ဘာသာရေးဆိုင်ရာ..သိမှတ်ဘွယ်ရာဂျပန်မှာ

ဂျပန်တွေရဲ့ကန်တော့အရိုအသေပြုခြင်းဆိုင်ရာ ကျင့်ဝတ်ဓလေ့လေးတွေကို မှတ်သားထားသလောက်ဖောက်သည်ချပါရစေ။
သူတို့ဆီမှာ မြတ်စွာဘုရားကို　仏様　hotoke samaလို့ခေါ်ပြီး 神様　kami sama လို့ခေါ်တဲ့နတ်တွေကိုလည်းကိုးကွယ်ကြပါတယ်။ အားလုံးသိကြတဲ့အတိုင်းမြောက်ပိုင်းဗုဒ္ဓဘာသာလို့ခေါ်တဲ့မဟာယာနဗုဒ္ဓဘာသာပါ။ တချို့အိမ်တွေမှာ ဗုဒ္ဓဘုရားစင်နဲ့ ခမိစမ နတ်စင်တို့ သီးသန့်ရှိကြပါတယ်။ ကမာကူရ၊ နရ စတဲ့ဗုဒ္ဓဘုရားဆင်းတုတော်တွေအပြင်၊　神社 jinja လို့ခေါ်တဲ့နတ်ဘုရားကျောင်းတွေလည်းအများကြီးရှိပါတယ်။ jinja ကပိုများပါလိမ့်မယ်။ ဂျပန်တွေကိုအမြင်များလာတဲ့နိုင်ငံခြားသားတွေ နဲ့ဂျပန်လူငယ်တွေပါအ
ဝင်အတော်များများကတော့၊ မြတ်စွာဘုရားကိုဝတ်ပြုတာနဲ့နတ်တွေကိုအရိုအသေပေးတာ မခွဲခြားတတ်ကြဘဲ၊ ဂျပန်လူမျိုးတွေနတ်တွေကိုကန်တော့သလိုဘဲ၊ လက်ခုပ်၂-၃ကြိမ်တီး၊ ခေါင်းညွတ်လိုက်လုပ်တတ်ကြပါတယ်။
ဂျပန်မိတ်ဆွေဆီကသိရတဲ့ တကယ့်ဂျပန်ရိုးရာဝတ်ပြုကန်တော့နည်းအမှန်ကတော့ ဒီလိုအဆင့်ဆင့်ပါ။

(၁) မုဒ်ဦးအ၀င်ဝမှာတစ်ကြိမ်လက်အုပ်ချီဦးညွတ်ပြီးအရိုအသေပေးပါ။ ဗုဒ္ဓဘုရားကျောင်းနဲ့နတ်ဘုရားကျောင်းမုဒ်ဦးကိုကြည့်ရင်သိနိုင်ပါတယ်။ ဗုဒ္ဓဘုရားကျောင်းမုဒ်ဦးကို 山門 sanmon လို့ခေါ်ပြီး နတ်ဘုရားကျောင်းမုဒ်ဦးကို 鳥居 touriလို့ခေါ်ပါတယ်။

ကမာကူရဘုရားမုဒ်ဦး 山門


နတ်ဘုရားကျောင်းတစ်ခုရဲ့မုဒ်ဦး 鳥居


(၂) လက်နဲ့အာခံတွင်းကိုသန့်စင်ပါ
မုဒ်ဦးကကျော်လို့ အထဲရောက်တာနဲ့ ဘုရားကျောင်းရော နတ်ကျောင်းမှာပါ ရေကန်ကလေးနဲ့ ကမုတ်ကလေးတွေချပေးထားပါတယ်။ 手水や temizuya လို့ခေါ်ပါတယ်။





...ပထမညာလက်နဲ့ကမုတ်ကိုယူရေခပ်ပြီး ဘယ်လက်ကိုဆေးပါ။
...နောက်ဘယ်လက်နဲ့ကမုတ်ကိုင်ပြီးညာလက်ကိုလောင်းဆေးပါ။
...ညာလက်နဲ့ကမုတ်ကိုပြန်ပြောင်းကိုင်ပြီး ဘယ်လက်ဖ၀ါးထဲကို ရေနည်းနည်းလောင်းထည့်၊ အဲဒီရေကိုခံတွင်းထဲကိုထည့်ပြီးပလုတ်ကျင်းထွေးပါ။ ခွက်နဲ့တိုက်ရိုက်ပါးစပ်နဲ့မထိရပါ။
...ပိုတဲ့ရေကိုသွန်ထုတ်ပြီး ကမုတ်ကိုမူလနေရာမှာပြန်မှောက်ထားပါ။

(၃) ပြီးရင်ကျောင်းဆောင်ရှေ့ကိုသွားပြီး..

ဗုဒ္ဓမြတ်စွာဘုရားဆိုရင်...
...အနည်းငယ်ဦးညွှတ်အရိုအသေပြုပါ..
...ဘုရားရှေ့ကအလှူခံပုံးထဲကို အကြွေစေ့ထည့်လှူပါ။ (ဂျပန်တွေက ချွင်ကနဲနေအောင်ပစ်ထည့်ကြတယ်။ ကျနော်တော့ရိုရိုသေသေအသာလေးထည့်လှူလေ့ရှိတယ်)

ခေါင်းလောင်းရှိရင်တီးပါ။
...လက်နှစ်ဘက်ကိုရင်မှာယှက်ပြီး ဆုတောင်းပါ..ပြီးရင်လက်ယှက်ထားရင်းကဦးညွှတ်ပြီးအရိုအသေပြုပြီးရင်ပြီးပါပြီ။

နတ်ဘုရားဆိုရင်...
...အနည်းငယ်ဦးညွှတ်အရိုအသေပြုပါ..
...နတ်ကျောင်းရှေ့ကအလှူခံပုံးမှာငွေလှူပါ..(ပစ်ထည့်လေ့ရှိတယ်) ခေါင်းလောင်းရှိရင်တီးပါ။
...ဦးခေါင်းကိုခပ်စိုက်စိုက်နှစ်ကြိမ်ညွှတ်ပြီးအရိုအသေပြုပါ။
...လက်ဖ၀ါးနှစ်ဘက်ကိုချီလိုက်ပါ..ပြီးရင် လက်ခုပ်နှစ်ချက်တီးပါ (အသံထွက်လောက်အောင်မတီးရပါဘူး)
...ဆုတောင်းပါ..
...ပြီးရင်တစ်ကြိမ်ဦးညွှတ်အရိုအသေပြုပြီးတော့ ၀တ်ပြုခြင်းအမှုပြီးပါပြီ..

