Sunday, September 20, 2009

ခရီးသွားမှတ်တမ်း

စက်တင်ဘာလဟာ ကျွန်တော့်အတွက်တော့ “ခရီးသွားလ” ဖြစ်နေပါတယ်။ လွန်ခဲ့တဲ့နှစ်ပတ်က စင်္ကာပူသွားခဲ့ပြီး မနက်ဖြန်တရုတ်ကို စာတမ်းဖတ်ဖို့သွားပါဦးမယ်။ မနှစ်ကသွားခဲ့တဲ့ဥရောပခရီးမှတ်တမ်းလေးတင်လိုက်ပါတယ်။





မနှစ်က ကျွန်တော်ဒီအချိန်ပိုလန်မှာရောက်နေခဲ့ပါတယ်။ ၀ါဆောမြို့ရဲ့အထင်ကရ Palace of Art and Culture မှာကျင်းပတဲ့ 17th European Association for Osseointegration လို့ခေါ်တဲ့ dental implant နဲ့ဆိုင်တဲ့ညီလာခံကိုသွားတက်နေခဲ့ပါတယ်။ ဒီညီလာခံက dental implant နဲ့ပတ်သက်လို့ အကြီးဆုံး အစည်ကားဆုံးညီလာခံကြီးပါဘဲ။ ဒါကြောင့်ပါမောက္ခက ကျွန်တော့်ကို မင်းမပြန်ခင်တစ်ခေါက်တော့အနည်းဆုံးတက်ဖြစ်အောင်တက်သင့်တယ်ဆိုပြီး၊ ဥရောပကိုသူခဏရောက်ချိန်မှာ၊ စာတမ်း abstract ကို ကျွန်တော့်ကိုယ်စားတင်ပေးခဲ့ပါတယ်။ သူပြန်လာတော့မှ နောက်ဆုံးနေ့မို့လို့ ကျွန်တော့်ကိုမေးချိန်မရဘဲ တင်ပေး
လိုက်ပြီဖြစ်ကြောင်း၊ အကြောင်းကြောင်းကြောင့် ကျွန်တော်မသွားနိုင်ခဲ့ရင် သူက ကိုယ်စားတက်ပြီး စာတမ်းဖတ်ပေးမယ့်အကြောင်းပြောပြပါတယ်။ ဒါနဲ့ဘဲ မြန်မာပြည်ကို ပိုလန်သွားဖို့ ခွင့်ပြုချက်နဲ့နိုင်ငံကူးလက်မှတ်မှာ also good to travel to Poland ဆိုတဲ့ endorsement ရဖို့လှမ်းတင်လိုက်ရပါတယ်။ ခွင့်ပြုချက်ကျဖို့ အနည်းဆုံး နှစ်လကြာတတ်ပါတယ်။ ရမယ်မရဘူးလည်းမသေချာလှပါဘူး။ ဥရောပနိုင်ငံလည်းဖြစ်နေတော့ ကျွန်တော်ရလိမ့်မယ်လို့မထင်ထားခဲ့ပါဘူး။ လေယာဉ်လက်မှတ်တို့ဘာတို့ကလည်း အားလုံးမသေချာဘဲလုပ်ရင်ရှုံးမှာမို့ မလုပ်ရဲပါဘူး။ ဒီလိုနဲ့ သွားခါနီး နှစ်ပတ်အလိုမှာမှ ခွင့်ပြုချက်ကျလာလို့ အမြန် endorse လုပ်၊ လေယာဉ်လက်မှတ်မှာပြီး ပိုလန်သံရုံးပြေးရပါတယ်။ ဗီဇာကိုအလွယ်တကူရခဲ့ပေမယ့် နီးမှလုပ်ရတဲ့လေယာဉ်လက်မှတ်က အပြန်ခရီး ပြင်သစ်မှာ ၇နာရီ transit စောင့်ရတဲ့လေယာဉ်ဘဲရပါတော့တယ်။ ဘာပဲဖြစ်ဖြစ်ရတာကံကောင်းဆိုပြီး ခရီးအတွက်နဲ့ စာတမ်းအတွက်ပြင်ဆင်ရပါတော့တယ်။ ပါမောက္ခလည်းကျွန်တော်သွားခွင့်ရလို့ဝမ်းသာနေခဲ့ပါတယ်။ ဘာလို့လည်းဆိုတော့ ကျွန်တော့်အရင်ဆရာတစ်ယောက် အမေရိကမှာစာတမ်းဖတ်ဖို့ခွင့်ပြုချက်တင်တာ မရလို့ အစီအစဉ်ပျက်သွားခဲ့ရတာ သူကြုံထားဖူးလို့ပါ။ (ဒီကန့်သတ်ချက်တွေကြောင့်ဘဲ Harvard University, Toronto University တွေမှာ Research day တက်ဖို့ Study Tour သွားဖို့အခွင့်အလမ်းတွေကျွန်တော်လက်လွှတ်ခဲ့ရပါတယ်)

