Wednesday, September 23, 2009

တရုတ်ပြည်ခရီး-တတိယနေ့



ဒီနေ့ညီလာခံဒုတိယနေ့ပါ။ မနက်စာစားပြီးတာနဲ့ ကိုယ့်သုတေသနနဲ့ဆိုင်တဲ့စာတမ်းတွေလိုက်နားထောင်လိုက်တာ နေ့လည်စာချိန်ထိပါဘဲ။ တရုတ်မှာလုပ်တဲ့အတွက် တရုတ်ကစာတမ်းတွေကအများစုဖြစ်နေပါတယ်။ သူတို့တွေအင်္ဂလိပ်စာမဆိုးကြဘူး။ အသံထွက်ကအစ ဂျပန်တွေထက်သာကြပါတယ်။ မကောင်းတာလေးတချို့က စာတမ်းဖတ်အပြီးနှစ်မိနစ်အကြာတက်ရောက်နားထောင်သူတွေရဲ့မေးခွန်းတွေဖြေကြချိန်မှာ၊ အငယ်လေးတွေ (မာစတာကျောင်းသူတွေလို့ထင်ပါတယ်) မေးခွန်းနဲ့အဖြေကိုအချင်းချင်းကြိုဇာတ်တိုက်ထားကြတယ်။ မျက်လုံးအမြင်အားကောင်းတဲ့ကျွန်တော်က ဘေးနှစ်ယောက်အကွာလောက်မှာထိုင်နေတဲ့ တရုတ်မလေးတစ်ယောက် စာရွက်တစ်ရွက်ကို စူးစူးစိုက်စိုက်ဖတ်နေတာတွေ့လို့ လှမ်းစပ်စုလိုက်တာ..ဒေါက်တာ(၁).....အားမေးရန်မေးခွန်း၊ ဒေါက်တာ(၂).....အားမေးရန်မေးခွန်း၊ စသည်ဖြင့်ကြိုရေးထားတာတွေကို စာတမ်းမဖတ်ခင်ကတည်းက practice လုပ်နေတာသွားတွေ့လိုက်ရတယ်လေ။ တကယ်လည်းစာတမ်းဖတ်ပြီးရော၊ သူတို့လူ (တရုတ်) ဆိုရင် သူများထက်ဦးအောင် လက်ထောင်ပြီး အလွတ်ကျက်ထားတဲ့မေးခွန်းကိုထရွတ်တော့တာပါဘဲ။ ဟိုကလည်းကြိုကျက်ထားတော့ ဒိုးဒိုးဒေါက်ဒေါက်ဖြေထည့်လိုက်တာပေါ့။ နှစ်ယောက်သုံးယောက်လောက်က တာဝန်ယူပြီးထမေးကြပါတယ်။ ကျွန်တော်တို့မေးချင်လို့လက်ထောင်တဲ့အချိန်မှာ၊ သတ်မှတ်ချိန် ၂ မိနစ်ပြည့်သွားပြီမို့မေးခွင့်မရခဲ့တော့ပါဘူး။ အင်္ဂလိပ်စာသိပ်မရတဲ့ဂျပန်တချို့လည်းဒီလိုလုပ်တတ်ကြပါတယ်။ ဒါပေမယ့် အင်္ဂလိပ်စာလည်း အတော်အသင့်ရ၊ နိုင်ငံခြားသားတွေမေးတာလည်းအထိုက်အလျောက်နားလည်နေကြပါလျက်နဲ့ဒီလိုလုပ်ကြတာ သူတို့ရှားရှားပါးပါးရတဲ့နိုင်ငံခြားသားတွေနဲ့ထိတွေ့ရတဲ့ discuss လုပ်ခွင့်ရတဲ့ exposure အခွင့်အရေးလေးကို သူတို့ကိုယ်စားနှမျောမိပါတယ်။

ဘာပဲဖြစ်ဖြစ် တရုတ်တွေရဲ့သုတေသနတွေက အဆင့်မြင့်တာတွေအများကြီးပါပါတယ်။ အဘက်ဘက်ကနေ ဖွံ့ဖြိုးလာနေတဲ့တိုင်းပြည်ပီပီ၊ သုတေသနမှာ အများကြီးထောက်ပံ့တာတွေ့ရပါတယ်။

မွန်းလွဲပိုင်းကျတော့၊ ပိုစတာပြပွဲပါ။ သူငယ်ချင်းတစ်ယောက်ကဒီနေ့၊ ကျွန်တော်နဲ့နောက်တစ်ယောက်က မနက်ဖြန်ပါ။ စိတ်ဝင်စားဖို့ကောင်းတဲ့ပိုစတာတွေကိုဓာတ်ပုံလိုက်ရိုက်ထားပါတယ်။

