သွားတုအရှင်ဆိုတာ...
သွားတွေကျိုးသွားလို့၊ ဒါမှမဟုတ်နှုတ်လိုက်ရလို့ အတုပြန်စိုက်တဲ့အခါ၊ လိုအပ်တဲ့သွားနေရာတွေမှာ သွားတုတွေထည့်ပေးပြီး၊ အဲဒီသွားအတုတွေကို သတ္တု-ဒါမှမဟုတ်ပလတ်စတစ်ပြားပေါ်မှာ ပေါင်းထည့်ထားတဲ့စိုက်သွားမျိုး၊ အသုံးပြုသူကိုယ်တိုင်ခံတွင်းတွင်းထည့်နိုင်၊ ကိုယ်တိုင်ဖြုတ်ဆေးနိုင်တဲ့ သွားတုစိုက်ခြင်းမျိုး။
သွားတုအရှင်ဘယ်အခါမျိုးမှာသွားတုအရှင်စိုက်
၁။ သွားတုကိုခံတွင်းထဲမြဲနေအောင်၊ ချိတ်နဲ့ချိတ်ထားနိုင်ဖို့ သဘာဝသွားကျန်ရှိသေးတဲ့အခါ
၂။ သွားသုံးချောင်းထက်ပိုပြီးတဆက်တည်းစိုက်ရမယ့်အခါ၊ (ဒီလိုနေရာမျိုးမှာ ဘေးသွားတွေကိုစွပ်ပြီးတံတားတွဲသလိုတွဲစိုက်တဲ့ သွားတုအသေစိုက်မျိုးစိုက်မိရင်၊ ၀ါးသမျှအားတွေကို သဘာဝဘေးသွားတွေကခံရတဲ့အတွက် ခဏလေးနဲ့သွားအကောင်းတွေနဲ့လာလှုပ်လာပြီး၊ ပျက်စီးလာနိုင်လို့ပါ။ ခုခေတ်ကုသမှုအရ၊ dental implant လို့ခေါ်တဲ့ တိုက်တေနီယမ်ဝက်အူကို အရိုးသားထဲစိုက်ထည့်ပြီး၊ သွားအသေစိုက်နိုင်ရင်အကောင်းဆုံးဖြစ်ပါတယ်။)
၃။ သွားတွေအများကြီးအစားထိုးရမယ့်အခါ
၎။ ကုန်ကျစရိတ်နည်းနည်းနဲ့သွားစိုက်ချင်တဲ့အခါ (မှတ်ချက်။ ။တကယ့်အဆင့်မီအရှင်စိုက်သွားတုက၊ သတ္တုအောက်ခံနဲ့ clasp လို့ခေါ်တဲ့ခိုင်မြဲမှုအတွက် သဘာဝသွားမှာချိတ်ရတဲ့ချိတ်၊ occlusal rest လို့ခေါ်တဲ့ သဘာဝသွားပေါ်မှာမှေးတင်ဝါးလို့ရအောင်ဆန့်ထုတ်ထားတဲ့ သတ္တုပိုင်းစတာတွေကို သတ္တုပုံလောင်းပညာ (metal casting) နဲ့လောင်းပြီး၊ ဒီအပေါ်ကမှ ပလတ်စတစ်စိုက်သွားတုကိုပေါင်းထည့်တဲ့ သွားတုပါ။ Skeletal denture လို့ခေါ်ပါတယ်။ ကုန်ကျစရိတ်လည်းကြီးပါတယ်)
သွားတုအရှင်စိုက်ခြင်းရဲ့ကောင်းချက်
၁။ သွားအသေစိုက်လို သဘာဝဘေးသွားတွေကို သေးသွားအောင်စက်နဲ့စားလိုက်စရာမလိုခြင်း
၂။ ပလတ်စတစ်သွားအံပုံနှင့်သွားတုများသုံးနိုင်ခြင်းကြောင့်၊ မတော်တဆကျိုးပဲ့သွား၊ သွားများနိမ့်သွားပါက ပြင်ဆင်ရလွယ်ခြင်း၊ ဘေးသွားပါနှုတ်ရသည့်အခါ၊ ရှိနှင်ြ့ပီးသားသွားတုအံကပ်တွင် စိုက်သွားထပ်ပေါင်းထည့်နိုင်ခြင်း
၃။ ဖြုတ်ဆေးနိုင်ခြင်းကြောင့် သန့်ရှင်းခြင်း
သွားတုအရှင်စိုက်ခြင်းရဲ့အားနည်းချက်
၁။ အဆင့်မြင့်Skeletal denture မဟုတ်ရင်၊ သွားတုအံပုံကို သွားဖုံးသားပေါ်တင်ထားရပြီး၊ သွားဖုံးသားပေါ်အားပြုဝါးရတဲ့အတွက်၊ ၀ါးအားနည်းခြင်း
၂။ သွားတုပြားက သွားဖုံးပေါ်ဧရိယာကျယ်ကျယ်အုပ်ထားရသဖြင့် နေထိုင်ရခက်ခြင်း၊ စုိုက်ခါစတွင် ကျင့်သားရဖို့အချိန်ယူရခြင်း
၃။ အံကပ်အောက်နှင့်ဘေးသွားများ၊ ချိတ်များပတ်ဝန်းကျင်တွေမှာ အစာတွေကပ်နေတတ်ပြီး၊ စားပြီးတိုင်းသန့်ရှင်းပေးဖို့၊ တိုက်ဆေးပေးဖို့လိုအပ်ခြင်း၊ မှန်မှန်ဖြုတ်မဆေးပါက ဘေးကပ်လျှက်သဘာဝသွားများပိုးစား၊ သွားဖုံးရောင်ဖြစ်တတ်ခြင်း
၎။ သွားဖုံးသားပေါ်တင်ထားအားပြုထားရတဲ့ ပလတ်စတစ်ခံသွားတွေကို ရေရှည်သုံးရရင် သွားဖုံးရိုးများတဖြည်းဖြည်းနိမ့်ကျလာခြင်း
