၊ မြေဖြူ၊ ကွမ်းသီး၊ မီးသွေးမှုန့်စသည်ဖြင့်နေရာဒေသကိုလိုက်ပြီးထည့်သွင်းခဲ့ကြတယ်လို့ဆိုပါတယ်။ ၁၈၅၀ မတိုင်ခင်အထိ သွားတိုက်ဆေးတွေဟာအမှုန့်ပုံစံနဲ့ဘဲ ဖော်စပ်ခဲ့ကြတာဖြစ်ပြီး ၁၈၅၀ကျမှ paste-ပုံစံကိုစတီထွင်ခဲ့ကြပြီး ၁၈၇၃မှာ Colgate ကသူ့ရဲ့သွားတိုက်ဆေးကိုစီးပွားဖြစ်စထုတ်လုပ်ခဲ့ပါတယ်။ ၁၉၄၅ နောက်ပိုင်းမှာ သွားတိုက်ဆေးထဲမှာ၊ ချွတ်ဆေးအနေနဲ့ ဆပ်ပြာအစား Sodium lauryl sulphate ကိုအစားထိုးပြီးစသုံးလာကြပါတယ်။ သွားပိုးစားရောဂါကိုကာကွယ်ပေးနိုင်တဲ့ fluoride ဓာတ်ကိုတော့ ၁၉၅၀လောက်မှာစပြီးသွားတိုက်ဆေးတွေထဲမှာထည့်သွင်းဖော်စပ်လာခဲ့ကြပါတယ်။

သွားတိုက်ဆေးနဲ့သွားတိုက်ရတဲ့ရည်ရွယ်ချက်က၊ သွားပေါ်ကအညစ်အကြေးတွေ၊ အစာဟောင်းတွေ၊ ပိုးမွှားလွှာတွေကိုဖယ်ရှားပစ်ဖို့အဓိကဖြစ်ပြီး၊ ဖလိုရိုက်ဓာတ်ပါတဲ့သွားတိုက်ဆေးတွေပေါ်လာတော့၊ သွားတိုက်ဆေးသုံးတာဟာ၊ သွားမျက်နှာပြင်ပေါ်မှာ ဖလိုရိုက်ဓာတ်ထိတွေ့စေပြီး၊ သွားပိုးစားရောဂါကနေထိထိရောက်ရောက်ကာကွယ်နိုင်အောင်ဆိုတဲ့ ရည်ရွယ်ချက်ပါ ပါလာပါတယ်။

ဖလိုရိုက်-fluoride ဓာတ်ဟာ သွားထဲကကယ်လ်စီယမ်နဲ့ပေါင်းစပ်ပြီး၊ ပိုမာတဲ့သွားအပေါ်လွှာဖြစ်ပေါ်စေပါတယ်။ အက်စစ်ကြောင့်ပျော့သွားတဲ့ကြွေလွှာကို ပြန်ပြီးမာလာစေပါတယ်။ ဒါ့အပြင် ဘက်တီးရီးယားပိုးတွေရဲ့အစာချက်လုပ်မှုကိုဟန့်တားပေးပါတယ်။ ဒါကြောင့် ဖလိုရိုက်ဓာတ်ကသွားပိုးစားရောဂါကနေကာကွယ်ပေးနိုင်တာဖြစ်ပါတယ်။ သွားတိုက်ဆေးဝယ်တဲ့အခါ၊ ဖလိုရိုက်ဓာတ်ပါမပါ Ingredients-ပါဝင်ပစ္စည်းများဆိုတဲ့အညွှန်းမှာဖတ်ကြည့်ပြီး၊ ၀ယ်ယူသင့်ပါတယ်။ အခုခေတ်သွားတိုက်ဆေးတော်တော်များများမှာ ဖလိုရိုက်ဓာတ်ကိုထည့်သွင်းလာကြပါပြီ။

