Thursday, October 9, 2008

ပိုးနဲ့လူသား


ညီမမြရွက်ဝေမေးထားတာဖြေရင်းဒီပို့စ်ကိုရေးလိုက်ပါတယ်။

အနုပညာပိုးထတယ်..ရွပိုးထိုးတယ်..စသည်ဖြင့်အရပ်ထဲမှာလူတွေပိုးနဲ့အလင်္ကာဆင်ပြီးပြောလေ့ရှိကြတာကြားဖူးကြမယ်ထင်ပါတယ်။ လူမှာရှိပြီးသားပိုးတွေထကြွလာတယ်လို့ဆိုလိုရင်းဖြစ်ပါတယ်။
ဆေးပညာအရလည်း လူတွေဟာပိုးမွှားတွေနဲ့ဖွားဖက်တော်ဆိုရင်မမှားပါဘူး။ မွေးကတည်းက မွေးလမ်းကြောင်းကပါလာတဲ့ပိုးတွေအပြင်၊ တနေ့တခြားပြင်ပလောကနဲ့ထိတွေ့ပြီး ဒွာရပေါက်တွေနဲ့ အရေပြားစတာတွေမှာ ပိုးမွှားပေါင်းစုံ ၀င်ရောက်နေထိုင်လို့၊ လူ့ခန္ဓာကိုယ်ကို အိမ်လုပ်ပြီးနေထိုင်အသက်ရှင်နေကြတာဖြင့်၊ လူတစ်ယောက်ကိုဖွဲ့စည်းတည်ဆောက်ထားတဲ့ဆဲလ်-cell ပေါင်းအရေအတွက်ထက်တောင်များတယ်လို့ဆိုပါတယ်။
အဲဒီပိုးတွေကို Normal Flora လို့ခေါ်ပြီး သာမန်အားဖြင့် ပုံမှန်အချိန်မှာ လူကိုဒုက္ခမပေးကြပါဘူး။ ကိုယ်ခံအားနည်းတဲ့အချိန်၊ ပဋိဇီဝပိုးသတ်ဆေးတွေကြာရှည်သောက်မိလို့ပိုးတချို့သေကုန်တဲ့အခါနဲ့ တခြားအကြောင်းကြောင်းကြောင့်ပိုးမွှားတွေများလာတဲ့အခါ ဒုက္ခပေးပါတယ်။