သွားတုအရှင်သုံးတဲ့အခါလိုက်နာသင့်သည်များ
၁။ အစာစားပြီးတိုင်းဖြုတ်ဆေးပါ။
၂။ ဆေးတဲ့အခါ သွားပွတ်တံနုနု-ဆပ်ပြာတို့နဲ့ဆေးပါ။ သွားတိုက်ဆေး-သွားပွတ်တံအမျှင်ကြမ်းတို့နဲ့တိုက်ရင် ပလတ်စတစ်သားကပွန်းလာတတ်ပါတယ်။ ဆေးနေရင်းချော်ပြီးလွတ်ကျတတ်လို့ ရေဇလုံခံထားပြီးဆေးပါ။
၃။ သွားတုကိုဖြုတ်ဆေးချိန်၊ ခံတွင်းထဲကသဘာဝသွားတွေကိုလည်း၊ သွားတိုက်ဆေးသွားတိုက်တံနဲ့ တိုက်ပါ။ အထူးသဖြင့်သွားတုနဲ့ဘေးကပ်ရက်သွားမျက်နှာပြင်တွေ၊ ချိတ်ချိတ်ထားတဲ့သွားတွေကို အထူးဂရုစိုက်ပြီး တိုက်ပေးပါ။
၎။သွားတုကို အစာဝါးချိန်၊ လူတွေနဲ့စကားပြောရမယ့်အချိန်တွေမှာဘဲတပ်ပါ။ အိမ်မှာအနားယူချိန်၊ အထူးသဖြင့်ညအိပ်ချိန်တွေမှာ ဖြုတ်ထားပြီး၊ သွားဖုံးသားနဲ့ဘေးသွားတွေကို အနားပေးပါ။ သွားတုကိုတပ်ထားတဲ့အချိန်များလေ၊ သွားဖုံးရိုးနိမ့်ကျတာမြန်လေဖြစ်ပါတယ်။
၅။ ပလတ်စတစ်သွားတုက ခြောက်ကပ်သွားရင်၊ ပူလွန်းရင်ပုံပြောင်းသွားပြီး အံမကျဖြစ်တတ်လို့၊ ရေပူနှင့်မဆေးပါနှင့်၊ ချွတ်ထားချိန်မှာ၊ ရေထည့်ထားတဲ့ အဖုံးပါဘူးထဲထည့်သိမ်းပါ။
၆။ ဖြစ်နိုင်ရင်နှစ်စဉ်သွားဆရာဝန်ထံပြန်ပြပြီး၊ လိုအပ်တဲ့ ပြုပြင်မှုခံယူပါ။ နှစ်ကြာလာလျှင် သွားဖုံးရိုးများနိမ့်လာပြီး သွားတုချောင်လာ၊အံမကျဖြစ်လာတတ်သဖြင့်၊ ပလတ်စတစ်သားပိုးခြင်း၊ အသစ်လုပ်ခြင်းစသည်ဖြင့်လိုအပ်သလို ပြုပြင်ဖို့လိုအပ်ပါသည်။
၇။ ဘေးသဘာဝသွားများပိုးစားခြင်းစတဲ့ရောဂါဖြစ်လာပါက ချက်ချင်းကုသမှုလုပ်ပါ။
Read More...
Collapse...
ကိုယ့်ရဲ့မိခင်ဌာနကိုသတိရနေမိရင်း ဒီပို့စ်ကိုရေးလိုက်တာပါ။ ကျွန်တော်လက်ရှိသင်ကြားရေးဌာနကိုအလုပ်
ဝင်တာ ၂၀၀၂ ကမှပါ။ အရင်တုံးကစနစ်က နယ်ဆေးရုံလုပ်သက် ၁ နှစ်ပြည့်မှ တက္ကသိုလ်မှာ ဆရာပြန်လျှောက်လို့ရပါတယ်။ နယ်မှာ (၂)နှစ်ပြည့်လို့ ဘွဲ့လွန်တက်ဖို့ရန်ကုန်ပြန်ရောက်ချိန်မှာ နေရာလွတ်မရှိသေးလို့ မလျှောက်ခဲ့ရပါဘူး။ ဘွဲ့လွန်ဒုတိယနှစ်လောက်မှာနေရာလွတ်သွားလို့ လျှောက်လိုက်ပြီး ဆရာစဖြစ်သွားခဲ့ပါတယ်။ရောက်ပြီးသိပ်မကြာခင်မှာဘဲ စာတွေဖတ်ခိုင်းပြီးပါမောက္ခက သင်ကြားရေးတွေစခိုင်းတော့တာပါဘဲ။
ကျွန်တော်တို့ကျောင်းသားဘ၀တုန်းကတော့ Audio.Visualသင်ထောက်ကူတွေ ခေတ်မစားသေးပေမယ့်၊ ကိုယ်ဆရာပြန်ဖြစ်တဲ့အချိန်မှာတော့ ကျောင်းမှာ projectorတွေ computer တွေတပ်ထားပေးပြီမို့၊ ကျောင်းသားတွေကံကောင်းလှပါတယ်။ ကံမကောင်းတာက ကျွန်တော်ပါ။ ပါမောက္ခလက်အောက်က ဆရာတစ်ဦးက ကျွန်တော့်ကိုခိုင်းလိုက်ပါတယ်။ Floppy disk တခုပေးပြီး ဒီထဲက file ကို ပါမောက္ခခန်းထဲက computer ထဲကူးထည့်လိုက်ကွာတဲ့။ computerဆိုတာ တီဗီscreenနဲ့ လက်နှိပ်စက်တွဲထားတဲ့ထူးဆန်းတဲ့အရာ..ဆိုတာလောက်ဘဲသိတဲ့ ကျွန်တော်တော်တော်ချွေးပြန်သွားပါတယ်။ floppy ထဲကfile ကိုတွေ့တွေ့ကြီးနဲ့မကော်ပီတတ်ဘူးဗျာ။ တုံးပုံများ။ နောက်ဆုံးတော့ဆရာက ကျွန်တော့်ကိုချီးမွမ်းပါတယ်..