ပွတ်တိုက်အားကောင်းအောင် ကျောက်မှုန့်တွေအများကြီးထည့်ထားတဲ့အရမ်းကြမ်းလွန်းတဲ့သွားတိုက်ဆေးကိုမသုံးသင့်ပါဘူး။ တိုက်ဖန်များလာရင်ကြွေလွှာတဖြည်းဖြည်းပြုန်းသွားတတ်ပါတယ်။ ခံတွင်းရနံ့သင်းအောင်ဆိုပြီး Menthol များများထည့်ထားတဲ့သွားတိုက်ဆေးတွေဟာလည်း၊ ပူလွန်းစပ်လွန်းပြီးကြာရင်ခံတွင်းသားနုနုတွေကို လောင်စေပါတယ်။ ဒါကြောင့် သွားအရောင်ဖြူစေတဲ့သွားတိုက်ဆေးတို့၊ ခံတွင်းနံ့သင်းစေတဲ့သွားတိုက်ဆေးတို့၊ အမျိုးမျိုးကြော်ငြာနေကြတာကို နားမယောင်ဘဲ၊ ဖလိုရိုက်ပါဝင်ပြီး၊ နူးညံ့တဲ့၊ အပူအစပ်ဓာတ်တွေအလွန်အကျွံထည့်မထားတဲ့သွားတိုက်ဆေးမျိုးကိုဘဲ ရွေးဝယ်သင့်ပါတယ်။

8 comments:

Unknown said...

သွားကို ဖြူအောင် ခြစ်တာတွေက ခဏခဏလုပ်ရင် ပြဿနာ ရှိပါသလား။ ပါးစပ်ထဲမှာ ဖာရာတွေ စွပ်ရာတွေနဲ့ မနေတတ်လို့ ပိုးစားထားတဲ့ သွားအပေါက်ကို မဖာဘဲ နောက်ပိုးမစားအောင်ဘဲ ကာကွယ်မယ်ဆို ရလားရှင်။

Dr. Nyan said...

သွားကိုကျောက်တွေပြောင်စင်သွားအောင်တနှစ်တစ
်ကြိမ်လောက်ဆေးခန်းမှာ ခြစ်ပေးသင့်ပါတယ်။ သွားဖုံးအောက်မှာ အနည်းနဲ့အများကျောက်တည်နိုင်ပြီး
သာမန်အားဖြင့်မတွေ့နိုင်ပါဘူး။ သွားဆေးခန်းမှာကိရိယာတွေနဲ့စစ်ဆေးကြည့်ရင်သိနိုင်
ပါတယ်။ အဲဒီလိုခြစ်တာက ပြဿနာမရှိပါဘူး။
တချို့ကကွမ်းယာဆေးလိပ်ကြောင့်သွားအရောင်တွေ
မကောင်းလို့သွားခြစ်ခိုင်းတတ်ပါတယ်။ ဒီအရောင်တွေက သွားမှာ စွဲကပ်လွန်းတာမို့ ကျောက်
ခြစ်သလိုအလွယ်တကူမကွာနိုင်ပါဘူး။ အကြာကြီးခြစ်
ရလေ့ရှိပါတယ်။ ပြောင်သွားပြီးပြန်သုံးရင်လည်းချက်ချင်း
အရောင်ပြန်ပြောင်းပါတယ်။ ခဏခဏအရောင်ကြောင့်သွားခြစ်တာဆိုရင်တော့ ကြာရင်ကြွေလွှာပွန်းနိုင်ပါတယ်။
သွားဖြူအောင် သွားဖြူဆေးကိုသုံးရပါတယ်။ carbamide peroxide / hydrogen peroxide တို့ပါပြီး
သွားမျက်နှာပြင်ပေါ်ကအစွန်းတွေအပြင်၊ သွားသားထဲကအရောင်စွန်း (တက်ထရာဆိုင်ကလင်းကို
ငယ်ငယ်ကသောက်ခဲ့ရသူတွေမှာသွားသားအတွင်းက
အ၀ါရောင်စွန်းတတ်ပါတယ်) ကိုဖယ်ရှားပေးပါတယ်။
ဆေးခနးမှာ ကိုယ့်သွားတွေရဲ့ပုံစံခွက်အတိုင်းကိုအရင်
ယူပြီး အံခွက်ပြုလုပ်၊ သွားဖြူဆေးကိုအံခွက်ထဲထည့်
ပြီး နာရီဝက်၊တစ်နာရီစသည်ဖြင့် ဆေးအမျိုးအစားပေါ်
မူတည်ပြီး သွားပေါ်မှာတပ်ထားရပါတယ်။ ပြီးရင်သွားကို
ရေစင်အောင်ဆေးပြီးရင်ပြီးသွားတာပါဘဲ။ အစပိုင်းမှာ သွားကျင်တတ်ပါတယ်။