အဲ..ခံတွင်းထဲမှာတော့ အဲဒီလိုမဟုတ်ပါဘူး။ ပါးစပ်ထဲမှာရှိတဲ့ သွားတွေ၊ အာခေါင်၊ သွားဖုံး၊ ပါးစောင်နဲ့ လျှာမျက်နှာပြင်တွေမှာ ပိုးမွှားတွေ ပုံမှန်ရှိနေပါတယ်။ Biofilm လို့ခေါ်တဲ့ ပိုးမွှားတွေစုနေတဲ့အလွှာအဖြစ်နေကြတာပါ။ ဘက်တီးရီးယားပိုးအမျိုးပေါင်း ၅၀၀ ကျော်တွေ့ရပါတယ်။ ဒီပိုးတွေကတော့ ခုနကပြောခဲ့တဲ့အချိန်တွေတင်မက၊ ပုံမှန်ကျန်းမာတဲ့လူကိုလည်းရောဂါပေးနိုင်ပါတယ်။ အစာစားပြီးတာနဲ့ ပါးစပ်ထဲကသွားနဲ့လျှာ ပါးစောင်တွေမှာ ကျန်နေတဲ့ စားကြွင်းစားကျန်တွေကို ဒီပိုးတွေကသူတို့အသက်ရှင်ဖို့ယူသုံးဓာတ်ပြုလိုက်ကြပြီး၊ ထွက်လာတဲ့အက်စစ်ဓာတ်တွေကို သွားမျက်နှာပြင်မှာစည်းကမ်းမရှိ စွန့်ပစ်ကြတယ်လေ။ အဲဒီအက်စစ်ဓာတ်ကြောင့် သွားပိုးစားရောဂါလို့နာမည်တပ်ထားတဲ့ သွားတွေအက်စစ်စားပြီးအပေါက်တွေဖြစ်၊ နာကျင်ကိုက်ခဲတဲ့ရောဂါရကြရပါတယ်။ ဒီနေရာမှာလူတိုင်းနေ့တိုင်းအစာစားနေကြရလို့ အချိန်တိုင်းပိုးစားရောဂါဖြစ်ရောလားလို့မေးစရာရှိပါတယ်။ အချိန်ကစကားပြောပါတယ်။ ဒီစားကြွင်းစားကျန်တွေကိုမြန်မြန်ကိုယ်က ရှင်းပစ်နုိုင်ရင် ပိုးတွေဓာတ်ပြုဖို့ အချိန်နည်းသွားမှာပါ။ တနေ့လုံးစားလာလိုက်တာ၊ ညအိပ်ခါနီးအထိသွားမတိုက်ဘဲအိပ်မယ်ဆိုရင်တော့ ပိုးတွေက သိပ်ပျော်မှာပါ။ အစာတွေအများကြီးလည်းချန်ထားပေး၊ တညလုံးလည်းအက်စစ်အမှိုက်တွေသွားပေါ်စွန့်လို့ရအောင်အချိန်ပေးထားသလိုဖြစ်လို့ပါဘဲ။ ညဆိုတံတွေးကလည်းအထွက်နည်းသွားတော့ သန့်ရှင်းရေးမလုပ်နိုင်တော့ဘူးလေ။ သွားပိုးစားရောဂါနဲ့သွားဖုံးရောဂါတွေရဲ့ဇင်းမြစ်ကဒီကစပါတယ်။ ဒီပိုးတွေကဘဲ နှလုံးနဲ့သွေးကြောရောဂါ၊ ကိုယ်ဝန်ပျက်ကျတာ၊ လေးဖက်နာရောဂါတွေဖြစ်စေနိုင်ပါတယ်။ ဒါကြောင့်ညမအိပ်ခင်နဲ့ မနက်စာစားပြီး အနည်းဆုံးနှစ်ကြိမ်သွားတိုက်ဖို့သတိပေးရတာပါ။

အခုမှမမြရွက်ဝေမေးတဲ့ဆီကိုရောက်တယ်။ အဲသလိုသွားတိုက်တဲ့အချိန်မှာ လျှာရောတိုက်တာကောင်းမကောင်းပါ။ လျှာဟာလည်း ပိုးမွှားခိုအောင်းလို့ကောင်းတဲ့နေရာဖြစ်တာမို့ ပိုးမွှားတွေအများကြီးရှိနေနိုင်ပါတယ်။ ဒီပိုးမွှားတွေကကျတော့ ဟိုက်ဒြိုဂျင်ဆာလ်ဖိုဒ်ဓာတ်ငွေ့ထုတ်လုပ်ပါတယ်။ဒီလျှာကပိုးတွေထုတ်တဲ့ဓာတ်ငွေ့ဟာ ခံတွင်းနံ့ဆိုးစေတဲ့ အဓိကအကြောင်းတွေထဲမှာပါပါတယ်။ ခံတွင်းနံ့နံတဲ့သူတွေရဲ့လျှာမှာဒီဓာတ်ငွေ့ထုတ်တဲ့ဘက်တီးရီးယားပိုးတွေသာမန်ထက်ပိုများတယ်ဆိုတာ သုတေသနတွေအရတွေ့ရပါတယ်။ အဲဒီတော့၊ လျှာကိုလည်ှးသန့်ရှင်းပေးတာကောင်းပါတယ်။ သွားတိုက်တံနဲ့ဖြစ်ဖြစ်၊ လျှာတိုက်တံနဲ့ဖြစ်ဖြစ် လျှာရဲ့အလယ်နားလောက်ရောက်တဲ့အထိ တအားဖိတိုက်တာမျိုးမဟုတ်ဘဲ ပုံမှန်အတွင်းကနေ အပြင်ကို ပွတ်ဆွဲပြီးတိုက်ပေးသင့်ပါတယ်။ ပျို့တတ်တဲ့သူတွေဆိုရင် တနေ့ကိုနည်းနည်းချင်းစီ လျှာအတွင်းဖက်ထိရောက်အောင်တိုးတိုးပြီးတိုက်သွားလို့ရပါတယ်။ လျှာကိုသန့်ရှင်းရေးလုပ်ပေးရင် ခံတွင်းနံ့ဆိုးတာချက်ချင်းသက်သာစေပါတယ်။