အားလုံးအဆင်ပြေချိန်မှာနောက်အခက်အခဲတစ်ခုက လေယာဉ်လက်မှတ်ဖိုးပါ။ မြန်မာငွေနဲ့၂၃သိန်းလောက်ကျပါတယ်။ ကျောင်းသားတိုင်းကို တက္ကသိုလ်က ခရီးစရိတ်အကုန်မခံပါဘူး။ တချို့ဘတ်ဂျက်တောင့်တဲ့ဌာနဆိုရင် ဌာနက အကုန်အကျခံပေးပါတယ်။ တချို့လည်ကိုယ့်စားရိတ်ကိုယ်ခံရပါတယ်။ ကျွန်တော့်အတွက်တော့ တက္ကသိုလ်ရဲ့Center of Excellence ဆိုတဲ့ grant အစီအစဉ်က နိုင်ငံခြားမှာစာတမ်းသွားဖတ်ဖို့ တစ်နှစ်ကို ဂျပန်ယန်းသောင်း ၃၀ (မြန်မာငွေ ၃၃သိန်းခန့်) ခွင့်ပြုပါတယ်။ လေယာဉ်လက်မှတ်၊ ဟိုတယ်ခနဲ့ နေ့တွက်အသုံးစားရိတ်ထုတ်ပေးပါတယ်။ ပေးတယ်ဆိုပေမယ့် ခရီးကပြန်မှ ဘောက်ချာနဲ့တကွပြန်တင်ပြီးမှ ပြန်ရတာပါ။ လောလောဆယ်ကိုယ်ကစိုက်ဝယ်ထားရသုံးထားရပါတယ်။ လက်မှတ်ဝယ်တော့ ကျွန်တော့်ဗီဇာကဒ်က သောင်း၂၀အတိဘဲသုံးခွင့်ရှိပါတယ်။ လေယာဉ်လက်မှတ်ဝယ်လို့မလောက်လို့ တခါ ဗီဇာကုမ္ပဏီကိုဖုန်းဆက်ပြီး သောင်း၃၀အထိသုံးလို့ရအောင်လျှောက်ရပါသေးတယ်။ သောင်း၃၀နဲ့လောက်သွားအောင် ဟိုတယ်ကိုလည်းအွန်လိုင်းကနေရှာပြီး သိပ်ဈေးမကြီးတာကို လှမ်းbooking လုပ်ထားလိုက်ပါတယ်။ ဌာနကနေ ပါမောက္ခအပါအ၀င် တခြား ၆ ယောက် ပါသွားတက်ခဲ့ကြပေမယ့် ကိုယ့်အစီအစဉ်နဲ့ကိုယ်တွေပါဘဲ။ လေယာဉ်ကအစမတူကြပါဘူး။

