ကျောင်းသားဘ၀ယဉ်ကျေးမှုအနုပညာလှုပ်ရှားမှုများ

ကိုအာကာရဲ့ယဉ်ကျေးမှုဘလော့ကိုဖတ်ပြီးယဉ်ကျေးမှုထဲက category တစ်ခုဖြစ်တဲ့ဂီတအနုပညာဆိုင်ရာလှုပ်ရှားမှုတွေမှာ ပါ
ဝင်ခဲ့စဉ်ကအတွေ့အကြုံတွေပြန်မြင်ယောင်လာမိပါတယ်။ ရှမ်းတိုင်းရင်းသားစစ်စစ်တွေဖြစ်တဲ့ အဖိုးနဲ့အဖေက တယော၊ ပတ္တလား၊ ဒုံမင်း၊ မယ်ဒလင် စတာတွေနဲ့မြန်မာသံစဉ်တွေ ကျွမ်းကျွမ်းကျင်ကျင်တီးမှုတ်တတ်ပေမယ့် ကျွန်တော်အမွေမရယူနိုင်ခဲ့ပါဘူး။ ကျွန်တော်တို့ဆယ်ကျော်သက်အရွယ်မှာ ခေတ်ပေါ်စတီရီယိုသီချင်းတွေစပြီးခေတ်စားတဲ့အချိန်ပါ။ ဖေဖေကတော့ မြန်မာသံစဉ်ကိုနှစ်သက်တဲ့သူမို့ အိမ်မှာဆိုရင် မယ်ဒလင်၊ ဒုံမင်းတွေနဲ့ သီချင်းကြီးတွေ၊ တခါတရံကာလပေါ်သီချင်းတွေတီးဆိုလေ့ရှိပါတယ်။ သီချင်းကြီးခွေတွေနားထောင်လေ့ရှိပါတယ်။ သူရုံးကမပြန်ခင်၊ စာသင်ကမပြန်ခင် (ရုံးကပြန်ထမင်းစားနားပြီးရင်ညနေပိုင်းမှာအင်္ဂလိပ်စာအိမ်သင်ပြလေ့ရှိခဲ့ပါတယ်) ဆိုကျွန်တော်တို့မောင်နှမတသိုက် ခေတ်ပေါ်သီချင်းတွေဖွင့်နားထောင်လေ့ရှိပါတယ်။ ဖေဖေပြန်လာလို့ တံခါးဖွင့်သံကြားမှ ကမန်းကတန်းအခွေထုတ်၊ သူ့ရဲ့သီချင်းကြီးခွေပြန်ထည့်ထားပေးပြီး စာကျက်နေကြတဲ့ပုံနေပြကြပါတယ်။ ဖေဖေကစာကြိုးစားတာဘဲအားပေးတော့ သူ့ရဲ့အနုပညာကိုအမွေအတင်းမပေးခဲ့ပါဘူး။ ၁၀ တန်းအထိ သားသမီး (၅) ယောက်စလုံးကိုကြပ်ကြပ်မတ်မတ်တနေ့စာတနေ့လုပ်ခိုင်း၊ စာမေးပွဲနီးရင် အချိန်ဇယားဆွဲပြီး revision ပြန်ခိုင်းတာတွေလုပ်ခဲ့ပါတယ်။ တက္ကသိုလ်တက်တော့မှသာ ကျောင်းပိတ်လို့အိမ်ပြန်တဲ့အချိန် သားမယ်ဒလင်သင်မလားဆိုပြီးမေးဘူးခဲ့ပါတယ်။ သူရန်ကုန်တက္ကသိုလ်ကျောင်းသားဘ၀က မယ်ဒလင်ပြိုင်ပွဲမှာ ရွေတံဆိပ်ရဘူးတဲ့အကြောင်းပြောပြပါတယ်။ အဲဒီအချိန်ကျတော့ ကျွန်တော်က အဆောင်မှာဂီတာကိုမတတ်တခေါက်စခေါက်တဲ့အချိန်ဆိုတော့ ဖေဖေရဲ့offer ကိုစိတ်မ
