Monday, November 3, 2008

ကလေးသွားများအလေးထားစေချင်..


"ဆရာရေ..နှုတ်သာနှုတ်ပေးလိုက်ပါတော့ရှင်။ နာလို့ခဏခဏအော်နေရတာ။ ကျွန်မလည်းခဏခဏဆေးခန်းလိုက်မပို့နိုင်ဘူး။ ကြီးသွားပြန်ပေါက်မှာဘဲမဟုတ်လား။" ကလေးမိခင်တစ်ယောက်ကပြောလိုက်တာပါ။ ကလေးရဲ့ညာဘက်ငယ်သွားအောက်အံသွားနှစ်ချောင်းစလုံးပိုးစားနေပြီ၊ ဆေးခန်းရောက်တာနောက်ကျသွားလို့ သွားအူတိုင်ထိပိုးစားတာရောက်သွားတော့ အကြောလေးတွေရောင်ပြီး အကြောသတ်ကုသတာ (root canal treatment/ endodontic treatment) လုပ်ပေးပြီး၊ ပြန်ဖာလို့ရအောင်ကြိုးစားပေးနေတာပါ။ ငယ်သွားအံသွားတွေက ကလေးအသက် ၂နှစ်ခွဲကနေ၃နှစ်အတွင်းစပေါက်ပါတယ်။ အဲဒီအချိန်မှာ ကလေးကိုသွားတိုက်ပေးတဲ့၊ သွားတိုက်ခိုင်းတဲ့အလေ့အထမစွဲမြဲသေးဘူးဆိုရင်၊ အသက် ၅နှစ် ၆နှစ်လောက်ကစပြီး ဒီအံသွားတွေကိုပိုးစားပါတော့တယ်။ ၄နှစ်လောက်ကတည်းက ပိုးစားတဲ့ကလေးတွေတောင်တွေ့ဖူးပါတယ်။ ကျွန်တော်တို့မောင်နှမတွေက ကံကောင်းခဲ့ပါတယ်။ ဖေဖေကသူကိုယ်တိုင်သွားပိုးစားခံရပြီးသွားတွေနှုတ်ခံရဖူးတော့၊ စာအုပ်တွေကတဆင့် သွားကျန်းမာရေးအလေ့အကျင့်ကောင်းတွေကို သိလာပြီးလိုက်နာကျင့်သုံးတယ်၊ ကျွန်တော်တို့ မောင်နှမတွေကိုလည်း ညမအိပ်ခင်အမြဲသွားတိုက်ခိုင်းပါတယ်။ ကျွန်တော်က ငယ်ငယ်လေးကတည်းက ၁၀တန်းအထိ အအိပ်သိပ်မက်တယ်။ ညဆို (၈)နာရီထက်ကျော်ပြီးမနေနိုင်ခဲ့ဘူး။ တအားအိပ်ငိုက်လာပြီး သွားမတိုက်နိုင်တော့ဘဲ အိပ်ပျော်ပျော်သွားလေ့ရှိခဲ့ပါတယ်။ အဲလိုနေ့တွေဆို ဖေဖေက အိပ်ယာထဲကနေပွေ့ခေါ်လာပြီး မရမကသွားတိုက်ခိုင်းပြီးမှ ပြန်အိပ်ခိုင်းလေ့ရှိပါတယ်။ ဒီကျေးဇူးတွေကြောင့် ကျွန်တော်တို့တွေသွားပိုးမစားခဲ့ကြပါဘူး။