မင်းတို့တွေ computer illiterate ကွန်ပြူတာ-စာမတတ်သူများ ဘဲတဲ့။ ဒါနဲ့များ ဘွဲ့လွန်လာတက်နေသေးတယ်ဆိုပြီးဆူပါသေးတယ်။ ကျွန်တော်လည်း ဒီတော့မှ ကိုယ့်အခြေအနေတော်တော်သဘောပေါက်သွားပါတယ်။ နယ်မှာတုန်းကဆေးရုံနဲ့ဆေးခန်းပြေးနေရ၊ နေစရာလေးငှားနေနိုင်အောင်လုံးပန်းနေရတာနဲ့ အပိုဗဟုသုတတွေနဲ့လည်းဝေးနေခဲ့ရတာပါ။ ဘွဲ့လွန်တက်တော့လည်း၊ ကျောင်းကပြန်၊ ဆေးခန်းနဲ့ ရန်ကုန်မှာ ရပ်တည်နိုင်အောင်လုံးပမ်းနေရတာမို့ ကွန်ပြူတာသင်တန်းတွေဘာတွေလည်းမတက်နိုင်ပါဘူး။ ဖြစ်ချေဘူးဆိုပြီး အကြွေးဝယ်ကဒ်နဲ့ ICTပြပွဲမှာကွန်ပြူတာတစ်စုံ မျက်လုံးမှိတ်ဝယ်ချလိုက်ပါတော့တယ်။ မျက်လုံးဖွင့်ကြည့်လည်းဘာမှမှနားမလည်တာ။ မှတ်မှတ်ရရ ၂၀၀၂ ဇန်န၀ါရီလ။ ၅သိန်းကြီးများတောင်ကျပါတယ်။ Windows Me သွင်းပြီးသား။
စစချင်းကိုယ့်ရဲ့ဘွဲ့လွန် Thesis ကို ဆိုင်မအပ်ဘဲ ကိုယ်တိုင်ရိုက်မယ်ဆိုပြီး၊ KMD မှာ ဆရာလုပ်ဖူးတဲ့ သူငယ်ချင်းတစ်ယောက်ကို ဘာနဲ့ရိုက်ရင်အလွယ်ဆုံးလည်းမေးတော့ Word ကလွယ်ကြောင်းပြောပြပြီး file လေးစဖွင့်ပေးပါတယ်။ ကျွန်တော်လည်း အုန်းသီးရသလို ပျော်ပြီး ည(၁၀)နာရီလောက်ဆေးခန်းပြီးချိန်ကစလို့ ရိုက်တော့တာပါဘဲ။ ပြီးတော့ ကျကျနန start- shut downနဲ့ကွန်ပြူတာပြန်ပိတ်အိပ်ပေါ့ဗျာ။ နောက်နေ့ပြန်ကြည့်တော့ လား..လား..ဘာမှမရှိတော့ဘူးဗျို့။ ဒါနဲ့သူငယ်ချင်းကို၊ တယ်ရင်း ကယ်ပါအုံး ငါ့စာတွေ ဗိုင်းရပ်ဆိုတာကိုက်သွားပြီလား..မေးတော့၊ မင်းကလည်း၊ ဘယ်ကလာဗိုင်းရပ်ရမှာလဲ..မင်းfile ကို save မှမလုပ်ရသေးဘဲ computer ပိတ်လိုက်တာကိုး...တဲ့။ အ..ပါပေ့နော်။ အဲ..အဲသလို စမ်းတ၀ါးဝါးနဲ့ ကလိရင်းကလိရင်း computer နဲ့တော်တော်ကြီးရင်းနှီးလာလိုက်တာ၊ ၂၀၀၂ဒီဇင်ဘာမှာစာတမ်းတွေတင်ရတော့ ကိုယ်ကအရင်ဆုံးပြီးသွားရော။ ကိုယ်တိုင်ရိုက်တော့အမှားနည်းတယ်လေ။ သူများတွေအပြင်စာစီစာရိုက်တွေမှာအပ်တော့ medical term တွေမှာ စာလုံးပေါင်းတွေတအားမှားလို့ ပြင်မဆုံးဖြစ်ကြရတာလေ။ သူငယ်ချင်းတွေရဲ့စာတွေပါနောက်ပိုင်းပြင်ပေးနိုင်လိုက်ပါတယ်။ computer ကိုလည်းစိတ်ဝင်စားသွားပြီး software မျိုးစုံဝယ်သွင်း ကလိနဲ့အမှားတွေထဲကနေ ကိုယ့်ဘာသာသင်ရပါတော့တယ်။ ၂၀၀၃ ရောက်တော့ junior ဘွဲ့လွန်တွေကို၊ စာရင်းအင်းဆိုင်ရာတွက်ချက်မှု-statistical analysis လုပ်ပေးတာ၊ ဌာန lecture powerpoint တွေလုပ်ပေးတာလုပ်နိုင်လာပြီး၊ ဒီလာတော့ သုတေသနလုပ်ရတာ အားလုံးအဆင်ပြေပြီး၊ အခက်အခဲရှိတဲ့သူတွေကိုပြန်ကူညီပေးနိုင်တဲ့အထိ knowledge လေးတွေရလာပါတော့တယ်။ စာတမ်းတွေမြန်မြန်ပြီးတာလည်း ဒီ knowledge ကျေးဇူးပါပါတယ်။ ဂျပန်သူငယ်ချင်းတွေရော၊ နိုင်ငံခြားသားသူငယ်ချင်းတွေကိုပါ၊ ၀င်းဒိုးသွင်းတာကစလို့ photoshop, statistics, illustrator စတဲ့သုတေသနမှာ လိုအပ်တဲ့ဆော့ဖ်ဝဲလ်သုံးနည်းတွေပြပေးနိုင်လို့၊ သူတို့တွေကအထင်ကြီးကြပါတယ်။ ဘယ်ကတည်းကသင်ခဲ့သလဲ..စသည်ဖြင့်မေးကြတယ်။ ကျွန်တော်ကတော့၊ ကျွန်တော့်ကို computer illiterate လို့သတိပေးဆုံးမပေးခဲ့တဲ့ဆရာကိုဘဲ အကြိမ်ကြိမ်ကျေးဇူးတင်နေမိပါတော့တယ်။