ဒီလိုနဲ့အသွားခရီး ..ကမ္ဘာ့ရှေ့ခြမ်းကနေနောက်ခြမ်းကို ထွက်ရတဲ့ခရီးဟာ ရှည်လျားလွန်းလှပါတယ်။ ၁၃နာရီလောက်ပျံပြီးမှပြင်သစ်နိုင်ငံ Paris Charles de Gaulle (CDG) လေဆိပ်ကိုရောက်ပါတော့တယ်။ အသွားခရီးကတော့ ၃နာရီဘဲလေဆိပ်ထဲမှာစောင့်ရပြီး သိပ်မကြာလိုက်သလိုပါဘဲ။ ပိုလန်ကိုဆက်တော့ လေယာဉ်လေးသေးသေးနဲ့ သိပ်ဇိမ်မကျလှပါဘူး။ ၃နာရီလောက်စီးရပါတယ်။ စုံစမ်းရေးမှာ ဟိုတည်ကိုသွားဖို့ ဘတ်စ်လမ်းကြောင်းကိုစုံစမ်းပြီး၊ ဘတ်စ်ကိုလိုက်ရှာရပါတယ်။ လေဆိပ်ကနေ တစ်ကြောင်းတည်းနဲ့ရောက်တဲ့ဘတ်စ်ရှိလို့ အဆင်ပြေခဲ့ပါတယ်။ ဒါတောင် ၁နာရီနီးပါးစီးရပါတယ်။ စက်တင်ဘာပေမယ့် ပိုလန်ရာသီဥတုက မိုးဖွဲဖွဲနဲ့အေးလှပါတယ်။ ဈေးမကြီးတဲ့ဟိုတယ်ဆိုတော့ မြို့လည်ခေါင်က ညီလာခံလုပ်တဲ့နေရာအထိ ဘတ်စ်နဲ့ ၃၀ မိနစ်လောက်သွားရပါတယ်။ တစ်ယောက်ထဲဆိုတော့ ဟိုမေးဒီမေးနဲ့ဘဲ ချောချောမောမောရောက်ခဲ့ပါတော့တယ်။ ညီလာခံက လက်ချာတွေဟာ ကျွန်တော်လေ့လာနေတဲ့ပညာအတွက် အရမ်းကို အထောက်အကူဖြစ်ခဲ့ပါတယ်။ ညီလာခံပြီးချိန်တွေမှာ မြေပုံကြည့်ပြီးဒေသန္တရဗဟုသုတအတွက် တစ်ယောက်ထဲဘဲ လျှောက်သွားခဲ့ပါသေးတယ်။ နောက်ဆုံးနေ့ကျမှ ပါမောက္ခက သူနဲ့အတူဒင်နာသွားစားကြမယ်ဆိုပြီးခေါ်တော့မှ အတူသွားဖြစ်ပါတော့တယ်။

ပိုလန်မှာလျှောက်လည်ခဲ့တဲ့နေရာတချို့

ဒီလိုနဲ့အပြန်ခရီးမှာ ပြင်သစ်လေဆိပ်ကိုပြန်ရောက်ပြန်ပါတယ်။ လေယာဉ်ပေါ်ကနေအဆင်း immigration ကောင်တာမရောက်ခင်၊ လူတချို့တံခါးလေးတစ်ခုကိုတွန်းတွန်းဖွင့်ပြီးသွားနေကြတာတွေ့လိုက်လို့၊ ကျွန်တော်လည်း၊ immigration အတွက်စီနေတဲ့လူတန်းကြီးကိုမစောင့်ဘဲ၊ သူတို့လမ်းအတိုင်းလိုက်သွားလိုက်တာ၊ လေဆိပ်ပြင်ကိုထွက်တဲ့နေရာအထိတန်းရောက်သွားခဲ့ပါတယ်။ နဂိုကတော့ထွက်လည်ဖို့အစီအစဉ်မရှိခဲ့ပါဘူး။ immigration ကိုဖြတ်လိုက်ရင်လည်း ဂျပန်ပြန်ရမယ့်ကျွန်တော့်ကို ထွက်လည်ဖို့လွှတ်ပေးမှာမဟုတ်ပါဘူး။ ကဲ..ရောက်လာမှတော့ နည်းနည်းလျှောက်ကြည့်ဦးမယ်..အချိန်၇နာရီကလည်းရတယ်..ဆိုပြီး မြို့ထဲသွားတဲ့ဘတ်စ်ကိုစုံစမ်းပြီး ထွက်ခဲ့ပါတော့တယ်။ ပါရီဆို အီဖယ်မျော်စင်ဘဲကြားဖူးတာဆိုတော့ အီဖယ်ဖက်သွားတဲ့ဘတ်စ်လက်မှတ်ကိုစုံစမ်းပြီး လိုက်ခဲ့ပါတော့တယ်။ အပြန်ရထားစုံးစမ်းပြီး ရထားနဲ့ပြန်မယ်ဆိုပြီး ဘတ်စ်လက်မှတ်ကိုတစ်ကြောင်းတည်းဘဲဝယ်ခဲ့ပါတယ်။ ကြာချိန်စုံစမ်းပြီး၊ လေဆိပ်ကို လေယာဉ်ချိန်မတိုင်ခင် ၂နာရီအရောက်ပြန်မယ်။ စုစုပေါင်းလည်ပတ်ချိန် ၃နာရီရမယ်လို့ တွက်ပြီး ထွက်ခဲ့ပါတော့တယ်။ ၁နာရီလောက်စီးရပြီး နာမည်ကျော် Arc de Triomphe ကြီးရှေ့မှာ ကားဂိတ်ဆုံးပါတော့တယ်။