တချို့မိဘတွေက ကလေးကို အလိုလိုက်လွန်တယ်၊ သနားတယ်၊ ပေါ့ဆကြတယ်။ ကဲ..အိပ်ပါစေ။ ပိုးစားလည်းနှုတ်လိုက်ပေါ့၊ နောက်ကြီးသွားပြန်ပေါက်မှာဘဲ..ဆိုပြီးမကြပ်မတ်ကြဘူးလေ။ ခပ်ငယ်ငယ်ကတည်းကဘဲ ပိုးစားပြီပေါ့။ ငယ်သွားတွေက ကြီးသွားနဲ့စာရင် အရွယ်လည်းသေး၊ ကြွေလွှာလည်းပါးတယ်။ ပိုးစားပြီဆိုတာနဲ့ သွားအတွင်းဆုံးလွှာအူတိုင်အထိရောက်ဖို့သိပ်မြန်ပါတယ်။ ကလေးကသွားနာတယ်ပြောမှ ဆေးခန်းပြမိကြတဲ့အချိန်ကျတော့
ရိုးရိုးတန်းတန်းဖာထေးလို့မရအောင်ပိုးစားတာက သွားအတွင်းသားကိုရောက်နေပြီလေ။ စောစောက ကလေးမိခင်ပြောသလို သွားကိုဆေးမကုဘဲအရွယ်မတိုင်ခင်နှုတ်လိုက်မယ်ဆိုရင် ဘာတွေဖြစ်နိုင်လဲကြည့်ရအောင်။ အောက်ကဓာတ်မှန်ထဲမှာ အသက် (၇)နှစ်အရွယ်ကလေးတစ်ယောက်ရဲ့ခံတွင်းထဲမှာရှိတဲ့ ငယ်သွားနဲ့ကြီးသွားတွေ၊ ပေါက်ချိန်မတန်သေးလို့ သွားဖုံးရိုးထဲမှာဖွဲ့တည်ဆဲဖြစ်တဲ့၊ အမြစ်မစုံသေးတဲ့ကြီးသွားတွေကိုတွေ့ရပါမယ်။



ငယ်သွားအံသွားလေးကို ဒီအသက်အရွယ်မှာနှုတ်လိုက်ရတယ်ဆိုရင်၊ ပုံမှာအတိုင်း ကြီးသွားအံသွားကြီးက နှုတ်လိုက်တဲ့သွားနေရာကိုယိုင်ကျလာမယ်။


သူ့အောက်ကထွက်မယ့် ကြီးသွား (ဒုတိယအံသွားလေး) ပေါက်ရမယ့်အရွယ်ရောက်တော့ နေရာမှန်မပေါက်နိုင်တော့ဘဲ၊ လွတ်တဲ့နေရာတွေမှာ ဘေးသွားတွေနဲ့ထပ်ပြီး ပေါက်ရပါတော့တယ်။


သွားတွေထပ်တဲ့အတွက် အစာတွေကသွားထပ်တဲ့ကြားတွေထဲဝင်ပြီး သွားတိုက်လို့လည်း မပြောင်နိုင်တဲ့အတွက်၊ အသက်ငယ်ငယ်မှာဘဲ ကြီးသွားတွေပိုးစားရရှာပါတယ်။ ကလေးမိဘတွေသတိပြုစရာပါ။

ကိုယ့်ကလေးရဲ့အနာဂတ်ပညာရေး၊ ကျန်းမာရေး၊ စိတ်ပိုင်းဆိုင်ရာဖွံ့ဖြိုးတိုးတက်မှုစတာတွေအားလုံးဟာ၊ မိဘတွေရဲ့စံနစ်တကျပြုစုစောင့်ရှောက်မှုပေါ်မှာ အများကြီးတည်နေတာမို့၊ ကိုယ့်ကလေးကိုချစ်ရင်၊ ပစ္စုပ္ပန်အချိန်လေးကိုဘဲကွက်မကြည့်ဘဲ၊ ကလေးရဲ့အနာဂတ်အထိမျှော်တွေးစဉ်းစားပြီး၊ ငယ်ကတည်းက ကောင်းတဲ့အမူအကျင့်အတွေးအခေါ်လေးတွေကစပြီး သင်ကြားလေ့ကျင့်ပေးသွားဖို့လိုတယ်ဆိုတာ၊ အကြံပြုလိုက်ရပါတယ်။

6 comments:

nu-san said...