ကျနော် ၂၀၀၅ ဧပြီ(၅)ရက်မှာ ဂျပန်စရောက်တယ်။ ရောက်ပြီး၂ပတ်အကြာမှာဘဲ၊ ရောက်နှင့်နေတဲ့ ကျနော့်ဆရာမနဲ့အတူ ကမာကူရဘုရားကိုပထမဆုံးအကြိမ်သွားဖူးခွင့်ရခဲ့ပါတယ်။ ဗုဒ္ဓဘာသာမြန်မာထုံးစံကတော့၊ ဘယ်ဒေသရောက်ရောက်မြတ်စွာဘုရားကိုအရင်ဦးတိုက်ကန်တော့လေ့ရှိပါတယ်။ မြန်မာပြည်မှာကတည်းက၊ တနှစ်ပတ်လုံးပါမောက္ခဆရာဆီက ပူဇော်ခွင့်ရခဲ့တဲ့ ကမာကူရဘုရားဆင်းတုတော်ကို၊ နေ့စဉ်ရေချမ်းနဲ့သတ်သတ်လွတ်သစ်သီးတွေကပ်လှူဆုတောင်းခဲ့တာတွေ၊ ဆရာ့ရဲ့တိုက်တွန်းချက်နဲ့ဘဲ လုပ်ဖြစ်ခဲ့တာလေ။ လာဖို့တစ်ကြိမ်ပျက်ပြီးမှနောက်တစ်ကြိမ်မှာ မပျက်ဘဲလာနိုင်ခဲ့တာ၊ ကံ-ဥာဏ်-
ဝီရိယကြောင့်တစိတ်တပိုင်းပါတာကိုနားလည်ပေမယ့်၊ မြတ်စွာဘုရားကိုပူဇော်ရတဲ့အကျိုးကြောင့်လို့လည်းယုံကြည်မိပါတယ်။ ဒီရောက်ပြန်တော့လည်း၊ ဘွဲ့တစ်ခုရတဲ့အထိ စိတ်ဖြောင့်ဖြောင့်ပညာသင်နိုင်ဖို့ ဆက်ပြီးဆုတောင်းရတာမို့၊ ပထမဆုံးရောက်တဲ့အဲဒီအခေါက်မှာဘဲ ဘုရားကို နှစ်လတစ်ကြိမ်မပျက်မကွက်လာဖူးဖို့ အဓိဌာန်ခဲ့ပါတော့တယ်။ ၆လပိုင်း ၁၃ရက်နေ့မှာ မိသားစုနဲ့အတူဖူးခွင့်ရခဲ့လို့ ပျော်ရွှင်ခဲ့ရပါတယ်။ အဲဒီကဆက်ပြီး ၈-၁၀-၁၂-၂-၄ လပိုင်းတွေမှာ မပျက်မကွက်သွားဖူးမျှော်ခဲ့တာ ၂၄ ကြိမ်ရှိခဲ့ပါပြီ။ ဂျပန်စာသင်တန်းပြီးချိန်ကျောင်းအစီအစဉ်နဲ့တစ်ကြိမ်၊ နေတဲ့မြို့ကယဉ်ကျေးမှုဖလှယ်ရေးအဖွဲ့အစီအစဉ်နဲ့တစ်ကြိမ်အပါအ၀င်ပါ။
ရာသီတိုင်းမှာရောက်ဖြစ်လို့ ရှုခင်းအမျိုးမျိုးတွေ့ရပါတယ်။
ကမာကူရဘုရားကဂျပန်မှာနာမည်ကျော်ရှေးဟောင်းဘုရားဖြစ်တာမို့ ဂျပန်တွေနဲ့အတူ၊ နိုင်ငံခြားသားမျိုးစုံ၊ လာဖူးကြပါတယ်။ မြန်မာတွေနဲ့တော့ တစ်ခါမှမဆုံဖူးဘူး။ သွားတိုင်း မြန်မာရိုးရာဓလေ့အတိုင်း၊ ဖိနပ်ကိုချွတ်၊ ငုတ်တုတ်ထိုင်ပြီး ထိခြင်းငါးပါးနဲ့ကန်တော့လေ့ရှိလို့ ဂျပန်နဲ့နိုင်ငံခြားသားတွေရဲ့ အထူးအဆန်းလို
ဝိုင်းကြည့်တာခံရလေ့ရှိပါတယ်။ ဂျပန်တွေကမတ်တပ်ဘဲကန်တော့ကြတာပါ။ ဖိနပ်လည်းမချွတ်ပါဘူး။
ဝိုင်းကြည့်ချင်လည်းကြည့်ကြပေရော့။ မြတ်စွာဘုရားကိုတော့ ရိုရိုသေသေဘဲကန်တော့ချင်လို့၊ ရောမရောက်ပေမယ့် ဒီနေရာမှာတော့ ရောမလိုမကျင့်နိုင်ကြောင်းပါခင်ဗျာ။