Monday, June 30, 2008

လွမ်းတမ်းတမိသောအချိန်များ

ပတ်သက်ခွင့်ပြုပါ.m...

သာမညတောင်ကလွမ်းစေတီလေးကိုလွမ်းတယ်...
"သန်းဌေးနဲ့ရောင်းရင်းများ" ဘုရားဖူးကားကြီးကိုလွမ်းတယ်...
ရွှေတိဂုံစေတီတော်ကြီးနဲ့ နောင်တော်ကြီးစေတီတော်ကိုလွမ်းတယ်...ရန်ကုန်တက္ကသိုလ်၊ အဓိပတိလမ်း၊ သစ်ပုတ်ပင်ကြီးနဲ့ ကျောင်းရှေ့ကလဘက်ရည်ဆိုင်တွေကိုလွမ်းတယ်...အင်းယားကန်ဘောင်ကရခိုင်မုန့်တီဆိုင်ကိုလွမ်းတယ်...
လှည်းတန်းဈေးနားက မုန့်ဟင်းခါးဆိုင်ကျဉ်းကျဉ်းလေးရယ်၊ ကြက်သားကင်ဆိုင်ရယ်ကိုလွမ်းတယ်...
ရန်ကုန်-ပြည်အဝေးပြေးကားကြီးကိုလွမ်းတယ်...ဦးချစ်လဘက်ရည်ဆိုင်ကိုလွမ်းတယ်...
....
....
ဒီရက်ပိုင်းတွေမှာ ဘာရယ်ကြောင့်မသိ အတိတ်ကိုတူးဆွလို့ ရင်ခုန်ခံစားရင်းလွမ်းနေမိတယ်။
၁၄နှစ်ကြာခဲ့ပါပြီ..ဒါပေမယ့်အခုပြန်တွေးရင် မနေ့တနေ့ကအဖြစ်အပျက်တွေလိုဘဲ ခံစားရတယ်။
၁၉၉၄၊ အောက်တိုဘာလ...
သွားဘက်ဆိုင်ရာဆေးတက္ကသိုလ် Fifth Year စာမေးပွဲပြီးတဲ့နေ့၊ မနက်ပိုင်းမှာ နှုတ်ဖြေအားလုံးပြီးသွားပြီး၊ ညနေResult တွေထွက်လို့ အောင်စာရင်းကပ်ပြီ။ အဲဒီနှစ်ကတော့ အောင်စာရင်းဆိုတာထက် ရှုံးစာရင်းဆိုရမလိုအောင် လူ ၆၀ မှာ ၄၅ ယောက်လောက် Supple ထိပါတယ်။ ၆ ပတ်အကြာမှာပြန်ဖြေရမယ်ဆိုတဲ့အဓိပ္ပာယ်ပါ။ ကျွန်တော်က ကံကောင်းထောက်မစွာ အောင်တဲ့အထဲပါတဲ့အပြင် Clinical Dentistry လို့ခေါ်တဲ့ Dental subject လေးခုပေါင်းထားတဲ့ ဘာသာမှာဂုဏ်ထူးထွက်ခဲ့ပေမယ့် စာအတူကျက်ခဲ့ကြတဲ့ အချစ်ဆုံးသူငယ်ချင်းတွေက Medical ဘာသာတွေနဲ့ Supple ထိခဲ့ကြပါတယ်။ ကျတဲ့သူအားလုံးလိုလိုဟာ Medicine, Surgery စတဲ့ ဆေးတက္ကသိုလ်မှာသွားတက်ပြီး ဆေးတက္ကသိုလ်ဘက်ကစစ်တဲ့ ဘာသာတွေမှာထိကြပါတယ်။ အဲဒီအချိန်က လျှမ်းလျှမ်းတောက်နာမည်ကြီးနေခဲ့တဲ့ အကြီးအကဲတစ်ယောက်ရဲ့တူပါ ကျတဲ့ထဲပါပြီး ဆေး(၁)က ပါမောက္ခတွေကို အရေးပေါ်အစည်းအဝေးခေါ်ပြီး ဘာကြောင့်အကျများရလဲဆိုတာ အမေးခံခဲ့ကြရပါသေးတယ်။ လိုရင်းချုပ်ရရင်တော့ သူငယ်ချင်းတွေလည်းပြန်ဖြေရမှာမို့စိတ်ညစ်ကြပြီး စိတ်ပြေလက်ပျောက် ဘုရားဖူးထွက်ကြမယ် လိုက်ခဲ့လို့အဖော်ညှိလာပါတော့တယ်။ ပြီးရင်အိမ်မပြန်တော့ဘဲ တို့နဲ့အတူစာပြန်ကျက်ကူပါကွာ ဆိုပြီးပြောလာတော့၊ ကျွန်တော်လည်း သူငယ်ချင်းတွေအတွက်စိတ်မကောင်းဖြစ်နေတာနဲ့ အားပေးကူညီိချင်တာကြောင့် သဘောတူလိုက်ပါတယ်။အိမ်ကိုအောင်စာရင်းထွက်တဲ့ နေ့တိုင်း ထုံးစံက အောင်တဲ့အကြောင်း၊ ဂုဏ်ထူးထွက်တဲ့အကြောင်းပြောပြပြီး မိဘတွေ အမောပြေကျေနပ်ရလေအောင်ဖုန်းဆက်သတင်းပို့ပြီး နောက်တရက်နှစ်ရက်အတွင်း တောင်ကြီးကားနဲ့ပြန်နေကျပါ။ ဒီနှစ်တော့ အချစ်ဆုံးသူငယ်ချင်းတွေနဲ့စိတ်ပြေလက်ပျောက်ဘုရားဖူးပြီး စာမေးပွဲအတွက်စာပြန်ကျက်ကူမှာမို့ ကျောင်းပိတ်ရက်မပြန်ဖြစ်တော့တဲ့အကြောင်းခွင့်တောင်းလိုက်ပါတော့တယ်။
ဒါဟာကျွန်တော့်အတွက်ဘ၀မှတ်တိုင်တစ်ခုဖြစ်လာဖို့အကြောင်းဖန်လာတာပါဘဲ။
နောက်နေ့သာမညဆရာတော်ဘုရားကိုသွားဖူးဖို့ ဘုရားဖူးကားတွေလက်မှတ်လိုက်ဝယ်တာ တခုမှမရဘဲ နောက်ဆုံးတော့ ရွှေဘုံသာလမ်းက သန်းဌေးနှင့်ရောင်းရင်းများဘုရားဖူးကားနောက်ဆုံးလက်မှတ် ၄စောင်ရလိုက်ပါတယ်။ ကိုမိုး (မန္တလေး)၊ကိုမြင့်နိုင်(စစ်ကိုင်း)၊ရဲနိုင် (၇န်ကုန်) နဲ့ ကျွန်တော်တို့ ၄ ယောက်ပါ။ အိမ်ပြန်ခါနီးအချိန်မို့ ပိုက်ဆံကလည်းသိပ်မကျန်တော့ပါဘူး။
အောက်တိုဘာ ၁၃ ရက်
ကားစထွက်ပါပြီ။
လမ်းမှာတော့ မိန်းခလေးအဖွဲ့တစ်ဖွဲ့က တစ်ယောက်မူးပြီးခဏခဏအံနေတာကလွဲရင် သိပ်ထူးထူးခြားခြားမရှိပါဘူး။ သာမညကိုရောက်လို့ကားပေါ်ကဆင်းပြီး တောင်ပေါ်စတက်တဲ့အချိန်မှာတော့ စောစောကမိန်းခလေးအဖွဲ့ကို ကျွန်တော်တို့အဖွဲ့ကစသတိပြုမိလာပြီး အပြန်အလှန်စနောက်တာလေးတွေ လုပ်လာပါတော့တယ်။ သူတို့အဖွဲ့က မိန်းခလေး ၄ ယောက်နဲ့ ကျောင်းဆရာလို့ထင်ရတဲ့ ဦးလေးကြီးတယောက်ပါပါတယ်။ ကျောင်းဆရာလို့ထင်ရတဲ့အကြောင်းကတော့ ကျွန်တော်တို့တွေစနေ နောက်နေကြပေမဲ့ ပြုံးပြုံးပြုံးပြုံးနဲ့ အုပ်ထိန်းသူလူကြီးတယောက်လို နှစ်လိုဘွယ်ရာသဘောကောင်းတဲ့ဆရာတစ်ယောက်နဲ့တူနေလို့ပါဘဲ။ (နောက်မှသိရတာက သူတို့အုပ်စုက ညီအမနှစ်ယောက်ရဲ့ အဖေပါ) အဲဒီအချိန်ကဆရာတော်ကြီးက နေသိပ်မကောင်းလို့ အချိန်ခွဲပြီး အသုတ်လိုက်အဖူးမျှော်ခံပေးလိုက် နားလိုက်လုပ်တော်မူခဲ့ရတဲ့အချိန်ပါ။ ကျွန်တော်တို့အဖွဲ့ဆရာတော်ကိုဖူးမျှော်ခွင့်ရပြီး တောင်ပေါ်ကလွမ်းစေတီလေးမှာ ပရိတ်ကြီး၊ ပဌာန်းရွတ်ပြီးတဲ့အချိန်လောက်မှာ သူတို့အဖွဲ့လည်း စေတီပေါ်ကိုရောက်လာခဲ့ပါတယ်။ ဆရာကြီးတော့မပါတော့ဘူး..အနားယူခဲ့ပြီလေ..မျက်မှန်းတမ်းမိလာကြတဲ့ ကျွန်တော်တို့အဖွဲ့နှစ်ဖွဲ့လည်း စေတီပေါ်မှာစုထိုင်ကြရင်းတစ်ဖွဲ့နဲ့တစ်ဖွဲ့ အတည်ပေါက်မိတ်ဖွဲ့ကြပါတော့တယ်။ နာမည်တွေ အတန်းတွေမေးကြ ဖလှယ်ကြပေါ့။ ပထမကျွန်တော်တို့ အထက်တန်းကျောင်းသားတွေလို့ပြောတာ သူတို့တွေယုံနေခဲ့ကြတယ်။ (ကျွန်တော်တို့ကဘဲနုနေတာလားမသိ..