ဝင်စားခဲ့ပါဘူး။ ကျွန်တော်ဝယ်ပြန်လာတဲ့ဂီတာကိုဘဲလျှောက်တီးနေခဲ့တာပါ။ ဖေဖေကကျွန်တော့်ဂီတာကို မယ်ဒလင်လို မြန်မာသံစဉ်တီးလို့ရအောင်ကြိုးညှိပြီးတီးပြလေ့ရှိပါတယ်။
4th Year ရောက်တဲ့၁၉၉၃နှစ်မှာတော့ ဆို၊က၊ရေး၊တီး ပြိုင်ပွဲတွေရန်ကုန်မှာစလုပ်ပါတယ်။ တက္ကသိုလ်အဆင့်ပြိုင်ပွဲတွေအတွက်ကျောင်းတွေကို စာရင်းတောင်းတဲ့အချိန်မှာ ကျွန်တော်ရယ်၊ ဝေမင်းဆန်းရယ်၊ အေးအေးချိုရယ်စာရင်းပေးကြပါတယ်။ အနုပညာစိတ်ဝင်စားတာထက် activity တစ်ခုအနေနဲ့
ဝင်ပြိုင်ဖို့ဆုံးဖြတ်ခဲ့တာပါ။ ကျောင်းတုံးကကျွန်တော်က ဟိုစပ်စပ်ဒီစပ်စပ်၊ ဘောလုံးပွဲဆိုလည်း (မတတ်ပေမယ့်) ကွင်းထဲတော့လျှောက်ပြေးလိုက်တာဘဲ။ ပိုက်ကျော်ခြင်းပွဲဆိုလည်းဝင်ခတ်လိုက်တာဘဲ။ သီချင်းလည်းဒီလိုပါဘဲ။ ပါလေရာ..
ဝင်လုပ်တာပါ။ အေးအေးချိုကကျွန်တော့်လိုဘဲပြိုင်တာဝါသနာပါတာ (သူမနဲ့ကျွန်တော်စာအတူကျက်ဖက်ကနေစာပြိုင်ဖက်ဖြစ်ခဲ့ပါတယ်)။ ဝေမင်းဆန်းကတော့တကယ့်ကိုဂီတ
ဝါသနာပါတဲ့သူပါ။ အဲဒီအချိန်က (ကိုဇာဂနာတို့အဖွဲ့ကိုအနုပညာမြေတောင်မြှောက်ပေးခဲ့တဲ့) ပါမောက္ခချုပ်ဆရာကြီးဦးမြင့်နိုင်ကလည်းအားပေးခဲ့ပါတယ်။ သူ့အဆက်အသွယ်နဲ့ဘဲ ယဉ်ကျေးမှုကဆရာမဒေါ်စိန်ဌေးတို့လင်မယားအိမ်ကို ညနေကျောင်းဆင်းချိန်မှာ ၃ယောက်သားသီချင်းသွားတက်ကြပါတယ်။ ဆရာမတို့လင်မယား၂ဦးစလုံးအနုပညာအိုးတွေဖြစ်ပြီး ဒီလောကမှာနာမည်ကြီးပါ။ ဆရာမကအခုအထိ တီဗီမှာ သီချင်းဆိုတုန်း၊ ပြိုင်ပွဲတွေမှာ ဒိုင်လုပ်တုန်းပါ။ ပန်းမြိုင်လယ်(ယိုးဒယား)၊ ထူးမခြားနား(ရောင်ခြည်တော်ဘုန်းတော်ဘွဲ့ဓမ္မတေး) တို့ကိုမှတ်မိနေပါသေးတယ်။ ဖေဖေအိမ်မှာဆိုလေ့ရှိလို့ကြားဖူးနေပေမယ့် တကယ်တမ်း စနစ်တကျစည်းနဲ့
ဝါးကိုက်ဆိုရမယ်ဆိုတော့ အခြေခံမရှိထားတဲ့အတွက်မလွယ်ကူခဲ့ပါဘူး။ ပထမရက်မှာတင်တော်တော်စိတ်ဓာတ်ကျသွားခဲ့ပါတယ်။ ကျောင်းစာကလည်းအဲဒီနှစ်မှာ Dental ဖက်ကသွားရောဂါကုနဲ့သွားစိုက်ပညာ ၂ဘာသာ၊ Medical ဖက်က ဆေး
