Saturday, September 26, 2009

တရုတ်ပြည်ခရီး-စတုတ္ထနေ့ နဲ့နောက်ဆုံးနေ့








ဒီနေ့ညီလာခံနောက်ဆုံးနေ့ပါ။ မနက်ပိုင်းတစ်ပိုင်းလုံး ပိုစတာပြပွဲနဲ့အချိန်ကုန်သွားပါတယ်။ ဒီမှာပြဖို့ယူလာတဲ့စာတမ်းက စင်္ကာပူမှာတုန်းကနဲ့လုံးဝမတူတဲ့ သုတေသနကနေ တစ်ပိုင်းကိုထုတ်နှုတ်ထားတာဖြစ်ပါတယ်။ စင်္ကာပူမှာပြခဲ့တာက အဓိက main research ဖြစ်ပြီး၊ အခုဟာက အချိန်ပိုတုန်းလုပ်ချင်တဲ့အတွက် ပါမောက္ခကို idea ပြောပြပြီး လုပ်ခွင့်ရခဲ့တဲ့သုတေသနဖြစ်ပါတယ်။ ရလာဒ်ကို ကိုယ်ကိုယ်တိုင်ကသိပ်အားရမှုမရှိခဲ့ပေမယ့် ပါမောက္ခကစိတ်ဝင်စားမှုရှိခဲ့ပါတယ်။ ဒီမှပိုစတာပြတော့လည်း စိတ်ဝင်တစားမေးမြန်းတဲ့သူတွေ များခဲ့ပါတယ်။ စာတမ်းအနေနဲ့ထုတ်ဝေထားတာရှိရင်ပေးပါဆိုပြီးတောင်းကြတဲ့သူတွေလည်းရှိခဲ့ပါတယ်။ တခြားဂျပန်တက္ကသိုလ်တစ်ခုက ပါမောက္ခတစ်ယောက်က အလားတူသုတေသနလုပ်နေသူလို့ခန့်မှန်းရပါတယ်။ လုပ်ပုံလုပ်နည်းအသေးစိတ်ကိုမေးလာခဲ့ပါတယ်။ စာတမ်းကို ဂျာနယ်တင်ပြီးပြီလားလည်းမေးပါတယ်။ တကယ်တော့ ဒီသုတေသနအတွက်စာတမ်းကို ကျွန်တော်တစ်ဝက်လောက်ဘဲရေးရပါသေးတယ်။ နောက်ထပ်သုတေသနအလုပ်တွေဆက်လုပ်နေခဲ့လို့ ပြီးအောင်ဆက်မရေးဖြစ်ခဲ့ပါဘူး။ တတိယမြောက်စာတမ်းကလည်းတင်ရင်းတန်းလန်းဖြစ်နေတာပါပါတယ်။ သုတေသနနယ်ပယ်မှာ အကြောင်းအရာတူ သုတေသနကို လုပ်နေတဲ့သူတွေက အများကြီးဖြစ်ပါတယ်။ ဒီလိုညီလာခံတွေကနေ လိုက်ကြည့်ပြီး၊ လိုက်လုပ်ကြသူတွေလည်းရှိပါတယ်။ ဒီတော့ညီလာခံတွေမှာမပြခင်မှာ စာတမ်းကိုအပြီးသတ်ရေးထားတာကောင်းပါတယ်။ အလားတူစာတမ်းကို တခြားတစ်ဦးကလိုက်လုပ်ပြီး ဂျာနယ်မှာထုတ်ဝေခွင့်ရသွားရင် ကိုယ့်အလုပ်ကအလဟဿဖြစ်သွားရတတ်ပါတယ်။ ကျွန်တော့်အတွက်ကတော့ ဘွဲ့ယူဖို့စာတမ်းက မနှစ်ကတည်းက ထုတ်ဝေခွင့်ရသွားပြီးပြီမို့ အရေးမကြီးပေမယ့်၊ ဘွဲ့ယူဖို့စာတမ်းမရှိသေးတဲ့သူတွေအတွက်တော့ ဂျာနယ်မပို့ခင် ညီလာခံမှာသွားပြတာဟာ နည်းနည်းစိတ်ပူရပါတယ်။ သူငယ်ချင်းအိန္ဒိယသူရဲ့သုတေသနက လက်ဖက်စိမ်းကထုတ်တဲ့ဓာတ်တမျိုးကို အရိုးသားအသစ်ပြန်လည်တည်ဆောက်တာမှာသုံးတဲ့ သုတေသနဖြစ်ပါတယ်။ တခြားလုပ်တဲ့သူမရှိသေးလို့ ကျွန်တော်က တိုက်တွန်းပြီး ကိုယ်တိုင်လည်းကူညီပြပေးခဲ့တဲ့သုတေသနဖြစ်ပါတယ်။ ရလာဒ်ကောင်းလို့ မူပိုင်ခွင့် (patent) လျှောက်ဖို့အထိလုပ်နေပါပြီ။ သူမကိုလည်းညီလာခံကပြန်တာနဲ့စာတမ်းဂျာနယ်တင်နိုင်အောင် ကြိုရေးထားဖို့ တိုက်တွန်းခဲ့ရပါတယ်။ မြန်မြန်မတင်နိုင်ရင် ကိုယ့်အလုပ်ကိုမြင်သွားတဲ့သူတွေက မြန်မြန်သုတေသနလုပ်ပြီး မူပိုင်ခွင့်အရင်တင်သွားနိုင်တဲ့အလားအလာရှိပါတယ်။ ဆေးဝါးနဲ့ပစ္စည်းကုမ္ပဏီကလူတွေလည်း အလားအလာရှိတဲ့ သုတေသနသမားတွေကိုတွေ့ပြီး သူတို့နဲ့ချိတ်ဖို့ ညီလာခံကိုလာတက်ပြီး စာတမ်းတွေကိုလိုက်ကြည့်ကြတာတွေ့ရပါတယ်။