ဟဲ ဟဲ)။ သူတို့ကတော့ ရန်ကုန်တက္ကသိုလ်က မမကြီးတွေပေါ့လေ။ မဖြူ၊ မတုတ် (ညီအမနှစ်ယောက်) ၀ါဝါ (၀မ်းကွဲညီအမ) နဲ့ ပန်းနု တို့ပါ။၊ နောက်တော့ကျွန်တော်တို့လည်းအမှန်အတိုင်းမိတ်ဆက်ပေးကြပါတယ်။
အဲဒီအခိုက်အတန့်လေးပါ။ ကျွန်တော့်ရဲ့အကြည့်တွေက မရည်ရွယ်ဘဲ ၀ါဝါဆိုတဲ့ ကောင်မလေးဆီကိုရောက်သွားမိတဲ့ စက္ကန့်ပိုင်းအချိန်လေးမှာပါ။ ကျွန်တော်ရင်တွေလှိုက်ကနဲခုန်သွားရပြီး သူ့ကိုအတော်ကြာကြာငေးနေမိတယ်။ သူကလည်း ကျွန်တော့်ကဆီကို အကြည့်တချက်ရောက်လာတဲ့အချိန်မှာဘဲ ကျွန်တော်တို့နှစ်ယောက် နှလုံးသားချင်းရင်းနှီးသွားသလို ခံစားလိုက်ရတယ်။ အရမ်းကိုနွေးထွေးလှိုက်ဖိုမိတဲ့ ဘ၀မှာ ပထမဆုံးသောခံစားချက်ပါဘဲ။ Love at the first sight...ကျွန်တော်သူ့ကိုချစ်မိသွားခဲ့ပါပြီ။ အဲဒီအခိုက်အတန့်လေးမှာ လမင်းကြီးကထိန်ထိန်သာနေခဲ့တယ်။ စေတီကုန်းတော်ပေါ်ကို လေနုအေးလေးက ညင်ညင်သာသာတိုက်ခတ်နေခဲ့တယ်။ သူဟာဆွယ်တာလက်ရှည်လည်ပိတ်လေးဝတ်ထားခဲ့တယ်။ အခုပြန်တွေးရင်အခုပြန်ခံစားရတဲ့ ထူးဆန်းတဲ့ ခံစားချက်လေးပါဘဲ။ ဒါဟာဖူးစာလား....
ည၂နာရီလောက်ကျတော့ တည်းခိုတဲ့နေရာအသီးသီးကိုပြန်ခဲ့ကြပါတယ်။ အမျိုးသားအမျိုးသမီးသတ်သတ်ပါ။ ကျွန်တော်ကတော့ နောက်တနေ့အပြန်ခရီးအတွက်ရင်ခုန်နေခဲ့မိပါတယ်။ နောက်နေ့မနက်ကျတော့ ကားကြီးတွေပျက်နေလို့ ရိုးရိုးဘတ်စကားတွေနဲ့ယာယီအစားထိုးပေးပါတယ်။ ကျိုက်ထိုအထိဒီကားတွေနဲ့ပါ။ သူငယ်ချင်းတွေဖြစ်သွားတဲ့ ကျွန်တော်တို့ အဖွဲ့ဟာ သူတို့အဖွဲ့အတွက်နေရာဦးပေးပြီး၊ ကားခေါင်မိုးပေါ်ကစီးခဲ့ကြပါတယ်။ ကားတွေကကျဉ်းလို့နေရာမလောက်ပါဘူး။ ကားခေါင်မိုးကနေလေတဖြူးဖြူးနဲ့ တွေ့ရာတန်းကိုမြဲမြဲဆုတ်ကိုင် ဘုရားတရင်း ကျိုက်ထိုရောက်ခဲ့ပါတယ်။ ဒီတခါတော့ သူတို့အဖွဲ့ကကျွန်တော်တို့အတွက် နေရာပြန်လုပ်ပေးပါတယ်။ အလာတုံးက နှစ်ဖွဲ့တနေရာစီပေမယ့် အပြန်ကျတော့ အတူတူဖြစ်သွားကြပါပြီ။ ၂နာရီလောက်အားလုံးအတူစကားတွေဖောင်ဖွဲ့၊ စနောက်ကြနဲ့ ရီရလွန်းလို့အာညောင်းသွားတဲ့အချိန်မှာတော့၊ နေရတွေပြောင်းထိုင်ကြရအောင်ဆိုပြီး နေရာပြောင်းကြတော့၊ ကျွန်တော်နဲ့ဝါ၀ါကတစ်တွဲထိုင်ဖြစ်ခဲ့ကြပါတယ်။ ညာဘက်နောက်ဆုံးတန်းက နောက်ဆုံးကရေရင် တတိယခုံပါ။ ကျွန်တော်က သီချင်းတွေဆိုပြတယ်။ ကားရပ်တဲ့နေရာမှာ ထိုဖူးကြော်