သွားမှာအပေါက်ရှိနေရင် အချိန်မဆိုင်းဘဲချက်ချင်းဖာထေးသင့်ပါတယ်။ သွားပေါက်သေးတုံးမဖာရင် လွယ်လွယ်ကူကူသွားအရောင်အတိုင်းဖာနိုင်တဲ့သွား
ပေါက်ကကြီးလာပြီး သတ္တုနဲ့ဖာမှခိုင်တာ၊ သွားတခုလုံးစွပ်လိုက်ရတာတွေဖြစ်လာပါတယ်။ ပိုလည်းငွေကုန်ကြေးကျများပါတယ်။အဲဒီထက်ပိုဆိုးတာက သွားအတွင်းဆုံးက အာရုံကြောသွေးကြောတေ
အထိသွားပိုးစားတာရောက်သွားရင် အကြောသတ်ကုရတာ၊ သွားကိုစွပ်ရတာ၊ အဲလိုကုလို့မရ
တော့တဲ့အခြေအနေဆိုရင် သွားနှုတ်ပစ်လိုက်ရတဲ့အထိ
ဆိုးကျိုးတွေရှိနိုင်လို့ သွားပေါက်ရှိရင် မြန်မြန်ဖာထေးဖို့
တိုက်တွန်းပါရစေခင်ဗျား။

Taungoo said...

ဆရာရေ
ဒါဆို ကိုးလ်ဂိတ်က ပထမဆုံးပေါ့။ သွားတိုက်ဆေး အလွယ်တကူ ဝယ်မရတဲ့ဒေသတွေမှာ မီးသွေးတို့ ဆားတို့နဲ့ တိုက်တာကရော ဆေးပညာအမြင်နဲ့ သင့်လျော်ပါရဲ့လားဆရာ။

Dr. Nyan said...

ဟုတ်ကဲ့..မေးခွန်းလေးအတွက်ကျေးဇူးတင်ပါတယ်။
တချို့နေရာတွေမှာ အစဉ်အဆက်ကစလို့
ဆား၊မီးသွေးတို့နဲ့တိုက်လေ့ရှိကြတယ်။ လက်နဲ့တို့ပြီးပွတ်
တိုက်ကြတာပါ။ ကြွေလွှာပြုန်းတီးတာကို ပိုပြီးတွေ့ရပါတယ်။ ဘာလို့လဲဆိုတော့
(၁) ကြမ်းပါတယ်။ ဆားဆိုလည်းစားပွဲတင်ဆားသုံးတဲ့သူနည်းပါတယ်။ ဆားကြမ်းကိုဘဲ အသုံးများကြတာပါ။
(၂) သွားတိုက်တံနဲ့မဟုတ်ဘဲလက်ညှိုးစတာတွေနဲ့တိုက်ရလို့ သွားကြားတွေရောက်အောင်မတိုက်နိုင်ဘဲ ရှေ့မျက်နှာပြင်တွေကိုဘဲရောက်ပြီး ကြာတော့ မျက်နှာပြင်ကြွေလွှာတွေပွန်းလာတာပါဘဲ။
(၃) လက်နဲ့တိုက်ရင်သွားကြားက အစာတွေမပြောင်နိုင်ပါဘူး။ (သွားကြားမှာအစာပိုကျန်တတ်တာပါ)
(၄) မီးသွေးတို့ဆားတို့ကိုပိုးသတ်ပြီးသုံးတာမဟုတ်လို့
သွားဖုံးတွေမှာရောဂါပိုးဝင်နိုင်တဲ့အန္တရာယ်ရှိပါတယ်။
(၅) ခံတွင်းထဲကနေ ဆားဓာတ်တွေအများကြီးကိုယ်
ထဲဝင်နိုင်လို့ သွေးတိုးရောဂါသည်တွေပိုဆိုးနိုင်ပါတယ်။
တချို့လူကြီးတွေပြောတာကြားဖူးပါတယ်။ တို့တုံးကဆားမီးသွေးနဲ့ဘဲတိုက်လာတာဘာသွားရောဂါမှမဖြစ်ဘူး..ဆိုပြီး။ အဖြေက အဲဒီအချိန်တုံးက ခုခေတ်လိုအချိုသွားရေစာများများစားသုံးလေ့မရှိဘူး။
လဘက်ရည်၊ကော်ဖီဆိုလည်းအကြာကြီးစိမ်ပြီး ဆိုင်ထိုင်သောက်လေ့မရှိခဲ့ဘူး။ အစာစားပြီးရေနွေးကြမ်း သောက်တာစတဲ့ ကောင်းတဲ့အလေ့အကျင့်တွေရှိခဲ့တယ်။ဒါကြောင့်သွားပိုးစားရောဂါအဖြစ်နည်းခဲ့တယ်။
ဒါပေမယ့်၊ ဆံဖြူသွားကျိုးဆိုတဲ့ဝေါဟာရလိုဘဲ အသက်ကြီးလာတဲ့အချိန်မှာ (သွားကျောက်တွေတည်ပြီးရေစီးကမ်းပြိုသွားဖုံးရောင်
ရောဂါကြောင့်) သွားတွေအလိုလိုနဲ့လာပြီးကျွတ်ကြရပါတယ်။ သွားဖုံးရောင်ရောဂါကမနာလို့ ရောဂါဖြစ်လို့ဖြစ်မှန်းမသိပါဘူး။ အမှန်တော့သွားတိုက်နည်းမှန်မယ်၊ မှန်မှန်တိုက်မယ်ဆိုရင် ဆံဖြူတိုင်းသွားမကျိုးပါဘူး။

