Sunday, July 5, 2009

အတိတ်=ပစ္စုပ္ပန်=အနာဂတ် ???


ပြန်ဖို့နီးလာတာနဲ့အမျှ မြန်မာနိုင်ငံသတင်းတွေကို မပြတ်နားစွင့်မိပါတယ်။ အခြေအနေကတော့ ထူးမခြားနား စိတ်ပျက်စရာချည်းပါဘဲ။ တခါတလေတွေးမိပါတယ်။ ကျွန်တော်တို့အတွက် သက်တမ်းပြည့်နေရမယ်ဆိုနောက်နှစ် ၃၀-၃၅ နှစ်လောက်ကျန်တယ်။ ဘိုးဘွားတွေလက်ထက်ကစပြီး၊ ယဉ်ကျေးမှုတရွေ့ရွေ့တိုးတက်ပြီး လူနေမှုအဆင့်အတန်း ကျန်းမာရေးစောင့်ရှောက်မှုအဆင့်အတန်းမြင့်မြင့်လာနေတဲ့ ကမ္ဘာကြီးအလယ်မှာ၊ တခြားဆင်းရဲပြီး၊ လူ့အခွင့်အရေးမညီမျှတဲ့နိုင်ငံကလူတွေလို၊ လူအများစုကဆင်းရဲ၊ လူနေမှုအဆင့်အတန်း၊ ကျန်းမာရေးအဆင့်အတန်း၊ ပညာရေးအဆင့်အတန်းတွေနိမ့်ကျပြီးနေလာခဲ့ကြရတာ၊ အဖေအမေ တွေခေတ်မှာလည်းဆက်ပြီး၊ ခံစားခဲ့ကြရ၊ ရုန်းကန်ခဲ့ကြရတယ်။ အခုကျွန်တော်တို့ခေတ်မှာလည်း ဒီအခြေအနေတွေက ပြောင်းမလာတဲ့အပြင်၊ ပိုပိုပြီး ဆိုးလာနေတယ်။ သမီးလေးအခု အသက်(၈)နှစ်ပြည့်တော့မယ်။ သူတို့တွေ လူဖြစ်တဲ့အချိန်မှာရော၊ ဒီလိုဘဲဆက်သွားနေအုံးမှာလားဆိုတာတွေးမိရင် ရင်လေးမိတယ်။ ကိုယ်တွေကတော့ အသက်ကြီးပြီ၊ နိုင်ငံမတိုးတက်လည်းနေပါစေ၊ လူတိုင်းရသင့်တဲ့အခွင့်အရေးတွေမရလည်းနေပါစေ၊ တနေ့လုပ်တနေ့စားရရင်တော်ပြီ ဆိုတဲ့အတွေးနဲ့ဘဲ နှစ်သိမ့်ရောင့်ရဲနေရင်၊ ဒီနိုင်ငံဟာ မျိုးဆက်အလိုက် ဆက်မွဲနေအုံးမှာဘဲလို့ ကျွန်တော်ထင်တယ်။ ကိုယ့်အတွက်မစဉ်းစားရင်တောင် နောင်မျိုးဆက် ကိုယ့်သားသမီးခေတ်အတွက်ကြိုတွက်ပြီး၊ ပြောင်းသင့်တာပြင်သင့်တာ မြန်မြန်မလုပ်ကြဘူးဆိုရင်၊ လူကြီးတွေရဲ့ဆင်းရဲမွေကို လူငယ်တွေက ဆက်ခံကြရအုံးမှာဘဲဖြစ်ပါတယ်။ နိုင်ငံခြားမထွက်ရခင်ကတည်းက ဒီအခြေအနေတွေကို နားလည်သင့်သလောက်နားလည်နေခဲ့ပါတယ်။ လူငယ်ဘ၀က တခါတလေ သူငယ်ချင်းတွေဆုံရင်း ဒီအကြောင်းတွေပြောဖြစ်ကြရင်၊ လက်ရှိအခြေအနေကို စိတ်ပျက်ပြီး၊ လူကြီးတွေလုပ်သမျှ လူငယ်တွေက ကောင်းမွေဆိုးမွေဆက်ခံနေကြရတယ်ဆိုတာပြောဖြစ်ကြတယ်။ ဒီလိုနဲ့ဘဲ...ကိုယ်ကိုယ်တိုင်က လူကြီး (အသက်ကြီးလာတာ) ဖြစ်နေခဲ့ပြီ။ ကိုယ်ချင်းစာစိတ်နဲ့လူငယ်တွေအတွက်ဘာလုပ်ပေးနိုင်လဲ စဉ်းစားရမယ့် လုပ်ရမယ့်အရွယ်ရောက်လာခဲ့ပြီ။
ဝန်းထမ်းတစ်ယောက်-ကျောင်းဆရာတစ်ယောက်အနေနဲ့ ကိုယ်လုပ်နိုင်တာကတော့၊ တပည့်တွေကို ကိုယ်သင်နေတဲ့ ပညာတွေအမွေလက်ဆင့်ကမ်းတာအပြင်၊ အပြင်မှာဘာတွေတိုးတက်နေတယ်၊ လူတွေဘယ်လိုအခွင့်အရေးတွေရနေကြတယ်၊ ကိုယ်တွေမှာဘာတွေလိုနေတယ်ဆိုတာကိုပါ၊ နားလည်လာအောင် အသိအမြင်ပေးဖို့ဘဲရှိပါတယ်။

4 comments:

Dust in the Wind said...

လေးစားပါတယ်ဆရာ....ကျွန်တော်လဲ ဒီလိုပဲ ခံစားမိပါတယ်...Next Generation တွေအပေါ် တာဝန်ကျေအောင် ကိုယ်တက်နိုင်သလောက် ကျရာနေရာကနေ စေတနာမှန်မှန်နဲ့ မညာစတမ်း အလုပ်လုပ်ကြရုံပေါ့။ စေတနာမမှန်သော အုပ်ချူပ်သူတွေရဲ့ဘေးမှ ကင်းဝေးနိုင်ပါစေလို့......

မေတ္တာဖြင့်....

တောင်ပေါ်သား said...

အကိုရေ ခံစားသွားပါတယ် မှန်ပါတယ် ကျနော်တို့တွေ ဘာမှ မလုပ်ပေးနိုင်သေးတရွှေ့တော့ နောင်လာမဲ့ မျိုးဆက်လေးတွေ အတွက် ရင်လေးစရာပါပဲဗျာ... ဘာဆိုဘာမှ မသိတဲ့ ဦးနှောက်မရှိတဲ့ လူတွေ အဖြစ် ကိုယ့်ဟာကိုယ်သတ်မှတ်ပြီး စိတ်မကောင်းဖြစ်နေရပါတယ်း(

လေးစားလျက်
တောင်ပေါ်သား

ဆန်းဝင်း said...

အကိုရေ.. လေးနက်တဲ့ အတွေးတွေ ကို ဖတ်ရတဲ့အခါ ငါရော ဆိုတဲ့အတွေး ၀င်လာမိပါတယ်...

Anonymous said...

Dr . Nyan .....Same your feeling ......how can we do ?