ဝယ်စားကြတယ်။ (ကျွန်တော်ပိုက်ဆံဘုိင်ပြတ်နေလို့ ထိုဖူးကြော်လေး ၃-၄-ခုကိုနှစ်ယောက်အတူမျှစားခဲ့ကြတာမှတ်မိပါသေးတယ်)။ လမ်းဘုရားတွေဆင်းဖူးတော့လည်း ကျွန်တော်တို့နှစ်ယောက်တစ်တွဲကသီးသန့်သွားနေမိလို့ ကျန်တဲ့အဖွဲ့တွေက သတိပြုမိလာကြတယ်။ ဒီလိုနဲ့ အချိန်နဲ့အမျှ ကျွန်တော်တို့နှစ်ယောက်ပိုရင်းနှီးလာကြတယ်။ မိသားစုအကြောင်းတွေဖလှယ်ကြရင်းပေါ့။ ပဲခူးရောက်ခါနီးတော့ သူလေးကအိပ်ငိုက်လာတယ်။ ညက ညဉ့်နက်တဲ့အထိစကား ထိုင်ပြောထားကြတာကို။ မငိုက်တာကကျွန်တော်ပါ။ သူ့ရဲ့ယိုင်ကျလာတဲ့ခေါင်းလေးကို အသာဖေးမပေးရင်း၊ နိုးလာတော့ ဆောရီးနော်..ရပါတယ်..နဲ့နောက်တော့ ..ကျွန်တော်လည်းသူ့ရဲ့ခေါင်းလေးကို ကျွန်တော့်လက်နဲ့ဖေးမထားရင်း၊ ပုခုံးပေါ်မှေးတင်စေရင်း အအိပ်မပျက်အောင် လက်အံသေလာပေမယ့် သီးခံပြီး ထိန်းထားပေးခဲ့ပါတယ်။ အဲဒီအချိန်ကသူ့ရဲ့ကိုယ်သင်းနံ့လေးကို ကျွန်တော်အဆောင်ပြန်ရောက်တဲ့အထိစွဲလန်းအမှတ်ရနေမိခဲ့ပါတယ်။ ရန်ကုန်ရယ်ဖြေးဖြေးပေါ့ဆိုတဲ့ စိုင်းထီးဆိုင်ရဲ့သီချင်းလို ရန်ကုန်မြန်မြန်ရောက်မှာ စိုးနေတဲ့အချိန်မှာဘဲ ကံအားလျှော်စွာ ပဲခူးအ၀င်မှာကားဘီးပေါက်ပါတော့တယ်။ လမ်းဘေးမှာကျွန်တော်တို့နှစ်ဖွဲ့စကားတွေဖောင်ဖွဲ့ကြ၊ စကြ နောက်ကြ နဲ့ ကားပြန်ထွက်တဲ့အထိပါဘဲ။ ဒီလိုနဲ့ဘဲ ရန်ကုန်ပြန်ရောက်လို့ သူတို့အဖွဲ့က လှည်းတန်းမှာဆင်း၊ ကျွန်တော်တို့ကတော့ လမ်းမတော်ဆောင်အထိပေါ့။ နောက်နေ့မှာတော့ ကျွန်တော်သူငယ်ချင်းတွေကိုပူဆာရပါတော့တယ်။ လှည်းတန်းကိုသွားလည်ကြဖို့။ ကျွန်တော်တို့အဖွဲ့ကိုတွေ့တော့ သူတို့အံ့သြနေခဲ့ကြတယ်။ တကယ်ရောက်လာမယ်လို့လည်းမထင်ထား၊ ဒီလောက်မြန်မြန်ရောက်လာမယ်လို့လည်းမထင်ခဲ့ကြဘူးတဲ့။ အဲဒီအချိန်ကစပြီးကျွန်တော်လှည်းတန်းကိုချောင်းပေါက်ပါတော့တယ်။ ကျွန်တော်တို့သွားလည်တိုင်း တက္ကသိုလ်ရှေ့ကလဘက်ရည်ဆိုင်မှာ သွားထိုင်ဖြစ်ကြတယ်။ နှစ်ဖွဲ့လုံးပြောမနာဆိုမနာသူငယ်ချင်းအရင်းအခြာတွေဖြစ်သွားကြပါပြီ။ လဘက်ရည်ဆိုင်ဝိုင်းထိုင်ကြတိုင်း ကျွန်တော်ကသူ့နဘေးမှာအမြဲ၊ တောက်တဲ့လိုဘဲ။ ဒီလိုနဲ့ စာတပုဒ်ကိုအချိန်အတော်ကြာအောင်ကျက်မှမှတ်မိတဲ့ကျွန်တော် သူလေးရဲ့ကိုယ်သင်းနံ့လေးကို တော့အလွတ်ရနေခဲ့ပြီ။
အောက်တိုဘာ ၂၇