Arc de Triomphe



အဲဒီမှာဆိုင်တွေအများကြီးကို လျှောက်ကြည့်ရင်း၊ အီဖယ်မျှော်စင်ကိုလည်းသွားချင်တာနဲ့ အနားမှာတွေ့တဲ့ရဲကိုလမ်းမေးရပါတယ်။ မျှော်စင်ကမြင်သာမြင်နေရတယ်၊ လမ်းလျှောက်သွားတော့တော်တော်ဝေးပါတယ်။ လေယာဉ်မမီမှာစိတ်ပူတာနဲ့ ဒီဖက်မြစ်ကမ်းကဘဲဓာတ်ပုံလှမ်းရိုက်ပြီး Arc de Triomphe ကိုပြန်လျှောက်ခဲ့ပါတယ်။ အသွားအပြန်၁နာရီကျော်ကြာခဲ့ပါတယ်။

တကယ်တော့ မြေအောက်ရထားနဲ့သွားရင်နီးနီးလေးပါ။ ဘာမှပြင်ဆင်လေ့လာမထားရတော့၊ ရထားမှားမှာတို့ အချိန်နောက်ကျမှာတို့ပူလို့ လက်မှတ်ဝယ်ဖို့ဆင်းသွားပြီးမှ မစီးဖြစ်တော့တာပါ။

လျှောက်ကြည့်ရင်း လူးဝစ်ဆိုင်မှာလူတွေအများကြီးတန်းစီနေကြတာတွေ့တော့ အန်တီဝါကိုသတိရသွားမိပါတယ်။ သူကလူးဝစ်ဗီတင်ခရေဇီလေ။ ဘာတွေများဒီလောက်စီနေပါလိမ့်လို့စပ်စုရင်း ကျွန်တော်လည်းနာရီဝက်လောက်အပွန်းခံပြီးတန်းဝင်စီလိုက်ပါတယ်။ အထဲရောက်မှ၊ အိမ်ပြန်လက်ဆောင်ဘာမှမပါသေးတာ သတိရမိပါတယ်။ (ကုန်ဖို့ဖန်တာများပြောပါတယ်..း) ကျွန်တော့်ဥာဉ်က ကောင်းတာတွေ့ရ စားရရင် အိမ်ကလူတွေကိုသိပ်သတိရတယ်။ ခုလည်းတကူးတကမရည်ရွယ်ပါဘဲ ပဲရစ်မြို့လည်အထိရောက်လာမှ တော့ တစ်ခုခုဝယ်ပြန်မယ်လို့ဆုံးဖြတ်လိုက်ပြီး၊ ခုခေတ်စားတဲ့လူငယ်ကိုင်အိတ်တစ်အိတ်လောက်ပြပါ၊ ဈေးလည်းသိပ်မကြီးတာပေါ့။ ထုတ်ပြလာတာလေးက အန်တီဝါအကြိုက်ဖြစ်လောက်တယ်ဆိုပြီး အချိန်ကြည့်ပြီးမြန်မြန်ဘဲဝယ်လိုက်ပါတယ်။ ဗီဇာကဒ်နှစ်ခုလုပ်ထားမိလို့သာပါ။ တစ်ခုက လေယာဉ်လက်မှတ်ဝယ်တာနဲ့ ဟိုတယ်ခနဲ့ ပြည့်လုပြီလေ။