ဝါးဗေဒ၊အနုဇီဝဗေဒ၊ ရောဂါဗေဒ ၃ ဘာသာသင်နေရပါတယ်။ ဆေးဝါးဗေဒက အပတ်တိုင်းတနင်္လာနေ့မှာ စာမေးပွဲရှိပါတယ်။ Stress များတဲ့နှစ်တနှစ်ပါ။ သီချင်းကို ပွဲတလလောက်အလိုကျမှ တပတ် ၂ ရက်၃ရက်လောက်ဘဲသွားတက်နိုင်ခဲ့ပါတယ်။ စာသားလည်းကျက် စည်းနဲ့ဝါးကိုက်အောင်လည်းကျင့်ရတာပါ။ ဒီလိုနဲ့ပြိုင်ပွဲကျတော့ ဘာဆုမှမချိတ်ခဲ့ပါဘူး။ အမှားအယွင်းအထစ်အငေါ့မရှိတာဘဲ အရှက်မကွဲလို့
ဝမ်းသာခဲ့ရပါတယ်။ နောက်နှစ် ၁၉၉၄ ကျတော့ဒုတိယအကြိမ်ဆို၊က၊ရေး၊တီးပြိုင်ပွဲချိန်ကျပြန်တော့ ဆရာကြီးက ကျွန်တော်တို့ကို ၀င်စေပြန်ပါတယ်။ သီချင်းကြီး၊ ကာလပေါ်တေးနဲ့ ဓမ္မတေးဆိုပြီး category ခွဲထားပါတယ်။ ၃ခုလုံးဝင်ပြိုင်ခဲ့လို့ အတော်ပင်ပန်းခဲ့ပါတယ်။ စာတဖက်နဲ့သီချင်းတွေကျက်ရတာ။ နောက်တော့ သီချင်းသွားမတက်နိုင်တော့ဘဲ ဆရာကစောင်း၊ စန္တယားတို့နဲ့တီးပေးထားတာကို ကက်ဆက်နဲ့အသံဖမ်းယူပြီး အဆောင်မှာညဖက်ကို ကျင့်ရပါတယ်။ သူငယ်ချင်း ကိုနိုင်ကြီးကတော့ ..မင်းအသံကလည်း ငှက်ဆိုးထိုးသံလိုဘဲ..လို့အားပေးရှာပါတယ်။ ဒီလိုနဲ့ ရန်ကုန်တက္ကသိုလ် RC မှာ ရန်ကုန်တိုင်းတက္ကသိုလ်ပေါင်းစုံပြိုင်ပွဲစပါတယ်။ ကျောင်းမှာကနေ့တိုင်း ဘောင်းဘီနဲ့ရှူးဖိနပ်မ၀တ်မနေရမို့ ဘောင်းဘီဘဲကျင့်သားရနေခဲ့တော့ မြန်မာ့ယဉ်ကျေးမှုအရ ပုဆိုးတွေ တိုက်ပုံတွေနဲ့ လမ်းလျှောက်ရတာလည်း မလွတ်မလပ်၊ ပွဲနီးမှပြေးဝယ်ထားရတော့ ကျင့်သားကမရ၊ အတော်ခွကျလှပါတယ်။ စင်ပေါ်ကိုပုဆိုးစမနင်းမိအောင်သတိထားတက်၊ ပရိတ်သတ်ကိုဦးသုံးကြိမ်ချ၊ တီးပေးတဲ့ဆရာကိုဦးသုံးကြိမ်ချပြီးတာနဲ့ တင်ပြင်ခွေထိုင်၊ စည်းနဲ့ဝါးကိုင်ပြီးဟဲရတော့တာပါဘဲ။ ပူကပူ၊ တိုက်ပုံကအိုက်၊ ဇောချွေးတပြိုက်ပြိုက်ပေါ့ဗျာ။ ချုပ်လိုက်တော့ သီချင်းကြီးနဲ့ကာလပေါ်မှာ ကျွန်တော်ကတတိယ၊ ဝေမင်းဆန်းက ၃မျိုးလုံးဒုတိယရကြတယ်။ ပထမနဲ့ဒုတိယသမားကိုဘဲ ရန်ကုန်တိုင်းက တိုင်းနဲ့ပြည်နယ်အားလုံးပါတဲ့ ဗဟိုအဆင့်ဆက်ပြိုင်ဖို့စင်တော်ကကောက်သွားပါတယ်။ ကျွန်တော်ကတော့ဆုမမှန်းထားပေမယ့် တခုချိတ်လိုက်တာနဲ့ဘဲ ကျေနပ်ခဲ့ပါတယ်။ ဒီလိုနဲ့ပြီးပြီမှတ်လို့အေးဆေးမေ့ထားတာ ဗဟိုပွဲလည်းနီးရော၊ အဆောင်ကို ရခိုင်ပြည်နယ်ကိုယ်စားပြုအဖွဲ့ကခေါင်းဆောင်က သီချင်းကြီးပြိုင်ဖို့လူမရှိလို့ဆိုပြီး ရန်ကုန်တိုင်းကရွေးကျန်တွေ (ကျွန်တော်တို့လို) လိုက်ကောက်ရင်းရောက်လာပါတယ်။ ဒါနဲ့ဘဲ ကံကောင်းစွာနဲ့ဗဟိုအဆင့်တက်ပြိုင်ရပါလေရော။ ပစ်ထားတဲ့စည်းနဲ့ဝါးပြန်ရှာ သီချင်းပြန်ကျင့်လုပ်ရပါတယ်။ ပွဲစဖို့တပတ်အလိုမှာ စစ်ကြောရေးမှာ camp သွင်းပါတယ်။ အဲဒီနှစ်မှာ ဖေဖေက ရှမ်းပြည်နယ်ကဒိုင်အဖြစ်ပါလာလို့ သားအဖနှစ်ယောက် camp မှာဆုံကြပါတယ်။ ဒါပေမယ့် အဖေလုပ်သူက ရှမ်း
ဝတ်စုံနဲ့ရှမ်းပြည်နယ်အတွက်အဆောင်၊ သားက ရခိုင်ရိုးရာမြန်မာဝတ်စုံနဲ့ ရခိုင်ဆောင်မှာပါ။ အိုးစည်ဒိုးပတ်တွေ အဆိုအကတွေ တိုက်တဲ့အသံတွေနဲ့ တရုံးရုံးဆူညံပွက်လောပါဘဲ။ အဲဒီအချိန်မှာ ကျွန်တော်ကအချစ်ပိုးစတက်တဲ့အချိန်ပေါ့။ စတီရီယိုအချစ်သီချင်းတွေနားထောင်လိုက်၊ ပြိုင်ရမယ့်သီချင်းတွေကျင့်လိုက်ပေါ့။ သီချင်းက ၃-၄ ပုဒ်သတ်မှတ်ပေးထားပြီး ပြိုင်ခါနီးနာရီဝက်အလိုမှ ဆိုရမယ့်သီချင်းကိုမဲနှိုက်ပေးပါတယ်။ ဒေါ်တင်တင်မြပေါ့။ စာမေးပွဲစစ်သလိုပါဘဲ။ တီဗီရိုက်မှာမို့ မိတ်ကပ်တွေလည်းလိမ်းကြရပါသေးတယ်။ ရီစရာကြီး..ဟီးဟီး..ကိုယ့်ရုပ်ကိုယ်ကြည့်ရတာ။ ဒီလိုနဲ့ ပြိုင်ပွဲတွေပြီးပြီး result အောက်တော့ ရန်ကုန်တက္ကသိုလ်ပေါင်းစုံပြိုင်ပွဲတုန်းကလိုဘဲကျွန်တော်ကတတိယရပါတယ်။ Main ထဲက ကိုကျော်လင်း (အဆိုအလွန်ကောင်းပါတယ်)ကပထမ၊ မန္တလေးတိုင်းကလို့ထင်ပါတယ်ဒုတိယရတာ။
ဝေမင်းဆန်းကတော့ ကာလပေါ်နဲ့ ဓမ္မတေးတွေမှာ ဒုတိယနဲ့တတိယချိတ်ပါတယ်။ ဆုအနေနဲ့ ကြေးတံဆိပ်နဲ့ငွေသုံးသောင်းခွဲရပါတယ်။ မေမေ့ကိုသုံးသောင်းကန်တော့ခဲ့လို့ အခုထိမေမေက အမှတ်ရနေပါသေးတယ်။ ၉၄လောက်က ရွှေ၁ကျပ်သားမှ ၃ သောင်းလောက်ဘဲရှိတာမို့ ငွေတန်ဘိုးရှိသေးတဲ့အချိန်ပါ။ ကျန်တဲ့ငွေထဲကနဲ့ ချစ်သူလေးနဲ့လျှောက်