ပါမောက္ခအပါအ၀င်ဒီဆရာတွေက ဂျပန်မှာပညာလာသင်ဖူးကြပြီးသူတွေဖြစ်ပြီး၊ တပည့်တွေကို ကြိုးစားချင်စိတ်ရှိအောင် အတွေ့အကြုံလေးတွေ စာသင်ရင်းပြောပြလေ့ရှိပါတယ်။ ၂၀၀၃ မှာ scholarship စာမေးပွဲလုပ်တော့ အစစအရာရာကြိုပြင်ထားဖို့၊ အင်္ဂလိပ်စာပြန်လေ့လာဖို့၊ သတိပေးခဲ့ကြပါတယ်။ ကျွန်တော်အောင်ပြီး ကံမကောင်းတော့ policy အပြောင်းအလဲဖြစ်ပြီး PhD သင်တန်းက နှစ်ရှည်မို့လို့မလွှတ်တော့ဘူး..ဆိုပြီး တာဝန်ရှိသူတွေကဆုံးဖြတ်ခဲ့တဲ့အတွက် မလာခဲ့ရပါဘူး။ ဒီစာမေးပွဲအောင်ဖို့၊ စိတ်ဓာတ်ဦးနှောက်နဲ့မိသားစုအချိန်လေးတွေရင်းနှီးပေးဆပ်ခဲ့ရတဲ့ ကျွန်တော် တော်တော်လေးစိတ်ဓာတ်ကျသွားခဲ့ရပြီး ကိုယ့်ကံကိုလည်းကိုယ်မယုံနိုင်တော့ဘဲဖြစ်သွားခဲ့ရပြီး confidence တွေပျောက်ကုန်ပါတယ်။ အဲဒီတုန်းက ကျွန်တော့်ကို ဌာနကဆရာတွေက နေ့လည်ဝိုင်းထမင်းစားချိန်မှာ ဂျပန်ပညာသင်ခဲ့တုန်းက အကြောင်း တွေကို၊ ရီစရာတွေရော၊ စိတ်ဝင်စားအားကျစရာတွေရော၊ ရသစုံအလှည့်ကျပြောပြကြရင်း ကျွန်တော်လာချင်စိတ်ပြန်ဖြစ်အောင် အားပေးခဲ့ကြပါတယ်။ ဆရာအားလုံးက ညီအမတက္ကသိုလ် (sister universities)စာချုပ်ချုပ်ထားတဲ့တိုကျိုဆေးနှင့်သွားတက္ကသိုလ်မှာ တက်လာခဲ့ကြသူတွေမို့၊ ဒီမလာခင်ကတည်းက တက္ကသိုလ်နဲ့ အဆောင်ရဲ့ပုံရိပ်တွေမျက်စိထဲမှာမြင်ယောင်၊နားနဲ့အလွတ်ရနေခဲ့ပြီးဖြစ်နေခဲ့ပါတယ်။ ၂၀၀၄ မှာနောက်တစ်ခေါက် scholarship စာမေးပွဲလာတော့၊ လွတ်လွတ်ကျွတ်ကျွတ်ထပ်အောင်ပြီး အောင်မြင်စွာလာနိုင်၊ သုတေသနတွေလုပ်နိုင်နေတာဟာ ဆရာသမားတွေရဲ့ကျေးဇူးတွေကြောင့်ပါ။ မလာခင်ဂျပန်စာသေချာလေ့လာသွားဖို့လည်း တိုက်တွန်းခဲ့ကြလို့၊ ကျောင်းအလုပ်ကအပြန်၊ မိုးမိဂျိမှာ ၂လကျော်ဂျပန်စာသင်ခဲ့တာတွေက ဌာနမှာပေါင်းသင်းဆက်ဆံရေးကောင်းစေပြီး၊ သုတေသနမှာပါ အထောက်အကူဖြစ်စေပါတယ်။ ဘယ်သူမဆို ကိုယ့်နိုင်ငံဘာသာစကားပြောတတ်တဲ့နိုင်ငံခြားသားဆို ခင်ချင် ကူညီချင်တာဘဲလေ။ ဂျပန်မှာ easy life နေနိုင်နေတာဒီကျေးဇူးတွေကြောင့်ပါ။ အာစရိယဂုဏော အနန္တော...
Read More...
Collapse...
downloaded from www.dailykids.net
တနေ့ကညီလေးပို့လာလို့အဖေ့ဓာတ်ပုံတွေ့ရသည်။ အော်..အဖေတောင်အိုစာသွားပါပေါ့လား။
မိသားစုအတွက်အလုပ်လုပ်ခဲ့သည့်၊ အနာဂါတ်ကိုမျှော်မြင်ပြီးငွေကိုစံနစ်တကျစုတတ်၊ သုံးတတ်သည့်၊သားသမီးတွေပညာရေးအတွက်၊ စည်းစံနစ်ချပေးခဲ့သည့် အဖေသည်ကျွန်တော်ဧ။်စံပြ role model ဖြစ်ခဲ့သည်။