သူ့ရဲ့၂၃နှစ်မြောက်မွေးနေ့မှာ သူနဲ့ကျွန်တော်နှစ်ယောက်ထဲ ရွှေတိဂုံဘုရားသွားကြတယ်။ သူ့ရဲ့မွေးနံဗုဒ္ဓဟူးထောင့်မှာဘုရားရှိခိုးရေလှူပြီး နောင်တော်ကြီးဘုရားနဲ့ ရွှေတိဂုံဘုရားကြားမှာရှိတဲ့ ကျွန်တော်စာမေးပွဲဖြေပြီးတိုင်းဆုတောင်းလေ့ရှိတဲ့ စေတီလေးနားသွားပြီး မွေးနေ့ဖယောင်းတိုင် ၂၃ တိုင်ပူဇော်ပြီးဆုတောင်းကြတယ်။ အဲဒီတုံးက ကျွန်တော်သူလေးနဲ့ချစ်သူတွေဖြစ်ပြီးပေါင်းရပါစေလို့ ဆုတောင်းခဲ့တယ်။ တကယ်ဆုတောင်းပြည့်တဲ့နေရာလေးပါ။ အဲဒီနောက်ကျွန်တော်သူ့ကိုမွေးနေ့လက်ဆောင်အဖြစ် ကျောက်စီ အသဲပုံရင်ထိုးလေးထိုးပေးခဲ့တယ်။ အဲဒီနေ့ကသူ့နဲ့အလိုက်ဘက်ဆုံး အကျီင်္လက်ရှည်အဖြူလေးဝတ်လာတာ အခုထိမှတ်မိနေသေးတယ်။ ဘုရားကအပြန်မှာတော့ကျွန်တော်တို့နှစ်ယောက်ပါးစပ်ကထုတ်မပြောပေမယ့်၊ နှလုံးသားချင်းနားလည်သွားခဲ့ပါပြီ။
နိုဝင်ဘာပထမပတ် ကျွန်တော်ဂီတာနဲ့ကိုယ်တိုင်တီးဆိုထားတဲ့သီချင်းတွေရယ်၊ အင်္ဂလိပ်အချစ်သီချင်းလှလှလေးတွေရယ် အသံသွင်းထားတဲ့ ခွေလေး သူ့ကိုလက်ဆောင်ပေးခဲ့တယ်။ ထူးအိမ်သင်ရဲ့ တနေ့နေ့တော့ချစ်၍လာလိမ့်မည်၊ အခုတော့သိပြီသူ့ကိုကိုယ်ချစ်သည် စတဲ့ စာသားလှလှ သံစဉ်ချိုချိုလေးတွေ၊ ကျွန်တော့်ခံစားချက်နဲ့တထပ်တည်းကျတဲ့သီချင်းလေးတွေပါ။
နိုဝင်ဘာလယ်
တန်ဆောင်မုန်းကျောင်းပိတ်ရက်မို့ သူလေးနယ်ပြန်ရတော့မယ်။ ကျွန်တော်တော်တော်ဆွေးရပါတယ်။ အတူလိုက်ပို့ပါရစေလို့သူလေးကိုခွင့်တောင်းပြီး ရန်ကုန်-ပြည်အဝေးပြေးကားကြီးနဲ့ နှစ်ယောက်သားခရီးစခဲ့ပြန်ပါပြီ။ ကျောင်းခဏပိတ်တာပေမယ့် ကျွန်တော်တော်တော်ခံစားရပြီးဝမ်းနည်းနေခဲ့ပါတယ်။ လမ်းတ၀က်မှာ ထမင်းဆင်းစားကြတော့ သူကအသည်းအမြစ်ဟင်းစားပြီး ကျွန်တော့်ကိုအသည်းဖတ်တွေထည့်ပေးပါတယ်။ ကြည်နူးဝမ်းသာခဲ့ရပါတယ်။ သူတို့မြို့လေးနားရောက်ခါနီးမှာတော့ ကျွန်တော်ခံစားချက်တွေမထိန်းနိုင်တော့ဘဲ သူ့ကိုအရမ်းချစ်နေမိပြီဆိုတဲ့အကြောင်းဖွင့်ပြောလိုက်ပါတော့တယ်။ မကြာခင်မှာဘဲ ပေါင်းတည်ရောက်လို့သူလေးဆင်းသွားတော့ ကျွန်တော့်မှာ တစ်ယောက်ထဲဆွေးမြေ့ဝမ်းနည်းကြီးဖြစ်ပြီး ယောင်္ကျားတန်မယ့် မျက်ရည်တွေတောင်ဝိုင်းနေခဲ့မိပါတယ်။ ကျွန်တော်ဟာ အရမ်းကို ခံစားချက်ပြင်းထန်မှန်း အဲဒီချိန်မှ ကိုယ့်ဘာသာသိလာခဲ့ရပါတယ်။ ကားကပြည်မှာဂိတ်ဆုံးတာမို့ ပြည်အထိ အလွမ်းဝေဒနာသည်ကျွန်တော်တစ်ယောက် ရောက်သွားပြီး၊ အဲဒီညချက်ချင်း ပြည်-ရန်ကုန်ရတားနဲ့ ပြန်ဖို့လက်မှတ်ဝယ်၊ အချိန်ကပိုနေတာနဲ့ ရွှေဆံတော်ဘုရားပေါ်တက်ပြီး ချစ်သူလေးနဲ့အတူ ဘုရားလာဖူးရပါစေလို့ဆုတောင်းခဲ့ပါတယ်။ (၁၉၉၆မှာစေ့စပ်တော့မိသားစုတွေနဲ့အတူ ပြည်အထိသွားပြီးဘုရားဖူးခဲ့ရလို့ဆုတောင်းပြည့်ခဲ့ပါတယ်) ရထားစောင့်ရင်းလဘက်ရည်ဆိုင်ထိုင်တော့လည်း၊ ကျောင်းရှေ့ကဆိုင်မှာ အတူထိုင်ခဲ့စဉ်က နားထောင်နေကျ၊အဲဒီအချိန်ကခေတ်စားတဲ့ ဇော်ဝင်းထွဍ်ရဲ့ မယ်သီတာခိုးတာဘယ်သူလဲသီချင်းတိုက်တိုက်ဆိုင်ဆိုင်ဖွင့်ထားခဲ့လို့ပိုလွမ်းရပါသေးတယ်။ ည ၁၂နာရီလောက်မှ ပြည်ကနေရထားစထွက်ပြီး ပေါင်းတည်ကို ၂နာရီလောက်မှာ ဖြတ်ပါတယ်။ သူလေးအိပ်နေပြီလားလို့တွေးရင်း လွမ်းရပြန်ရော။ (နောက်မှသိရတာ ရထားက သူတို့အိမ်အနောက်မဝေးလှတဲ့နေရာကဖြတ်သွားတာပါ။ သူလေးလည်းစိတ်ပူပြီးအိပ်မပျော်ကြောင်းပြန်တွေ့တော့ပြောပြပါတယ်) လွမ်းစရာကြီးနော်....ရန်ကုန်ရောက်တဲ့အထိတလမ်းလုံးမတ်တပ်ပါဘဲ။ ကြိုမ၀ယ်ရတော့ ထိုင်ခုံမှမရတာ။
ဒီဇင်ဘာ ၄ ရက်
ကျောင်းပြန်ဖွင့်ပြီး သူလေးပြန်ရောက်လာမှ ကျွန်တော်အလွမ်းတွေပြေရပါတယ်။ အဲဒီနေ့ကအဓိပတိလမ်းကခုံတန်းလေးတစ်ခုမှာသူကျွန်တော့်ကို အဖြေပေးပါတယ်...ကျွန်တော်တို့တရားဝင်ချစ်သူတွေဖြစ်သွားကြပြီ...အရူးအမူးချစ်တယ်ဆိုတဲ့ဝေါဟာရဟာ၊ ရုပ်ရှင် ၀တ္ထုတွေမှာသာ သုံးတဲ့စကားလို့ထင်ခဲ့မိတဲ့ကျွန်တော်တစ်ယောက် လက်တွေ့ကြုံခဲ့ရပါပြီ။ အင်းယားကန်က ရခိုင်မုန့်တီဆိုင်၊ လှည်းတန်းဈေးနားက မုန့်ဟင်းခါးနဲ့ ကြက်သားကင်ဆိုင်၊ ကျောင်းရှေ့ကလဘက်ရည်ဆိုင်၊ ဦးချစ်လဘက်ရည်ဆိုင်တွေဟာ ကျွန်တော်တို့ ခြေရာချင်းထပ်ခဲ့တဲ့နေရာတွေပါဘဲ။ တနေ့မမြင်ရမနေနိုင်၊ တစ်ယောက်လက်တစ်ယောက်မြဲမြဲတွဲပြီး အမြဲလျှောက်လေ့ရှိတဲ့ ကျွန်တော်တို့နှစ်ယောက်ကို ဂျပ်ဆင်ကြီးတို့၊ ဘွဲ့နှင်းသဘင်တို့၊ အဓိပတိလမ်းတို့က မှတ်မှတ်ထင်ထင်ရှိနေကြဦးမှာပါ။ အမှတ်တရတွေကို အလေးထားတတ်တဲ့ကျွန်တော်ဟာ၊ စတွေ့တဲ့ အောက်တိုဘာ ၁၃ ရက်၊ သူလေးရဲ့မွေးနေ့၊ အဖြေပေးတဲ့ ဒီဇင်ဘာ ၄ ရက်တွေရောက်တိုင်း ကလေးစုံတွဲပုံလေးတွေနဲ့ Fancy ကဒ်ကလေးတွေအမှတ်တရချစ်သက်လက်ဆောင်အဖြစ်ပေးလေ့ရှိခဲ့ပါတယ်။ ပိုက်ဆံအိတ်ဆင်တူဝယ်ပြီး ငွေတွေကိုမျှသုံးကြပါတယ်။ ၁၉၉၅ တနှစ်လုံးဟာအမှတ်တရတွေ ပျော်စရာတွေနဲ့ပြည့်နေခဲ့ပါတယ်။ အဲဒီနှစ်မှာ ကျွန်တော်က အရေးအကြီးဆုံးနောက်ဆုံးနှစ်ကိုရောက်နေပြီလေ။ ချစ်သူရသွားတဲ့အတွက်စာဖက်မှာလစ်ဟင်းခဲ့ရတာတော့ ၀န်ခံရမှာပါ။ နောက်ဆုံးနှစ်စာမေးပွဲမှာ ဂုဏ်ထူး ၄ ခုမှန်းခဲ့ပေမယ့် ၂ ခုနဲ့ဘဲ ကျေနပ်ခဲ့ရပါတယ်။ အောင်စာရင်းထွက်လို့အိမ်ကို သတင်းပို့တဲ့အချိန်မှာတော့ ဂုဏ်ထူးနှစ်လုံးနဲ့ ချစ်သူတစ်ယောက်ရခဲ့ပြီးဖြစ်ကြောင်း ထူးထူးခြားခြားအစီရင်ခံနိုင်ခဲ့ပါတော့တယ်။ ၁၉၉၆မှာ သူလေးလည်းမာစတာတန်းစာမေးပွဲပြီးလို့အိမ်ပြန်ရတော့ လွမ်းရလွန်းတဲ့ ကျွန်တော့်မှာ တပတ်ကိုစာ ၃ စောင် အပတ်စဉ်ထည့်ဖြစ်ပါတယ်။ တနင်္လာ၊ ဗုဒ္ဓဟူးနဲ့ သောကြာနေ့တွေမှာစာဖတ်နိုင်အောင် ကျွန်တော်တွက်ပြီးစာထည့်ပါတယ်။ ကြာတော့ယောက္ခမလောင်းကြီးက စာပို့သမားနဲ့ညားအုံးမယ်ဟေ့လို့တောင်သြချရတဲ့အထိပါဘဲ။ ကျွန်တော့်ဆီက စာတွေ ကဒ်ကလေးတွေ ကဒ်ပုံးကြီးတစ်ပုံးလောက်စုသိမ်းထားတာ နောက်တော့ ချစ်သူလေးကပြန်ပြပါတယ်။ သူလေးဆီက စာရောက်တဲ့နေ့ဆိုရင်လည်း ကျွန်တော့မှာသိန်းဆုလက်မှတ်ကြီးကောက်ရသလို ပျော်ရွှင်ကြည်နူးခဲ့ရပါတယ်။ သူ့ရဲ့လက်ရေးဝိုင်း
ဝုိုင်းကြီးကြီးညီညီညာညာလေးတွေ ဖတ်ရတဲ့နေ့ဟာ ကျွန်တော့်အတွက် ချစ်သူကိုယ့်ဘေးနားရောက်လာသလို အလွမ်းပြေပျော်ရွှင်ရတဲ့နေ့ပါဘဲ။ အချစ်ရူးမှန်းသိတဲ့သူငယ်ချင်းတွေက တခါတလေ စာကိုမပေးဘဲ လဘက်ရည်တစ်ဝိုင်းစာ ကြည်စယ်လေ့ရှိကြတယ်။ ကျွန်တော့်ကို ဖူးစာရှင်နဲ့တွေ့အောင်ဘုရားဖူးအတင်းခေါ်ခဲ့ကြတဲ့၊ ခဏခဏစိတ်ကောက်တတ်တဲ့ချစ်သူလေးကို စိတ်ပြေအောင်ညီမလေးတစ်ယောက်လို နားချပေးလေ့ရှိတဲ့၊ သူငယ်ချင်းတွေရဲ့ကျေးဇူးကိုလည်း မမေ့နိုင်တော့ပါဘူး။ ကြည်နူးစရာလွမ်းဆွတ်စရာ အမှတ်တရလေးတွေပါ။
၁၉၉၆မှာကျွန်တော်အလုပ်သင်ဆရာဝန်ဆင်းပြီး ဘွဲ့ယူပြီးနောက်တနေ့မှာ အမေ့ကို ကျောင်းသားသက်တမ်းတလျှောက် မိဘရဲ့ပိုက်ဆံမဖြုန်းဘဲ နှစ်တိုင်းဂုဏ်ထူးတွေနဲ့အောင်မြင်အောင်လိမ်လိမ်မာမာကြိုးစားခဲ့တဲ့အတွက်ဆုအဖြစ်ပူဆာခဲ့တာကတော့ သူလေးနဲ့ စေ့စပ်ကြောင်းလမ်းပေးဖို့ပါဘဲ။ သားကိုသိပ်ချစ်တဲ့အဖေနဲ့အမေကသဘောတူလို့ နောက်ရက်မှာ မိသားစုလိုက် သူလေးရဲ့မြို့ကိုသွားပြီး ကြောင်းလမ်းခဲ့ကြတယ်လေ။ အမြန်စီစဉ်ကြရတာပါ။ နောက်တနှစ် ၁၉၉၇ ဧပြီ ၉ ရက်မှာတော့ ထိမ်းမြားရစ်ပတ်လက်ထပ်ကြလေသတည်းပေါ့ဗျာ။ သူလေးနဲ့ရလို့သာတော်သေးတယ်။ မရများမရခဲ့ရင်တော့ ကျွန်တော်ဘယ်လောက်များခံစားရမလဲဆိုတာမတွေးရဲအောင်ကို အချစ်ကြီးချစ်ခဲ့မိ ချစ်နေဆဲပါလို့...
ကျောင်းသားဘ၀ကအမှတ်တရတွေရှိခဲ့သူတွေတိုက်ဆိုင်မှုရှိရင်လွမ်းနိုင်ကြပါစေ.....

