ဂျပန်ရိုးရာလဘက်ရည်ပွဲ Japanese Tea Ceremony

ဂျပန်လို့ပြောလိုက်ရင် ocha လို့ခေါ်တဲ့လဘက်ရည်က မပါမဖြစ်ပါ။ ဂျပန်တွေဟာလဘက်ရည်ကို တန်ဘိုးထားနှစ်ခြိုက်ကြပါတယ်။ ကျယ်ပြောလှတဲ့လဘက်စိုက်ခင်းကြီးတွေကိုကြည့်ကြပါအုံး။



ဒီပို့စ်မှာတော့ ကျနော်တို့ပါဝင်ခဲ့ဖူးတဲ့ Japanese Tea Ceremony အကြောင်းလေး သိသလောက်ဝေမျှပါ့မယ်။



ဒါတွေကတော့ပြင်ဆင်ထားရမယ့်အိုးခွက်ပစ္စည်းတွေပါ။
ပုံမှာပါတဲ့အတိုင်းပထမ ရေနွေးပန်းကန်တွေ၊ ဖျော်မယ့်အိုးတွေကိုသန့်ရှင်းရပါတယ်။



ရေနွေးကိုကြိုထားရပါတယ်။



ပြီးရင်ဧည့်သည်တွေကို ဂျပန်ရိုးရာမုန့်အချိုတွေတည်ခင်းထားရပါတယ်။ အဲဒီအခန်းအနားမှာကျွေးတဲ့မုန့်တွေဟာ၊ ကျနော်တို့ဆီက ကျောက်ပန်းတောင်း၊ ဂိတ်ဆုံးလဘက်ရည်အရသာတွေလိုဘဲ အရမ်းချိုလွန်းပါတယ်။ ပြင်းခါးသက်အရသာရှိတဲ့ဂျပန်ရိုးရာလဘက်ရည်နဲ့လိုက်ဖက် balance ဖြစ်အောင်တည်ခင်းလေ့ရှိတာဖြစ်ပါတယ်။



ပြီးတော့လဘက်ရည်ပြင်တဲ့သူက chawan လို့ခေါ်တဲ့ပန်းကန်လုံးထဲကို လဘက်ခြောက်အမှုန့်နဲ့ရေနွေးထည့်ပြီး မွှေတံနဲ့ အမြုပ်လေးတွေထလာတဲ့အထိမွှေရပါတယ်။







ဖျော်ပြီးရင် ဧည့်သည်ကိုအရိုအသေပြုနှုတ်ဆက်ပြီး omeshiagatte kudasai ..သုံးဆောင်တော်မူပါ..ဆိုပြီး လဘက်ရည်ပန်းကန်လုံးကို လက်နှစ်ဘက်နဲ့ကမ်းပေးရပါတယ်။ ပန်းကန်ရဲ့ပန်းအလှဖော်ထားတဲ့ဖက်ကို ဧည့်သည်ဖက်ကိုမျက်နှာပြုနေအောင်လှည့်ပြီးမှ ကမ်းပေးတာဖြစ်ပါတယ်။ လဘက်ရည်သာမက ပန်းအလှလေးတွေပါ ခံစားရအောင်တည်ခင်းတဲ့အဓိပ္ပါယ်ပါ။ ဧည့်သည်ကလည်း ပြန်အရိုအသေပြုပြီးမှ၊ itadakimasu..arigatougozaimashita..သုံးဆောင်ပါ့မယ်..ကျေးဇူးတင်ပါတယ်..လို့ပြောပြီး လက်နှစ်ဘက်နဲ့လက်ခံရပါတယ်။



ချက်ချင်းမသောက်ရသေးပါဘူး။ အခုနက ကိုယ့်ဘက်လှည့်နေတဲ့ ပန်းကန်လုံးအပြင်မျက်နှာက ပန်းလေးတွေရှိတဲ့ဘက်ကို အိမ်ရှင်ဖက်ကိုပြန်လှည့်ပြီးမှ သောက်ရပါတယ်။ အိမ်ရှင်ကိုပြန်ပြီး ခံစားစေတဲ့သဘောပါ။ ပြီးရင် oiishii..အရသာရှိလိုက်တာ..လို့ချီးမွမ်းပေးရပါတယ်။ (တကယ်လည်းအရသာရှိလှပါတယ်)





သောက်ပြီးတဲ့ပန်းကန်ကို အိမ်ရှင်ကိုစောစောကအတိုင်းပြန်ကမ်းပြီးရင်လဘက်ရည်ပွဲပြီးဆုံးသွားပါပြီ။
Gochisousamadeshita..အရသာရှိလှတဲ့စားကောင်းသောက်ဖွယ်တွေအတွက်ကျေးဇူးတင်ပါတယ်။