အဖေက၀ိဇ္ဖာတွဲဖြင့်ဘွဲ့ရသော်လည်း သိပ္ပံပညာကိုဝါသနာပါသည်။ စက်ပစ္စည်းဝါသနာပါသည်။ အီလက်ထရွန်းနစ်စာအုပ်ဖတ်ပြီး၊ ကိုယ်တိုင်မီးအားမြှင့်စက်ဆင်သည်။ ခုလိုကွန်ပျူတာခေတ်ရောက်တော့လည်းကွန်ပျူတာဝါသနာပါပြန်သည်။ စိုက်ပျိုးရေးလည်းဝါသနာပါသည်။ ရှယ်ယာနှင့်စပါးစိုက်ဖူးသည်။ မွေးမြူရေးလည်းလုပ်တတ်သည်။ နယ်ကိုတာဝန်ကျတော့ ၀က်ကလေးတွေ ကြက်ကလေးတွေမွေးဖူးသည်။ ကြက်ဥဖောက်စက်ကိုယ့်ဘာသာထွင်လုပ်သည်။ အဘိုးဆီက ဆောက်လုပ်ရေးပညာနှင့် မြန်မာရိုးရာတူရိယာတီးမှုတ်မှုအမွေရခဲ့သဖြင့် အိမ်ပုံစံ blue print ကိုကိုယ်တိုင်ဆွဲသည်။ အနုပညာလည်းရသည်။ တပည့်တွေကိုစေတနာကြီးမားစွာစာသင်ပေးတတ်တဲ့ဆရာစိတ်လည်းရှိသည်။ ရုံးချိန်ပြီးသည်နှင့် အိမ်ကအင်္ဂလိပ်စာကျူရှင်၊ ညပိုင်း၈နာရီလောက်အထိ၊ အိမ်သင်၊ မအားရအောင် သမ္မာအာဇီဝအလုပ်၊ ကုသိုလ်လည်းရသည့်အလုပ်ဖြင့်မိသားစုကိုရှာကျွေးခဲ့သည်။ အမှန်တရားကိုမြတ်နိုးပြီး၊ လာဘ်မစားသည့်ပြည်သူ့ဝန်ထမ်းကောင်းဖြစ်ခဲ့သည်။ ဆောက်လုပ်ရေးပစ္စည်းကုန်သွယ်ရေးမှာလုပ်ပိုင်ခွင့်ရှိသည့်နေရာတစ်ခုမှာ အကြီးအကဲဖြစ်ခဲ့သော်လည်း၊ အိမ်ဆောက်သည့်သံသွပ်ပစ္စည်းကအစ ဘိလပ်မြေအဆုံး၊ ရုံးနှင့်လွတ်လွတ်ကင်းကင်းအပြင်က၀ယ်ပြီး၊ ခြစ်ခြစ်ချုတ်ချုတ်စုငွေလေးဖြင့် နည်းနည်းစီနှင့်ကိုယ်တိုင်တတ်နိုင်သမျှလေးနှင့်ကြိုးစားပြီး၊ အိမ်လေးတစ်လုံးရအောင်ဆောက်ကာ၊ မိသားစုမျက်နှာမငယ်အောင်ထားခဲ့သည်။ အဖေ၀ယ်သည့်မြေကမြို့စွန်ပိုင်းမှာ လူတောင်သိပ်မစည်ခဲ့သည့်နေရာဖြစ်သည်။ ကျွန်တော်တို့တွေကသဘောမကျခဲ့။ အဖေကတော့သူသမ္မာအာဇီဝဖြင့်ရှာနိုင်သမျှကို သူ့အတွက်မသုံးဘဲ မိသားစုအတွက်စုခဲ့တာဖြစ်သည်။ အိမ်လေးဆောက်တော့၊ သားအဖနှစ်ယောက်၊ သဲဆန်ကာချ၊ မဆလာဖျော်-ကိုယ်တိုင်ဖောင်ဒေးရှင်းခင်းခဲ့ကြသည်။ အဖေ့နားမှာအမြဲကူတတ်သည့်ကျွန်တော်အဲဒီချိန်တွေတုန်းက တော်တော်လေးအပင်ပန်းခံနိုင်သည်။ မနက်ကနေ ညနေအဖေရုံးဆင်းချိန်ထိ သဲဆန်ကာချ၊ လွှဖြတ်စသည်ကိုပြင်ဆင်ပေးနိုင်ခဲ့သည်။ အဖေလာတော့ နှစ်ယောက်သားအုတ်စီကြပြီး၊ နံရံအချောကိုင်တော့မှ ပန်းရံဆရာငှားခိုင်းတော့သည်။ တက္ကသိုလ်တက်ဖို့ရန်ကုန်သွားခါနီးနေ့အထိ ပန်းရံနှင့်လက်သမားအလုပ်တွေကျွန်တော်လုပ်နေခဲ့သည်။ နောက်နှစ်ကျောင်းပိတ်တော့အိမ်လေးပြီးသွားပြီ။
အဖေနှင့်ငယ်တည်းက အတူနေနေရတော့ ကျွန်တော်သည်လည်းအဖေ့လိုဘဲ၊ ဘာမဆိုလုပ်တတ်ချင်၊ ကိုယ်တိုင်လုပ်ချင်ဖြစ်လာသည်။ အဖေ့လိုဘဲဟင်းချက်ရင်အချိုမှုန့်သုံးတာမကြိုက်။ဆီများတာမကြိုက်။ အဖေနှင့်အမေနောက်ဈေးဝယ်လိုက်ဆွဲကူနေကျဖြစ်ခဲ့တော့၊ စစ်စစ်စီစီဈေးဝယ်တတ်လာသည်။ သားသမီးတွေအတွက်ချက်ပြုတ်ကျွေး၊ မုန့်လုပ်ကျွေးတာဝါသနာပါသည့်အဖေ့လို ကျွန်တော်လည်း အချက်အပြုတ်ဝါသနာပါလာသည်။ အ၀တ်အစားအသုံးအဆောင်ဝယ်တာထက်၊ နေစရာအတွက်ကိုအရင်ဦးစားပေးစုတတ်သည့်အဖေ့လိုဘဲ ဦးစားပေးမလိုဘူးထင်တာဝယ်ဖို့ ကျွန်တော်သည်လည်းနှမျောတတ်လာသည်။ အဖေက ကျန်းမာရေးအသိအမြင်လည်းရှိသည်။ မနက်ဆို စောစောထပြီး အဖေနှင့်အတူမောင်နှမအားလုံးတန်းစီပြီး ကိုယ်လက်လေ့ကျင့်ခန်းလုပ်ရသည်။ မနက်တိုင်း။ ညဖက်မအိပ်ခင် ယောက်တိုင်းသွားတိုက်ပြီးပြီလားနေ့တိုင်းစစ်ဆေးတတ်သည်။ သွားမတိုက်ဘဲ အိပ်နေလျှင်ပွေ့ခေါ်ပြီး သွားတိုက်သည့်နေရာသို့ပို့ပေးကာတိုက်စေခဲ့သည်။ ဆုပေးဒဏ်ပေးစံနစ်ကိုသုံးပြီး၊ ကျွန်တော်တို့ငယ်ငယ်ကဆိုလျှင် ဆန်ရွေးလျှင် စပါးလုံးဘယ်နှစ်လုံးရရင် ဘယ်လောက်၊ ခဲဘယ်နှစ်လုံးတွေ့ရင်ဘယ်လောက်စသည်ဖြင့်သတ်မှတ်ပြီး ဆုပေးလေ့ရှိပြီး၊ အသီးသီးစုဘူးအတွင်းထည့်စုစေသည်။ နှစ်အတန်ကြာတော့မောင်နှမတွေစုထားသည့်ငွေတွေက အိမ်အတွက်အသုံးတည့်လာခဲ့သည်။ သားသမီးတို့