အရေးတကြီးသတိထားရမှာက ဒဏ်ရာအနာတရဖြစ်တဲ့အထိမတိုက်ဖို့ပါ။ ပိုးတွေကအတွင်းသားတွေဆီ
ဝင်ဖို့အပေါက်ရသွားပြီးအန္တရာယ်ဖြစ်စေနိုင်ပါတယ်။ စာတမ်းတစ်ခုမှာတော့၊ မွေးရာပါနှလုံးအဆို့ရှင်ရောဂါသည်တွေ၊ နှလုံးအဆို့အတုတတ်ထားရတဲ့သူတွေ၊ လေးဖက်နာရောဂါရှိသူတွေ လျှာကိုမတိုက်သင့်ဘူးလို့ဆိုပါတယ်။ လျှာကိုတိုက်တာကနေ ပိုးမွှားတွေက သွေးကြောလေးထဲတွေကို
ဝင်သွားပြီး နှလုံးအထိသွားပြီး ပင်ကိုယ်ကရောဂါဖြစ်နေတဲ့နေရာတွေမှာ သွားပွားများကြလို့ လူအသက်အန္တရာယ်ဖြစ်စေတယ်လို့ဆိုပါတယ်။ အဲဒီလိုရောဂါရှိတဲ့သူတွေဟာ သွားနဲ့ပတ်သက်ပြီး ကုသမှုတခုခုလုပ်တော့မယ်ဆိုရင် ဆရာဝန်ကို ကြိုပြီးပြောပြထားရပါတယ်။ ဒါမှ ပိုးတွေသွေးကြောထဲကတဆင့်နှလုံးကိုမသွားနိုင်အောင်၊ ပိုးသတ်ဆေး
ဝါးကြိုတိုက်ထားနိုင်မှာပါ။ ခွဲစိတ်ကုသမှမဟုတ်ပါဘူး၊ သွားကျောက်ခြစ်တာ၊ သွားဖာသွားစိုက်တာစတဲ့ ကုသမှုတွေလုပ်တဲ့အချိန်မှာလည်း သွားဖုံးသားကို မဖြစ်မနေထိရ၊ သွေးထွက်ရတာမို့ ဒီရောဂါရှိတဲ့သူတွေဟာ ပေါ့ပေါ့မတွေးဘဲ ဆရာဝန်ကိုပြောပြရမှာပါ။
သွားနဲ့ခံတွင်းကျန်းမာရေးနဲ့ပတ်သက်ပြီး ထပ်ရေးပါဦးမယ်။

7 comments:

တောင်ပေါ်သား said...

ကိုကြီးရေ မင်္ဂလာပါခင်ဗျာ ကျန်းမာရေးအသိပေးတဲ့ အတွက် ကျေးဇူးအထူးတင်မိပါတယ်.. ပိုးပေါင်းများစွာနဲ့ လူသားတွေမှာ အကျိုးပြုတဲ့ ပိုးတွေရှိသလို လူကို ဒုက္ခရောက်စေတဲ့ ပိုးတွေလည်းရှိတယ် ဆိုတဲ့ အသိလေးရတဲ့အတွက် ကျေးဇူးပါအကိုရေ နောက်လည်း ဒီလိုပိုစ့်လေးတွေကို စောင့်ဖတ်နေပါတယ် အားပေးလျက်

မြရွက်ဝေ said...

ဆရာရေ မအားတဲ့ကြားက ရေးပေးတာ ကျေးဇူးပါ။
ညီမက လေးဘက်နာရှိတယ်။ လေးဘက်နာ အဆစ်အမြစ်ကိုက်ပါ။ နှလုံးအထိတော့ မဖြစ်သေးဘူးထင်တာဘဲ။ ဒီပို့စ်ဖတ်ပြီး သတိထားမှ။ ပြောင်သွားရင်ပြီးရောဆိုပြီး စွတ်ခြစ်တဲ့အခါတွေလည်း ရှိတယ်။ ဆရာပြောမှ အန္တရာယ်များမှန်းသိတော့တယ်။

ဖီးနစ် said...