ဆရာရေ.. ဒီပို့စ်တွေ ဖတ်ရတာ တကယ်ကို အဖိုးတန်လှပါတယ်။ ဗဟုသုတလည်း ရတယ်။ သားသမီးရတော့လည်း သင်ကြားပေးလို့ရတာပေါ့။
ကျမတို့အဖေလည်း ငယ်ငယ်က သွားကို ဂရုမစိုက်မိတော့ သွားခဏခဏ နာတယ် သွားဖုံးယောင်တာမျိုးတွေ ဖြစ်တယ်။ သွားနဲ့ ပတ်သက်ပြီး ဝေဒနာ ခံစားရတယ်ပေါ့။ အခု အသက်ကြီးတော့ သွားတွေလည်း တချောင်းမှ မရှိတော့ပါဘူး။ ကျမတို့တွေကိုတော့ ညအိပ်ခါနီး သွားမတိုက်ရင် အင်မတန် စိတ်ဆိုးတယ်။ မဖြစ်ခင်တော့ ဂရုမစိုက်တတ်ကြဘူး၊ မခံစားဖူးတော့ မသိကြဘူးဆိုပြီးတော့။ ထမင်းစားပြီးရင်လည်း ပလုတ်ကျင်းခိုင်းတယ်။ မကျင်းမိရင် ဆူပါရော.. အခုတော့ အဖေ့ကျေးဇူးတွေကြောင့် ကျမကတော့ သွားနဲ့ပတ်သက်ပြီး ဝေဒနာ မခံစားရဘူး။ သိပ်မဖြစ်လိုလှဘူးပေါ့။ ကံကောင်းတယ် ပြောရမလား.. ငယ်ငယ်က အလေ့အကျင့်ကြောင့်လို့ပြောရမလားပဲ..

Dr. Nyan said...

လူကြီးပြောတာနားထောင်ပြီးအလေ့အကျင့်
လိုက်လုပ်ခဲ့တဲ့ကံကောင်းလို့ပေါ့မနုစံခင်ဗျား။

Andy Myint said...

ဒီပို့စ်အတွက် ကျေးဇူပါပဲ ဒေါက်တာဉာဏ်...

Anonymous said...

ကျမသမီးလေးအတွက် သိရလို့ ကျေးဇူး အထူးတင်ပါတယ် ဆရာ ဥာဏ်ရေ...

mie nge

Anonymous said...

သမီးလေးသွားတွေအတွက်လိုတိုင်း လာကြည့်နေဖြစ်လို့ ဒီဘလော့လေးကိုရေးတဲ့ ဆရာဦးဥာဏ်ကို ကျေးဇူးအထူး တင်ပါတယ်။

မယ်မီး

ဇော်လင်ထွန်း said...

ဆရာရေ အပေါ်အံသွား တစ်ချောင်း ပိုးစားလို့ကုန်ပြီး သူနဲ့တဲ့တဲ့ အောက်အံသွား တစ်ချောင်း ပိုးစားတာ တစ်ခြမ်း ကုန်တဲ့အထိ ရောက်နေလို့ သွားနဲ့ပတ်သက်တဲ့ အကြောင်းအရာတွေ သိချင်လို့် လိုက်ရှာနေတာ ခုမှပဲ ဆရာ့ ပို့စ် ကိုတွေ့ပြီးသိခွင့်ရတော့တယ်။ အရမ်းဝမ်းသာတယ် ။ ဆရာကို ဘယ်လိုကြေူးတင်မှန်းတောင် မသိတော့ဘူး။ ဆရာ ကျန်မာ ချမ်းသာပြီး အများကောင်းဖို့အတွက် ဆက်လက် ဆောင်ရွက်နိုင်ပါစေလို့ မေတ္တာ ဆန္ဒ္ဒပြုအပ်ပါတယ်။