ဧ။်ပေါင်းသင်းဆက်ဆံရေးကအစ၊ ကြပ်ကြပ်မတ်မတ်စောင့်ကြည့်ပူပန်တတ်ခဲ့သည်။ ရုပ်ရှင်ဆိုမိသားစုတွေအားလုံးစုံစုံလင်လင်အတူပြလေ့ရှိသည်။ သူငယ်ချင်းများနှင့်သွားခွင့်မရှိ။ ဒါ၉တန်း၁၀တန်းအထိဖြစ်သည်။ သားသမီးတွေကိုစားချိန်တန်စား ကစားချိန်တန်ကစား၊ စာကျက်ချိန်တန်စာကျက် စံနစ်တကျစောင့်ကြည့်ပျိုးထောင်ပေးခဲ့သည့်အဖေ့လက်အောက်မှာလူလားမြောက်ခဲ့သည့် ကျွန်တော်သည်လည်း၊ သမီးကို၊ မိန်းမကို ထိန်းချုပ်ကန့်သတ်စောင့်ကြည့်၊ အမုန်းခံစည်းကမ်းထုတ်တတ်သည့် အိမ်ဦးနတ်ဖြစ်လာခဲ့သည်။ (ချက်တင်တွေပါလိုက်ချက်တတ်လို့မိန်းမကကျွန်တော့်ကို သိပ်မကြည်ပါဘူး။ ဘယ်သူနဲ့မချက်နဲ့ဘယ်သူ့ကို block လုပ်ထား..လို့တော့ကျွန်တော်မပြောပါဘူး။ အဲလောက်ထိတော့မချုပ်ချယ်ပါဘူး။) အဖေကအမေ့ကိုလည်းသိပ်ချစ်သည်။ ခေါ်သည်ကိုက ချစ်..တဲ့။ ဒါပေမယ့်အရမ်းတော့အလိုမလိုက်။ အမေကမိန်းမပီပီ အ၀တ်အစားလက်ဝတ်လက်စားဝယ်ချင်သည်။ အဖေက အိမ်ကအဓိက..တခါတလေပြဿနာတက်တတ်ကြသည်။ အဖေ့လိုဘဲ ကျွန်တော်သည်လည်းမိန်းမချစ်တတ်သည့်ယောင်္ကျားတစ်ယောက်ဖြစ်လာသည်။ အဖေ့နဲ့စာလျှင်တော့ မိန်းမကိုအလိုလိုက်ပါသည်။ ရည်းစားဖြစ်စကတည်းက ဆို-က-ရေး-တီးဆုရငွေဖြင့် ရွှေနားကပ်လေးတရံစ၀ယ်ပေးခဲ့ဖူးသည်။ အိမ်ထောင်ကျပြီးလည်းဘဲ့ မိန်းမနှင့်လိုက်မည်ထင်လျှင်ဝယ်ပေးချင်တတ်သဖြင့် ကိုယ့်ဘာသာ ချွန်းအုပ်နေရသည်။ အိမ်ထောင်ဦးစီးဖြစ်နေသဖြင့် စားဝတ်နေရေးဘက်ပေါင်းစုံတာဝန်ရှိနေသည်မဟုတ်လား။
အဖေကသားသမီးတွေနဲ့လည်းအတူဆော့ကစားပေးတတ်သည်။ ကျွန်တော်ငယ်ငယ်ကဆို အဖေကိုယ်တိုင်စွန်လုပ်ပေးသည်။ စွန်ဖြတ်ဖို့မှန်စာထောင်းပေး၊ မှန်စာတိုက်ပေးသည်။ ညဖက်ဆိုမိသားစုတွေမိုနိုပိုလီဆော့ကြ၊ ဘင်ဂိုဂိန်းဆော့ကြ၊ ခုထိအမှတ်ရစရာတွေဖြစ်သည်။ ဒီလိုအဖေနှင့်ကြီးပြင်းလာခဲ့သည့်ကျွန်တော်သည်လည်း ကလေးတွေနှင့်ဆော့ကစားပေးရတာဝါသနာပါသည်။ သမီးနဲ့ဆော့ရလျှင်ပျော်သည်။ အဖေအမေနှင့်အတူကစားရသည့်သားသမီးဧ။် ခံစားချက်ဖီလင်ကိုနားလည်သည်။ မယ်ဒလင်လေးတီးပြီး၊ ခေတ်ဟောင်းတေးတွေဆိုပြတတ်သောအဖေသည်၊ မြန်မာ့ရိုးရာကိုလည်းထိန်းသိမ်းတတ်သူဖြစ်သည်။ စတီရီယိုကိုတော့သိပ်အားမပေးခဲ့။ ကျွန်တော်ကတော့ဂီတဆိုဘာမဆိုကြိုက်ပါသည်။ အဖေ့ဆီက အတီးအခတ်ပညာအမွေတော့မရခဲ့။
စေတနာညကျောင်းတွေမှာ အခမဲ့စာသင်ပြလာခဲ့သည့်အဖေ့လို ကျွန်တော်လည်းစာသင်တာဝါသနာပါလာခဲ့သည်။ မတတ်မချင်းသင်ပေးချင်စိတ်ရှိလာသည်။ တပည့်တွေစာမေးပွဲအောင်လျှင် ဂုဏ်ထူးထွက်လျှင်ဝမ်းသာပီတိဖြစ်တတ်လာသည်။
အဖေ့ကျေးဇူးတွေက ပြောမကုန်။ အော်...ကျွန်တော်အဖေနှင့်မတွေ့ရတာကြာသွားပြီ။ နောက်၅လဆိုအဖေနှင့်ပြန်တွေ့ရတော့မည်။ အဖေကျန်းမာပါစေ။
Read More...