တရုတ်တွေကြိုက်တဲ့Smelly ထိုဟူးကြော် (၀က်ခြံထဲကအနံ့နံပါတယ်)


ညနေပိုင်းကျတော့ ညီလာခံပိတ်ပွဲမတက်တော့ဘဲ သူငယ်ချင်းသုံးယောက် walking street ဆိုင်တန်းတွေဆီသွားရင်း ညစာထွက်စားကြပါတယ်။ ညီလာခံမှာ မနက်နေ့လည် ည သုံးနပ်စလုံးဘူဖေးချည်းစားနေရလို့ ကြာတော့လည်းငြီးလာကြပါတယ်။ ညစာစားပြီးတော့တက်စီနဲ့ ၀ူဟန်ရဲ့နာမည်ကြီးတံတားကြီးရှိရာကိုသွားလည်ခဲ့ကြပါတယ်။ မြစ်ထဲကို မီးမောင်းဆလိုက်ကြီးတွေကို မိုးမျှော်တိုက်ခေါင်မိုးတွေကနေ အလှထိုးပြီး မီးရောင်စုံအလှဆင်ထားတဲ့ညက တိုးတက်နေတဲ့တရုတ်ရဲ့အကြီးဆုံးစက်မှုမြို့တွေထဲက တစ်ခုဖြစ်တဲ့ ၀ူဟန်မြို့ရဲ့တိုးတက်မှုကို မီးမောင်းထိုးပြနေပါတယ်။


ဒီညီလာခံမှာ သုတေသနအပြင် ဒေသန္တရဗဟုသုတလည်းရခဲ့ပါတယ်။ ညီလာခံမှာနိုင်ငံအသီးသီးက စာတမ်းရှင်တွေ၊ ဘွဲ့လွန်ကျောင်းသားတွေနဲ့လည်း မိတ်ဆွေဖြစ်ခဲ့ပါတယ်။နောက်နေ့မနက်စောစောမှာဝူဟန်ကနေ ဘေဂျင်း transit နဲ့ တိုကျိုကိုပြန်ရောက်ခဲ့ပါကြောင်း တရုတ်ပြည်ခရီးစဉ်ကိုအဆုံးသတ်လိုက်ရပါတယ်။ အားလုံးချမ်းမြေ့ကြပါစေ။

1 comments:

ဖြိုးအောင် said...

အကိုဥာဏ်ခင်ဗျာ..ဗဟုသုတရစေပါတယ်။ နောင်ကိုလဲ အချိန်ရတဲ့အခါ အကို့ သုတေသနအကြောင်းပဲ ဖြစ်ဖြစ်၊ ဆေးလောကအတွေ့အကြုံပဲ ဖြစ်ဖြစ် မိသားစုအကြောင်းလေးပဲ ဖြစ်ဖြစ်ရေးပါဗျာ။
ဖတ်တဲ့သူအတွက် တခုမဟုတ်တခုတော့ အကျိုးရှိပါတယ်။ အချိန်ပေးရကျိုးနပ်ပါတယ်။