ချစ်ချစ်အတွက်စလင်းဘက်


လေဆိပ်ကို နှစ်နာရီမတိုင်ခင်အရောက်မှန်းပြီးပြန်ရမှာမို့ Arc de Triomphe ကနေ လေယာဉ်ချိန်၃နာရီအလိုမှာဘတ်စ်ကားစစီးခဲ့ပါတယ်။ အပြန်လမ်းက ပိတ်လို့ ထင်တာထက်ပိုကြာခဲ့ပေမယ့် အချိန်မီပြန်ရောက်သွားပြီး အောင်အောင်မြင်မြင်ပြင်သစ်အလည်ခရီးပြီးဆုံးပါတော့တယ်။ ၃နာရီဆက်တိုက်လမ်းလျှောက်လိုက်၊ ဓာတ်ပုံရိုက်လိုက်လုပ်ခဲ့တော့ ညောင်းညာနေပါပြီ။ Immigration အဖြတ်မှာ ဆူပူနေတဲ့ပြင်သစ်ရဲမလေးရဲ့အင်္ဂလိပ်စကားကိုနားမလည်ဟန်ဆောင်ပြီး၊ ကြိတ်ပြုံးရင်း လေယာဉ်ဆီလျှောက်ခဲ့ပါတော့တယ်ခင်ဗျား။

8 comments:

:P said...

ဒီပို့စ်ကို စဖတ်ကထဲက မဝါ ရေးဖူးတဲ့ပြင်သစ်က အိတ်ကို သတိရတယ်...။

အောက်ဆုံးပုံရဲ့ ပုံစာကို ပြုံးမိသွားတယ်...။

ကြည် said...

ဦးဥာဏ် အတွက် အများကြီး ဂုဏ်ယူမိပါတယ်။

တောင်ပေါ်သား said...

ဦးဥာဏ်ရေ တရုတ်ပြည် စာတမ်းအတွက် အားလုံး အဆင်ပြေပြီး အောင်မြင်ပါစေလို့ ဆုတောင်းပေးပါတယ် ပြန်လာမှ အဲ့ခရီးသွားကို ဖတ်တော့မယ်း)


လေးစားလျက်
တောင်ပေါ်သား

khin oo may said...

kmsl ကတော့ channel တစ်တောင့်ဝယ်ပေးရင်တာဝန်ကျေပြီးဆိုဘဲ။

ညီညီ said...

အရာရာတိုင်းမှာ အောင်မြင်ပါစေ ဦးဥာဏ်ရေ.
ဦးဥာဏ် အတွက်ဂုဏ်ယူပါတယ်.

Dr. Nyan said...

Thank you all.
တရုတ်ပြည်မှတ်တမ်းလေး real-time တင်မလို့ကို ဘန်းထားလို့မတင်နိုင်ဖြစ်နေပါတယ် ။ ဘယ်လိုကျော်ရမလဲသင်ပေးကြပါဦးဗျို့။

ရေတမာ said...

ဖတ်ရတာ သည်းထိတ်ရင်ဖိုပဲ။ လည်ရတာ မလွတ်လပ်လိုက်တာ။ LV ရအောင် ၀ယ်ခဲ့တာတော့ ချီးကျူးပါတယ် ဦဥာဏ်

ဆောင်းနှင်းရွက် said...

အဲ့တုန်းက
ပြင်သစ် ရဲမေလေးကို
မျက်လုံး တစ်ဖက် မှိတ်ပြလိုက်တယ် မလား ..>>>
အဟိ ..
တရုတ်ပြည် ခရီးစဉ်လည်း
ပျော်ရွှင်ဖွယ်ကောင်းသော
ခရီးစဉ် လေး ဖြစ်ပါစေ ..။