Collapse...
ဆေးပညာအပါအ၀င်သိပ္ပံပညာရပ်တွေဟာ၊ သုတေသနသစ်တွေ ရှာဖွေတွေ့ရှိချက်သစ်တွေနဲ့အမြဲပြောင်းလဲတိုးတက်နေပါတယ်။ ကိုယ်ခန္ဓာအစိတ်အပိုင်းတစ်ခုခုရောဂါဖြစ်ရင်၊ ဆေးပေးပြီးကုသတယ်။ လိုအပ်ရင်ခွဲစိတ်ကုသတယ်။ သိပ်ဆိုးနေရင်ခွဲထုတ်ဖြတ်ထုတ်ပစ်ရပြီး အတုတွေနဲ့အစားထိုးကြရပါတယ်။ အတုတွေက သဘာဝကိုယ်ခန္ဓာအစိတ်အပိုင်းတွေလို လုပ်ငန်းဆောင်တာမလုပ်နိုင်ပါဘူး။ ဒါက ၁၉၉၀မတိုင်ခင်အထိပါ။ ၁၉၉၀နောက်ပိုင်းကစပြီး တစ်ရှူးတည်ဆောက်ခြင်းဆိုတဲ့ Tissue Engineering ပညာရပ်ပေါ်ပေါက်လာခဲ့ပြီး Regenerative Medicine လို့ခေါ်တဲ့ ကိုယ်ခန္ဓာအစိတ်အပိုင်းအသစ်ပြန်လည်ဖွဲ့စည်းစေခြင်းအားဖြင့် ပျက်စီး၊ဖြတ်တောက်လိုက်ရတဲ့ကိုယ်ခန္ဓာအစိတ်အပိုင်းတွေကို အတုတပ်တာမဟုတ်ဘဲ တကယ့်သဘာဝအစိတ်အပိုင်းတွေလို လုပ်ငန်းဆောင်တာလုပ်ဆောင်နိုင်အောင်ကုသပေးတဲ့ပညာရပ်ခေတ်စားလာခဲ့ပါတယ်။ သုတေသနတွေမျိုးစုံလုပ်ပြီးကိုယ်အဂါင်္အစိတ်အပိုင်းတွေအသစ်ဖွဲ့စည်းနိုင်မယ့်နည်းလမ်းသစ်တွေကြံဆရှာဖွေလာခဲ့ကြပါတယ်။ အရိုး၊ အရိုးနု၊ အသား၊ ရိုးတွင်းခြင်ဆီ၊ ဆီးအိမ်စတဲ့အစိတ်အပိုင်းတွေအသစ်တည်ဆောက်တဲ့နည်းလမ်းတွေအောင်မြင်စွာတွေ့ရှိခဲ့ကြပြီး လူသားတွေမှာကုသမှုတွေပေးနေပါပြီ။ နှလုံး၊ သွေးကြော၊ ပန်ကရိယ၊ အသည်းစတဲ့အရေးကြီးတဲ့ကိုယ်တွင်းကလီစာတွေအသစ်ဖွဲ့စည်းနိုင်အောင်သုတေသနတွေလုပ်နေကြဆဲဖြစ်ပါတယ်။ ကိုယ်ခန္ဓာအစိတ်အပိုင်းတွေထဲမှာအပါအ၀င်ဖြစ်တဲ့ သွားကိုလည်းအသစ်ဖွဲ့စည်းနိုင်အောင်၊ သုတေသနပြုနေကြဆဲဖြစ်ပါတယ်။
ဒီလိုမျက်မှောက်ခေတ်ဆေးပညာမှာအရေးပါလာတဲ့ Tissue Engineering ပညာရပ်အကြောင်းနည်းနည်းဗဟုသုတအဖြစ်ရေးပြချင်ပါတယ်။ Tissue Engineering မှာမရှိမဖြစ်လိုအပ်တဲ့အရာ ၃ခုရှိပါတယ်။ Cells-ဆဲလ်တွေ၊ Signal လို့ခေါ်တဲ့ ဒီဆဲလ်တွေကိုအသစ်ဖွဲ့စည်းစေချင်တဲ့တစ်ရှူးအဖြစ်ဖွဲ့စည်းစေအောင်လှုံ့ဆော်ပေးတဲ့ ဓာတ်တွေနဲ့ ဆဲလ်တွေတွယ်ကပ်ပွားများပြီးတစ်ရှူးဖွဲ့စည်းနိုင်အောင်ထောက်ကူပေးတဲ့ scaffold ခေါ်တဲ့ပစ္စည်းတွေဖြစ်ပါတယ်။
ဒါကြောင့်ဒီလိုTissue Engineering သုတေသနတွေလုပ်မယ့် သူတွေဟာ၊ ကိုယ်တည်ဆောက်မယ့်ကိုယ်အဂါင်္အစိတ်အပိုင်းနဲ့ဆိုင်တဲ့ ဆဲလ်တွေအကြောင်း၊ ကိုယ်ခန္ဓာအစိတ်အပိုင်းအမျိုးမျိုးအတွက်ဆိုင်ရာဆဲလ်အသီးသီးအဖြစ်အသွင်ပြောင်းနိုင်တဲ့ ပင်မဆဲလ်လို့ခေါ်တဲ့ stem cells အကြောင်းတွေ၊ ဒီလိုအသွင်ပြောင်းပြီးတစ်ရှူးတွေဖြစ်တည်စေနိုင်ဖို့လိုအပ်တဲ့signal ဓာတ်တွေအကြောင်းလေ့လာသဘောပေါက်ရတဲ့အပြင်၊ Biomaterials လို့ခေါ်တဲ့ သက်ရှိကိုယ်ခန္ဓာထဲမှာထည့်သွင်းအသုံးပြုနိုင်တဲ့ပစ္စည်းတွေအကြောင်းကိုလည်းသိရပါတယ်။ ဒါတွေကိုပေါင်းစပ်ပြီး၊ ကိုယ်အဂါင်္အစိတ်အပိုင်းတွေကိုဖြစ်ပေါ်ဖွဲ့စည်းလာနိုင်အောင် Tissue Engineering အတတ်ပညာနဲ့လုပ်ဆောင်ရပါတယ်။
