ကျေးဇူးပါ..ပါရမီဖြည့်ဖော်ရေ..

ဒီနေ့ ဂျာနယ်ကနေ ကျွန်တော့်သုတေသနစာတမ်း(manuscript)ကို publication လုပ်ဖို့လက်ခံလိုက်ပြီဖြစ်တဲ့အကြောင်း e-mail
ဝင်လာပါတယ်။ မနှစ်က ပထမစာတမ်းကို ၁-၆-၂၀၀၇ မှာ publication acceptance ရခဲ့ပြီး၊ ၂၅-၁၀-၂၀၀၇ မှာ ဒုတိယစာတမ်းကို ဂျာနယ်ကိုပို့ပြီး submission process စခဲ့ပါတယ်။ စာတမ်းကို လက်ခံသင့်မသင့်ဆုံးဖြတ်ပေးတဲ့ အကဲဖြတ်ပညာရှင် (referee) နှစ်ဦးစလုံး စာတမ်းကရှည်လွန်းတယ်ဆိုတဲ့မှတ်ချက်အပါအ၀င် ပြင်ဆင်စရာနဲ့ မရှင်းလင်းတဲ့အချက်တွေမေးမြန်းထားတာတွေ စုစုပေါင်း အချက်၂၀ကျော် comment အနေနဲ့ပြန်လာပါတယ်။ ဒီအချက်တွေကျေနပ်အောင်တုံ့ပြန်ပြင်ဆင်ပြီးမှသာ ဂျာနယ်မှာစာတမ်းကိုပုံနှိပ်ထုတ်ဝေဖို့လက်ခံမယ်ဆိုတဲ့အကြောင်းကြားလာပါတယ်။ ပထမ article တုံးကတော့ ၄-၅ ချက်လောက်ပြုပြင်တာနဲ့ acceptance ရခဲ့တာကြောင့် နည်းနည်းစိတ်လေသွားခဲ့ပါတယ်။ ကျွန်တော်နဲ့အတူတချိန်တည်းမှာတင်တဲ့ ထိုင်းကသူငယ်ချင်းမကတော့ reject (အပယ်ခံထိ) ခဲ့ပြီး ၄နှစ်ကလည်းပြည့်သွားလို့ ဘွဲ့မယူနိုင်သေးဘဲနောက်ဂျာနယ်တခုမှာ ထပ်တင်ထားခဲ့ပြီး ပြည်တော်ပြန်သွားခဲ့ရပါတယ်။ Acceptance ရမှ တခေါက်ပြန်လာပြီး ဘွဲ့အတွက်စာမေးပွဲလာပြန်ဖြေရမှာပါ။ ပါမောက္ခကသူနဲ့စာရင် ပြန်ပြင်ဆင်တည်းဖြတ်ရုံဘဲမို့ စိတ်ပူစရာမလိုကြောင်း၊ အချိန်လည်းအများကြီးကျန်သေးတာမို့၊ စိတ်အေးအေးထားပြီးဆက်လုပ်ဖို့အားပေးခဲ့ပါတယ်။ ဒါနဲ့ဘဲ refereeမကြိုက်တဲ့အချက်တွေပြင်ရေးလိုက်၊ဂျာနယ်ကိုပို့လိုက်၊ ထပ်ပြင်ဖို့အကြောင်းပြန်လာလိုက်နဲ့ သုံးကြိမ်ဖြစ်သွားပြီး ၈ လကျော်သွားပါပြီ။ ဂျာနယ်က Dental Implantology ဆိုင်ရာမှာ နာမည်အကြီးဆုံး ၂ စောင်ထဲမှာပါလို့၊ submission များပြီး တစ်ခါတစ်ခါ reply ပြန်လာဖို့ ၂လလောက်ကြာပါတယ်။ တတိယမြောက်အကြောင်းပြန်စာမှာတော့ referee ၂ယောက်စလုံးကျေနပ်သွားပေမယ့်၊ Statistical Analysis လို့ခေါ်တဲ့ တွက်ချက်မှုအပိုင်းမှာ ပြင်ခိုင်းထားတာ မပြင်ရသေးကြောင်း အကြောင်းကြားလာပါတယ်။ ကျွန်တော်လည်းအံ့အားသင့်သွားရပြီး အရင်အခေါက်တွေက ပြန်ကြားစာတွေမှာ အဲဒီအကြောင်းမပါတဲ့အတွက်၊ မသိခဲ့တဲ့အကြောင်းချက်ချင်းစာပြန်ရေးပြီး၊ အထွန့်တက်ပြီး၊ ပြင်ခိုင်းတဲ့အပိုင်းကိုတော့ ဖြုတ်ပေးလိုက်ပါတယ်။ တကယ်တော့ လည်း ကျွန်တော့် article က တိုင်းတာမှု data အများကြီး၊ statistic တွက်ချက်မှုတွေအများကြီးဖြစ်နေခဲ့တာပါ။ ကိုယ်အပင်ပန်းခံလုပ်ထားတာလေးတွေကို အကုန်ထည့်ရေးချင်ခဲ့တဲ့လောဘကြောင့်၊ မလိုအပ်ဘဲအချိန်တွေပိုကြာသွားရတာပါ။ နောက်ဆုံးမှာတော့ လက်ခံလိုက်ပြီဆိုတဲ့ e-mail ကိုဖတ်လိုက်ရတာ၊ ပင်ပန်းခဲ့ စိတ်ရှုတ်ခဲ့ရတာတွေအားလုံးအရာထင်ပြီးဆုံးခဲ့ပြီဆိုတဲ့အသိနဲ့ ကျေနပ်ပျော်ရွှင်ခဲ့ရပါတယ်။