မင်္ဂလာပါခင်ဗျာ
ကျွန်တော်ကမွေးရာပါနှလုံးအဆို့ ရှင်မကောင်းတဲ့ရောဂါရှိလို့ နှလုံးအဆို့ ရှင်အသစ်တပ်ထားရတဲ့သူပါ အခုဆရာဆွေးနွေးတင်ပြသွားတာတွေကျွန်တော်အရင်ကတစ်ခါမှမသိခဲ့ပါဘူး
အခုလိုမျိုးဖတ်ရတာကျန်းမာရေးဗဟုသုတအရမ်းရပါတယ်
ရှောင်စရာလေးတွေလည်းကြိုသိသွားလို့ ရှောင်လို့ ရပါပြီ ကုသိုလ်လဲရပါတယ်
ဒါမျိုးကျန်းမာရေးပညာပေးဆောင်းပါးလေးတွေများများရေးပါလို့ တိုက်တွန်းအားပေးပါတယ်
ကျေးဇူးတင်ပါတယ်
ကျန်းမာရွှင်လန်းပါစေ

Dr. Nyan said...

လာဖတ်ပြီးအားပေးကြတာကျေးဇူးအထူးတင်ပါတယ်။
ဆက်ပြီးရေးဖို့ကြိုးစားပါ့မယ်ခင်ဗျား။

Unknown said...

အံဆုံးက ပုံမမှန်ဘဲ ခုံးပြီး အထဲမှာလဲ အခေါင်းဖြစ်နေလို့အစာစားရင် သွားကြားညပ်တာတွေအတွက် အမြဲ ဒုက္ခရောက်ပါတယ်။ အံဆုံးဆိုတာ အရေးမကြီးဘူးဆိုတော့ နှုတ်ပစ်ရမလား၊ အခေါင်းကိုပဲ ဖာရမလား အကြံပေးပါအစ်ကိုရေ။ ထိုင်းမှာဆို ဘာသာစကား အခက်အခဲကြောင့် ဆရာဝန်နဲ့ လူနာ သေချာ မဆွေးနွေးနိုင်တော့ သူ ရှင်းပြလဲ ကိုယ်နားမလည်၊ ဖြစ်ချင်တာကိုပဲ လိုတိုရှင်း ပြောရမှာမို့ပါ။
အံသွားတွေမှာ အပေါက်ဖြစ်တာ ချက်ချင်း ဖာပစ်ဖို့ အရေးကြီးသလား။ နောက် အဆင်ပြေမှ ဖာလို့ ရလား အစ်ကို။

Dr. Nyan said...

အံသွားမှာ ပိုးစားပြီးအပေါက်ဖြစ်တာဆိုရင် သိသိချင်းဖာထေးသင့်ပါတယ်ခင်ဗျား။ နောက်ကျသွားရင်သွားရဲ့အတွင်းဆုံး သွေးကြောအာရုံကြောတွေရှိတဲ့အထိရောက်သွားပြီး အကြောထုတ်ကုသရတဲ့အထိ ဖြစ်သွားနိုင်ပါတယ်။

မေမေ့ မေတ္တာ said...

ဒကာကြီးရဲ့ကျန်းမာရေး အသိပညာပေး စာစောင်တွေကို ဖတ်ရလို့ ၀မ်းသာလှပါပြီ။ နောက်ထပ်လည်း များများရေးပေးပါနော်။ ဦးဇင်းလည်း နောက်ဆုံးအံသွားရဲ့ ရှေ့တချောင်းက တခြမ်းပဲ့ပြီးတော့ သွားနှစ်ချောင်းကြားမှာ အပေါက်ဖြစ်နေတယ်။ အဲဒါဘယ်လိုလုပ်ရမလဲ ပြောပြပေးပါအုံးနော်။ ဒကာကြီးနဲ့ မိသားစု အားလုံး ကျန်းမာ ချမ်းသားလိုရာဆန္ဒပြည့်ဝကြပါစေလို့ မေတ္တာပို့သလျှက်===