ကျွန်တော်လုပ်ဆောင်နေတဲ့သုတေသနကတော့၊ သွားနဲ့ခံတွင်းမှာသာမက၊ အထွေထွေဆေးပညာအတွက်ပါအသုံးတဲ့မယ့်၊ အရိုးသားတည်ဆောက်ခြင်း Bone Tissue Engineering ဖြစ်ပါတယ်။ အရိုးဟာကိုယ်ခန္ဓာအဂါင်္အစိတ်အပိုင်းတွေကိုထောက်ပံ့ကာကွယ်ပေးထားတဲ့အရေးကြီးတဲ့တစ်ရှူးတစ်ခုဖြစ်ပါတယ်။ သွားတွေဟာလည်းအရိုးသားထဲမှာတည်မြဲနေကြရတယ်။ သွားနှုတ်လိုက်ရရင် ဒီအရိုးသားက တဖြည်းဖြည်းနိမ့်ဆင်းပါးလျားသွားပါတယ်။ အရိုးသားမရှိတော့ရင် သိပ်နိမ့်သွားရင် သွားတုတွေပြန်စိုက်လို့မရတော့ပါဘူး။ ဒါ့အပြင်ကင်ဆာကြောင့် အရိုးသားကိုလှီးထုတ်လိုက်ရသူတွေ မွေးရာပါနှုတ်ခမ်းကွဲအာခေါင်ကွဲရောဂါရှင်တွေအတွက် အရိုးသားသစ်ပြန်တည်ဆောက်ပေးဖို့ လိုအပ်ပါတယ်။
သဘာဝကိုယ်ခန္ဓာထဲမှာ၊ အရိုးဆဲလ်တွေကို အရိုးသားသစ်တည်ဆောက်လာစေအောင်လှုံ့ဆော်ပေးတဲ့ BMP လို့အတိုကောက်ခေါ်တဲ့ပရိုတိန်းတမျိုးရှိပါတယ်။ ဒီပရိုတိန်းကို Biotechnology လို့ခေါ်တဲ့ပညာရပ်ကိုသုံးပြီး Recombinant လို့ခေါ်တဲ့ လူရဲ့ပရိုတိန်းဓာတ်ကို တခြားသက်ရှိဆဲလ်တွေမှာဖွဲ့စည်းတည်ဆောက်စေတဲ့မျိုးဗီဇပေါင်းစပ်ပြုပြင်တဲ့နည်းနဲ့ဓာတ်ခွဲခန်းထဲမှာ ထုတ်လုပ်ကြပါတယ်။ အရိုးသားလိုအပ်နေတဲ့လူနာတွေမှာသုံးစွဲပြီး၊ အလွန်ထိရောက်ပါတယ်။ ဒါပေမယ့်ပြဿနာက၊ နောက်ဆုံးပေါ်နည်းလမ်းတွေ ပစ္စည်းကိရိယာတွေသုံးပြီးထုတ်လုပ်ရတဲ့အတွက် ဈေးအရမ်းကြီးပါတယ်။ အရိုးကျီးပေါင်းရောဂါကုဖို့ဒီပရိုတိန်းကိုသုံးရင် ဒေါ်လာ၃၀၀၀ကနေ ၅၀၀၀အတွင်းကျပါတယ်။ ငွေတတ်နိုင်တဲ့လူနာတွေအတွက်ဘဲသုံးနိုင်ပါတယ်။ ဒါကြောင့်လူနာအများတတ်နိုင်တဲ့ဈေးမကြီးတဲ့ကုသနည်းကိုရှာဖွေနေကြပါတယ်။ ဒီထဲမှာ ကျွန်တော်လုပ်တဲ့သုတေသနက simvastatin လို့ခေါ်တဲ့ သွေးတွင်းကိုလက်စထရောအဆီကျစေတဲ့ဆေးကိုသုံးပြီး Tissue Engineering နည်းပညာနဲ့အရိုးသားသစ်တည်ဆောက်တဲ့သုတေသနဖြစ်ပါတယ်။ ဒီဆေးရဲ့အာနိသင်က သွေးအတွင်းကိုလက်စထရောအဆီဓာတ်ကျစတာအပြင်၊ အရိုးဆဲလ်တွေကို BMP ပရိုတိန်းထုတ်နိုင်အောင်လှုံ့ဆော်ပေးပါတယ်။ ဒါကိုသုံးပြီး၊ Biomaterials တွေအမျိုးမျိုးနဲ့စမ်းသပ်ပေါင်းစပ်ကြည့်နေခဲ့ပါတယ်။ ကျွန်တော့်သုတေသနတွေကတွေ့ရှိချက်တွေကို NewsRx-2007Oct နဲ့ NewsRx-2009Marchဆေးပညာစာစောင်တွေ က ဖော်ပြထားတာတွေ့ရပါတယ်။ အကောင်လေးတွေမှာသုတေသနအောင်မြင်ပြီးတဲ့နောက် လူနာတွေမှာသုံးစွဲကုသနိုင်ဖို့ စပြီး clinical study လုပ်နေပါပြီ။ မဝေးတော့တဲ့အနာဂတ်မှာအရိုးပြဿနာတွေအတွက်၊ လူနာအများစုသုံးနိုင်ပြီး၊ ထိရောက်တဲ့ဆေးပစ္စည်းအဖြစ်အသုံးဝင်လာမယ်လို့မျှော်လင့်ရပါတယ်။
အရိုးအပြင်တခြားကိုယ်အင်္ဂါအစိတ်အပိုင်းတွေကိုအသစ်တည်ဆောက်နိုင်မယ့်နည်းပညာတွေတိုးတက်တွေ့ရှိခြင်းအားဖြင့် လူသားတွေကို Regenerative Medicine/Regenerative Dentistry ပညာရပ်တွေနဲ့ထိထိရောက်ရောက်ကုသပေးနိုင်ပါစေလို့ဆန္ဒပြုလိုက်ရပါတယ်။
Read More...
Collapse...