ဝမ်းသာတဲ့အထိမ်းအမှတ်အဖြစ် မိသားစုသုံးဦးဒီနေ့တော့အပြင်မှာညစာသွားစားရင်း အောင်ပွဲခံခဲ့ကြပါတယ်။ အပြန်လမ်းမှာတွေးနေမိတာကတော့ ကျွန်တော့်ရဲ့ပါရမီဖြည့်ဖက်ဇနီးနဲ့သမီးတို့ရဲ့ကျေးဇူးကိုပါ။ ကျွန်တော့်ဇနီးဟာ၊ ရည်းစားဘ၀ကတည်းက၊ အလုပ်သင်ပြီးလို့ကျွန်တော်ဆေးခန်းထိုင်တော့ ကုသမှုတွေမှာ ကူညီပေးခဲ့ရင်း ပါရမီဖြည့်ဖက်အနေနဲ့အတူရှိပေးခဲ့သူပါ။ Dental Assistant လက်ထောက်တွေတတ်သင့်တာတွေအားလုံးလုပ်တတ်ပြီး၊ နယ်ဆေးရုံမှာတာဝန်ကျတော့လည်း တက်လက်စ Master သင်တန်းကိုဆက်မတက်တော့ဘဲ၊ နယ်ကိုအတူလိုက်လို့ ချို့ချို့တဲ့တဲ့ဘ၀မှာ မညီးမညူ လိုက်ပါနေထိုင်ရင်း ဆေးခန်းမှာ ကူညီပေးခဲ့ပါတယ်။ သင်္ကြန်ပိတ်ရက်တွေမှာ နယ်က မဟာစည်တရားစခန်းမှာအတူတရားဝင်ဖြစ်ခဲ့ကြပါတယ်။ ဆေးရုံအလုပ်နဲ့ရွာဖက်တွေဆင်းတော့လည်းအတူလိုက်ပါလေ့ရှိခဲ့ပါတယ်။ နယ်လုပ်သက်၂နှစ်ပြည့်လို့ ဘွဲ့လွန်ဆက်တက်ဖို့
ဝင်ခွင့်အောင်ပြီး ရန်ကုန်ကို ပြန်ပြောင်းကြတော့လည်း နယ်မှာအခြေကျနေပြီပေမယ့်၊ ရောင်နောက်ဆံထုံးပါလိုက်ရပြန်ပါတယ်။ ရန်ကုန်ပြန်ရောက်ပြီး ကျောင်းသားပြန်ဖြစ်ချိန်၊ (ရန်ကုန်ကရွှေထွက်တယ်ဆိုတဲ့စကားအတိုင်း) နယ်မှာစုလာတဲ့ငွေထုပ်လည်းပြောင်၊ ကျပ်တည်းတဲ့အချိန်တွေမှာလည်း၊ အပြုံးမပျက်အားပေးခဲ့ပါတယ်။ သင်လို့မဆုံး၊ တက်လို့မကုန်နိုင်တဲ့ ကျွန်တော့်ရဲ့ပညာလောဘကြောင့် ဂျပန်ပညာသင်ရွေးချယ်တဲ့စာမေးပွဲအတွက်ကြိုးစားခဲ့တဲ့အချိ်န်၊ ညလုံးပေါက်စာကျက်တဲ့ကျွန်တော့်ကို လဘက်သုတ်အချိုအချဉ်နဲ့ တဖက်တလမ်းက အားပေးခဲ့ပါတယ်။

ပထမအကြိမ်အရွေးခံရပြီးမှ ပျက်သွားလို့ ကျွန်တော်စိတ်ဓာတ်ကျခဲ့တဲ့အချိန်တွေမှာလည်း အားပေးနှစ်သိမ့်ဖော်ဖြစ်ခဲ့ပါတယ်။ အသက်အကန့်အသတ်ကြောင့် နောက်ဆုံးအခွင့်အရေးလည်းဖြစ်ခဲ့တဲ့၊ဒုတိယအကြိမ်ထပ်ဖြေ၊ အရွေးခံရ၊ အောင်မြင်စွာဂျပန်လာရပြန်တော့လည်း၊ တစ်ယောက်ထဲအထီးကျန်မှာစိုးလို့ဆိုပြီး၊ မိဘဆွေမျိုးတွေနဲ့ဝေးကွာပြီးခင်ပွန်းနဲ့အတူလိုက်လာနေပေးခဲ့တယ်။ အထီးကျန်စိတ်တစ်ဝက်နဲ့ ပျော်ရွှင်အောင်ကြိုးစားနေထိုင်ရင်း၊ သမီးလေးရဲ့လိုအပ်ချက်မှန်သမျှလိုက်လုပ်ပေးနေတာကြောင့် မိသားစုအနားမှာရှိတယ်ဆိုတဲ့စိတ်နဲ့ကျွန်တော်ဖြောင့်ဖြောင့်တန်းတန်း ကျောင်းသွားနိုင်၊ သုတေသနမှာအချိန်နှစ်ပြီးလုပ်နိုင်ခဲ့တာပါ။ ရလာဒ်ကောင်းတွေထွက်နိုင်ခဲ့တာဟာ ပါရမီဖြည့်ဖက်ရဲ့ ကျေးဇူးတွေမဟုတ်ပါလား... ကျေးဇူးကမ္ဘာပါ...