12 comments:

ကိုစွမ်း said...

အကိုကြီးရေးတာ မကြီးထက် ပိုကောင်းတယ် ။
ယောကျာ်းလေးချင်းမို့ ခံစားချက်တူလို့လားတော့ မသိ
ဘူး။ အကိုနဲ့ မကြီးတို့ အချစ်တွေ တစ်သက်လုံး
လတ်ဆတ်နေပါစေလို့ ဆုတောင်းပေးပါတယ် ခင်ဗျာ

ရှင်ရဲထွတ် said...

ကိုဥာဏ် ချီးကျူးထိုက်သည်
ချစ်သူကို တန်ဖိုးထားစွာ
တန်ဖိုးမြင့်တင်ပေးသော
ဤလင်မယား ပြည့်စုံ ကုံလုံမှုနဲ့
ပျော်ရွှင်စွာ သမီလေးကို
လန်းဆန်းသော ပန်းလေးတစ်ပွင့်
ဖြစ်အောင် ဖန်တီးပေးနိုင်ပါစေ

ရွှေပြည်သူ said...

အစ်မ၀ါဝါဆီက Link ကနေတဆင့် လာဖတ်တာပါး) သိမ်သိမ်မွေ့မွေ့လေးနဲ့ ဆွဲခေါ်သွားတဲ့ အရေးအသားအပြင် အစ်ကိုနဲ့အစ်မတို့ရဲ့ တကယ့်ဇာတ်လမ်းလေးမှန်း သိရတော့ ဖတ်ရတာ အရမ်းကိုကောင်းပါတယ်။ ထာဝရအတူ ပျော်ရွှင်နိုင်ကြပါစေရှင်...

My Diary said...

ကျွန်မတို့ ဇာတ်လမ်းလေးနဲ့ ခပ်ဆင်ဆင်လေးမို့ ဖတ်ရင်း အရင်အချိန်တွေဆီ ပြန်ရောက်သွား သလိုပဲ ..ခံစားချက်နဲ့ရေးတော့ အသက်ဝင်လိုက်တာ...ကျွန်မလည်း ဘလော့မှာ..ဇာတ်လမ်း အစလေးကို ရေးထားဖူးတယ်.. သူကရှက်လို့ ဆက်မရေးပါနဲ့ သူ့ကို စကုန်ကြပြီဆိုလို့ ဆက်မရေးဖြစ်တာ ..ဟီးဟီး...

ယုန်ကလေး said...

အကိုရေ
အစ်မ၀ါဝါက အဲ့မှာဖတ်လို၇တယ်ဆိုလို လာဖတ်သွားတာ
အင်းအကိုက အမကို တော်တော်ချစ်တာပဲနော် အမက ကံကောင်းတာပေါ့။ ပျော်ရွင်နိုင်ပါစေနော်

ကောင်မလေး said...

အစ်ကိုရေ.. မမဝါဝါဆီက လင့်ခ်ရလို့ လာဖတ်တာ.. တော်တော်ဖတ်လို့ကောင်းတယ်ဗျာ.. တကယ့်ဇာတ်လမ်းလေးဆိုလို့လည်း ပိုပြီးအသက်ဝင်တာဖြစ်မယ်.. ကြည်နူးသွားပြီ.. :) အားတောင်ကျတယ်.. အပဲာ

MANORHARY said...

ဝါ၀ါ့လင့်အတိုင်းလာဇတ်တာပါ ခုမှရောက်ဖူးပါတယ်။

မီယာ said...

မ၀ါလင့်အတိုင်း လိုက်လာတာ... အရမ်းချစ်တတ်ကြလို့ ဖတ်ရတဲ့သူတွေတောင် ကြည်နူးပါတယ်...

mgnge said...

အမ ၀ါ လင့်ခ် အတိုင်းလာ တာ ... အကို နဲ့အမ အရမ်းချစ် ကြတာ ကြည်နူး ဖို့ ကောင်း ပါတယ်။။။
တစ်သက် ထာ ၀ရပျော်ရွှင်ြ ကည်နူး နိုင် ကြ ပါစေ ဗျာ..။

တကယ်ပါ... ရင်ထဲ က ရှိတဲ့အတိုင်း ပြော လိုက်တာ ပါ..။

ထာဝရ ပျော်ရွှင် ကြည်နူး နိုင် ပါစေ...။

မေဒီဇာ said...

ကြည်နူးစရာလေးတွေ ဖတ်သွားပါတယ်ရှင့်... ပျော်ရွှင်ချမ်းမြေ့နိုင်ကြပါစေလို့ ဆုတောင်းပေးလိုက်ပါ၏။ မီယာပြောတဲ့အတိုင်းပါပဲ... အရမ်းချစ်တတ်ကြလို့ ဖတ်ရတဲ့သူတွေတောင် ကြည်နူးမိတယ်...

ရွာသားလေးဝိုင်တီယူ said...

မကြီးဝါက ဒါကြောင့်သာမညသွားလို့ တိုက်တွန်းတာကိုး။ သေချာဖတ်ပြီး ပျော်ရွှင်ရပါတယ်။ စာတွေ ဒီ့ထက်ပိုရေးနိုင်ပါစေခင်ဗျာ

မိုးခါး said...

ထာဝရ ပျော်ရွှင် ကြည်နူးနိုင်ပါစေ ..း)