ညနေညီလာခံအပြီးမှာတော့ ၀ူဟန်မြို့ walking street လို့ခေါ်တဲ့ဆိုင်တန်းရှည်ကြီးကိုသွားလည်ခဲ့ကြပြီး၊ ဟိုဟိုဒီဒီလျှောက်ဝယ်ကြပါတယ်။ သူတို့ဆီမှာလည်း မြန်မာပြည်လိုဘဲ လမ်းဘေးဈေးသည်လေးတွေအများကြီးအခင်းတွေခင်းပြီးရောင်းကြတဲ့ ပျံကျဈေးရှိပါတယ်။ မြန်မာပြည်နဲ့တူလိုက်တာ..လို့တွေးလို့မှမဆုံး..၀ုန်း..ဆို၊ ပြေးကြဟေ့..သိမ်းကြ..စည်ပင်ရဲတွေလာနေပြီ (တရုတ်တွေကျိကျောင်ရွှိရှောင်အော်တာကိုဆီလျှော်အောင်ဘာသာပြန်ထားတာပါ) ဆိုပြီးအထုပ်တွေသိမ်းပြေးလိုက်ကြတာ..တကယ့်ရန်ကုန်ပျံကျဈေးလိုပါဘဲ။ အမြင်ကတ်စရာကောင်းတဲ့ရဲနဲ့ သနားစရာကောင်းတဲ့လက်လုပ်လက်စားတွေဘ၀က တရုတ်မြန်မာ..အနူနူပါဘဲလား။

စည်ပင်လာလို့ကိုယ်တွေပါပြေးရမလိုဖြစ်ခဲ့ရတဲ့ပျံကျညဈေးလေး


ဈေးလျှောက်ပြီးညစာ တရုတ်ဟော့ပေါ့စားခဲ့ကြပါတယ်။ မြန်မာပြည်မှာရှိတဲ့ဟော့ပေါ့နဲ့ကွာတာက ဆီတွေ၊ ငရုတ်သီးတွေအများကြီး၊ စမုံစပါးလို ဟင်းခတ်တွေလည်းပါပါတယ်။ ငါးရှဉ့်၊ ဖားသား၊ အသားစုံ၊ဘဲသွေး၊ ဟင်းသီးဟင်းရွက်စသဖြင့်ကိုယ်ကြိုက်ရာမှာပြီး ထည့်ပြုတ်စားကြရပါတယ်။ ၃နာရီလောက်ကြာအောင်စားခဲ့ကြတာ ဟိုတယ်ကို ၁၀း၃၀မှပြန်ရောက်ပါတော့တယ်။ တရုတ်ရောက်ကတည်းက နေ့တိုင်းအစားနဲ့ပြတ်တယ်မရှိအောင်စားနေကြလို့ နဂိုချပ်တဲ့ဗိုက်တောင်နဲနဲထွက်လာပါပြီ။






ဒီမှာဂျပန်-စင်္ကာပူတို့နဲ့မတူတာကတော့ ကားတွေ၊ ဆိုင်ကယ်တွေက တ၀ီဝီနဲ့ လမ်းဖြတ်တဲ့လူကိုဦးစားပေးတာမျိုးလည်းမရှိပါဘူး။ မတိုက်မိအောင်မနည်းရှောင်ကြရပါတယ်။ ဆိုင်ကယ်တွေက လူကူးတဲ့မျဉ်းကြားကနေ လူတွေကြားက ဖြတ်ပြီးလမ်းတဖက်ကို ကူးပါတယ်။ တက်စီခကအစ၊ စားစရာ၊ ပစ္စည်း အမျိုးမျိုးဈေးအလွန်ချိုပါတယ်။ နောက်နေ့ဆက်ပါဦးမယ်။
ချမ်းမြေ့ကြပါစေ။

4 comments:

တောင်ပေါ်သား said...

အပါးးးးးးးးး တရုတ်ပြည်သွား တောလား ဖတ်သွားတယ် ဦးဥာဏ် အားလုံး အိုကေပါစေ။း) ပိုစတာပြပွဲမှာလဲ ဆုရပါစေး) တရုတ်နဲ့ မြန်မာက စရိုက်တူတယ်ဆိုတာက မပြောတော့ပါဘူးဗျာ..း) အစစအရာရာ အဆင်ပြေပါစေလို့ပဲ ဆုတောင်းပေးပါတယ်


လေးစားလျက်
တောင်ပေါ်သား

ဖြိုးအောင် said...

ဗဟုသုတရစေတဲ့ ပိုစ့်လေးပါပဲ။ နောက်နေ့တွေလဲစောင့်ဖတ်ပါဦးမယ်။

Anonymous said...

ဇာတ်တိုက်ထားတဲ့အကြောင်းဆရာရေးမှသိရတယ်။ဆရာကလဲ biomaterial ပဲလား။ အမျိုးသားလဲ အဲဒါနဲ့ ဒီဇင်ဘာမှာ PhD ပီးမှာပဲ။ သူက gold nano tech နဲ့ cell sensor လုပ်တာ။
ဝေတိုး

Dr. Nyan said...

ကျွန်တော့်သုတေသနတွေထဲကတစ်ခုက biomaterial ရယ် ဆေးရယ်ပေါင်းစပ်ပြီး အရိုးသားအသစ်ဖွဲ့စည်းစေတဲ့သုတေသနပါ။ Dental implant နဲ့ပတ်သက်ပြီးလည်း Metal နဲ့ ဆေးပေါင်းစပ်တဲ့သုတေသနတစ်ခု၊ Metal surface ကို သွားအရောင်နဲ့တူအောင်ပြောင်းတဲ့သုတေသနတစ်ခုကို တွဲလုပ်နေပါတယ်။ ဆိုင်းဝိုင်းတီးသလိုမျိုးတစ်ယောက်ထဲနဲ့ ၂မျိုး၃မျိုးလုပ်နေမိပါတယ်။ ဘွဲ့ယူမယ့်စာတမ်းကအရိုးနဲ့ပတ်သက်တဲ့သုတေသနနဲ့ပါ။