ဝယ်စားခဲ့ကြပါတယ်။ပျော်စရာအကောင်းဆုံးအချိန်တွေပါ။
နောက်နှစ်ကျတော့ ယဉ်ကျေးမှုတက္ကသိုလ်ကကျောင်းသားတွေအများကြီးပါလာပြီး ကျွန်တော်ဆုမချိတ်နိုင်ခဲ့တော့ပါဘူး။
ဆို၊က၊ရေး၊တီးပြီးတာနဲ့ ကျောင်းကအနုပညာအလုပ်တွေမှာ ကျွန်တော်တို့ကိုတာဝန်ပေးပါတော့တယ်။သင်္ကြန်နဲ့ လှေသဘင်ပွဲတွေမှာ ပါချုပ်ဆရာကြီးက ကျွန်တော်တို့ကို ပါဝင်စေပါတယ်။
ဝန်ကြီးဌာနကိုယ်စားပြုဖျော်ဖြေရေးစင်တွေပေါ်မှာယိမ်းအဖွဲ့အတွက် သင်္ကြန်သီချင်းတွေ၊ ခေတ်ပေါ်သီချင်းတွေ ဆိုခဲ့ကြရပါတယ်။ အကြီးအကဲတွေရေလှည့်ကစားချိန်မှာ အဲဒီအချိန်ကရောက်နေခဲ့တဲ့ မင်းသမီးပန်းဖြူရဲ့အကနဲ့တွဲပြီး ..မမကိုယ်တိုင်က..သီချင်းနဲ့ဖျော်ဖြေပေးခဲ့ရတာမှတ်မိပါသေးတယ်။ အခုနာမည်ကြီးနေတဲ့ မင်းသားလူမင်းဆိုရင်စင်တွေလှည့်ဆိုရင်း ကျန်းမာရေးဝန်ကြီးဌာနစင်မှာဆိုဖို့ နာရီနဲ့ချီစောင့်ခဲ့ရဘူးပါတယ်။ သိပ်နာမည်မရှိသေးတော့ နာမည်ကြီးအဆိုတော်မင်းသားမင်းသမီးတွေအလှည့်ကိုစောင့်ရတာလေ။ ကျွန်တော်တို့ရဲ့ပါချုပ်ကြီးက တာ
ဝန်အရှိဆုံးသူမို့ ..ဆရာကြီး..ကျွန်တော့်အလှည့်မရောက်သေးဘူးလား..ဆိုပြီးခဏခဏလာလာမေးရှာတာမှတ်မိပါသေးတယ်။
ကျောင်းရဲ့အစဉ်အလာအဖြစ်နှစ်စဉ်ဆရာကန်တော့ပွဲတွေမှာ အာစရိယပူဇာရတုကိုယဉ်ကျေးမှုကဆရာတစ်ဦးရဲ့စောင်းလက်သံနဲ့ ပူဇော်ခဲ့ကြရာမှာလည်း ကျွန်တော်တို့ဆို၊က၊ရေး၊တီးသမားတွေက house surgeonဆင်းတဲ့နှစ်အထိပင်တိုင်ပါဝင်သီကျူးခဲ့ကြပါတယ်။ မာစတာတက်တဲ့အချိန်မှာလည်း ၂နှစ်ထပ်ပါဝင်ခွင့်ရကြပြန်ပါတယ်။ မာစတာပြီးသွားတော့အချိန်မှာ ဆရာဖြစ်သွားတော့ အဲဒီအခွင့်အရေးမရတော့ပါဘူး။
ကျွန်တော်တို့ခေတ်ကကျောင်းသားဘ၀ဟာ စာချည်းဘဲမဟုတ်ဘဲ activity တွေ၊ ပွဲတွေနဲ့ပျော်စရာကြီးပါ။ အခုခေတ်နဲ့တော့ကွာသွားပါပြီ။