nu-san said...

ဆရာ Blog ကို ဒီနေ့မှ အေးအေးဆေးဆေး လာဖတ်ရလို့ သွားနဲ့ ပတ်သက်တဲ့ ဗဟုသုတတွေ အများကြီးရပါတယ်။ comment ထဲက အမေးအဖြေတွေအထိ ဖတ်ရတာ စိတ်ဝင်စားဖို့ကောင်းပါတယ်။ ရန်ကုန်မှာရော ဒီမှာပါ သုံးနေကြတဲ့ Listrine ဆေးရည်လိုမျိုး ဆေးတွေကရော လူကို အန္တရာယ်ပြုပါသလား ဆရာ။

Dr. Nyan said...

ကျေးဇူးတင်ပါတယ်မနုစံ။
Listerine လိုငုံဆေးတွေက လူကိုအန္တရာယ်မဖြစ်စေနိုင်ပါဘူးခင်ဗျား။ ခံတွင်းထဲကပိုးမွှားတွေအရေအတွက်ကို လျော့နည်းစေပြီး၊ သွားဖုံးရောင်တာကို သက်သာစေပါတယ်။ သွားမတိုက်နိုင်တဲ့လူနာတွေ၊ သွားညှိကုကိရိယာတွေတပ်ထားရသူတွေ၊ သွားစိုက်ထားသူတွေ၊ သွားနှုတ်ထားခါစနဲ့ သွားနဲ့ခံတွင်းခွဲစိတ်ကုသမှုလုပ်ထားရတဲ့သူတွေအတွက် ဒီငုံဆေးတွေက အများကြီးအကျိုးရှိပါတယ်။
ဒါပေမယ့် သာမန်လူတွေမှာတော့ သွားတိုက်တာ၊ သွားကြားထိုးကြိုးသုံးတာပုံမှန်မလုပ်ဘဲ ငုံဆေးငုံတာတခုတည်းနဲ့အစားထိုးလို့မရပါဘူး။ ငုံဆေးကအဓိကမဟုတ်ဘဲ အကူမျှသာဖြစ်ပါတယ်ခင်ဗျား။

Anonymous said...

ဆရာခင်ဗျာ

ရင်ထဲကသက်သက် said...

မင်္ဂလာပါဆရာ။ ။ အခုလို ဆရာဆည်းပူးလေ့လာထားတဲ့ပညာနဲ့ လောက အကျိုးကို သယ်ပိုးထမ်းဆောင်နေတာကို အရမ်းပဲဂုဏ်ယူလေးစားမိပါတယ်ခင်ဗျာ ။ ဆရာ့ကို အကူအညီတောင်းချင်တာက ကျွန်တော် ကိုးတန်း၊ဆယ်တန်း လောက်ကတည်းက ကွမ်းစားလာတာ အခု ငါးနှစ်နီးပါးလောက်တောင်ရှိနေပါပြီခင်ဗျာ အဲ့ဒါ ကျွန်တော့သွားမှာ ကွမ်းကျောက်တယ်နေသလို ကွမ်းကျောက် အနီတွေ အနည်းအကျင်းဖြစ်ပေါ်နေပါတယ်ခင်ဗျာ အဲ့ဒါကို ကျွန်တော် ကွမ်းကျောက်တွေ ကင်းစင်ပပျောက်သွားအောင် အကောင်းဆုံး ၊အထိရောက်ဆုံး၊ အလွယ်ကူဆုံး မည်သို့ ကုသမှုခံယူရင် ကောင်းမည်ဆိုတာကို သိချင်ပါတယ်ခင်ဗျာ ။ ကျေးဇူးပြု၍ ဖြေကြားပေးပါခင်ဗျာ